نشر في لندن

مطلوب لمدة شهر

سعوديه وبس

21-10-2022 - 10:19 am

السلام عليكم
ابي منكم فزعه احنا عددنا كبير والمدة الي بنجلسها هناك لاتقل عن شهر طلبي شقة يكون سعرها معقول في الاسبوع وخدمة فندقية اذا حصل يهمني الامان لان في اطفال واذا ممكن تكون بعيدة عن اجول رود ؟ عادة في لندن شقق مو تبع فندق بس فيها 3 ايام في الاسبوع خادمة تنظف الشقه وتغير المفارش اذا حصل هذي او فندقيه اهم شي الامان
شكرا مقدما

التعليقات (9)

غريبه في الدنيا

21-10-2022 - 01:26 pm

هلا وغلا يا أختي الغاليه
بصراحه أفضل مكان للسكن هي منطقة الكنزكتون
في شارع الكروم ويل فيه واايد شقق واسعارها مب غاليه وايد تبدأ من 700 باوند وبصرااحه هالمنطقه هاديه وبعيده عن صدعت الاجور رود
وبالتوفيق

سعوديه وبس

21-10-2022 - 02:27 pm

غريبه في الدنيا
طيب اختي هالمنطقه كم تبعد عن الاكسفورد ووسط لندن .ما اعرف ذا فيها شقق فندقيه

βνĹĂĢŔĨ-Q8

21-10-2022 - 03:28 pm

بس اختى اذا بعدتى عن شوارع العرب يقل الامان وما ادرى تصير موحشة حتى باليل وقت الردة للبيت تخافين لان يصير صخة وغير اللى يتربصون للعرب اما اجورد رود حياة بالليل تحسيين بامان بالردة باليل

scott44

21-10-2022 - 04:29 pm

غريبه في الدنيا
:2 4::2: 113:: 113:
صراحة كلام خبرة لا غبار عليه تماما .... تقديري لك ... scott

scott44

21-10-2022 - 05:30 pm

سعوديه وبس
هي في وسط لندن اقل من 10 دقايق عن هارودز مشي ... اغلب اللي يسكنون هناك ( اخوانا من الامارات .. يحبون هالمنطقة هي والايرلس كورت .. والايطالين فيها بشكل عجيب ) المنطقة رايقة و هادية و فيه امان جدا وقريبة من المناطق الراقية مثل تشيلسي ... ومليانه فنادق جدا جدا ... تحياتي ... scott

سعوديه وبس

21-10-2022 - 06:31 pm

scott44
ممكن رقم مكتب او ايميل بس يكون لشركة او مكتب موثوق ..يعجز اللسان عن شكركم

غريبه في الدنيا

21-10-2022 - 07:32 pm

سعوديه وبس
حبوبه في خاطري اساعدج واعطيج أرقام لمكاتب ولاشخاص عندهم شقق للايجار بس المشكله ممنوع عرض اي رقم على المنتدى
بس نصيحه يا أختي هذي المنطقه هاديه وايد وما تبعد عن الاكسفورد والاجور رود وايد وبصرااحه كل ما اروح لندن تقريبا منذ 6 سنوات الى الان اسكن في هذي المنطقه وبصراحه عمري ما تعرضت لاي مشاكل وبعدين الحاافظ الله سواء كنتي داخل لندن ولا خارج لندن

سعوديه وبس

21-10-2022 - 08:33 pm

غريبه في الدنيا
والحل مره محتاجة الرقم ..على الخاص ينفع ترسلينه او عن طريق ادارة المنتدى

غريبه في الدنيا

21-10-2022 - 09:34 pm

سعوديه وبس
حبوبه المشكله ما يصير ع الخااص بس بامكان السفاره التابعه لبلادج يعطونج الارقام أو في حل ثاني أنج تنزلين في اي فندق في هذي المنطقه وبعدين تختارين الشقه على راحتج لان على امتدار شارع الكروم ول موجوده عناوين وايد شقق
وبالتوفيق

لندن المسافرون العرب

مطلوب لمدة شهر