Pink_girl
برد مووت طبعا ،، لن يهنالك التمشي فى هالجو ، يعنى يادوب من باب الفندق إلى السياره و تدخلين المكان اللى رايحتيله ، مافى مجال للتمشي .. إذا شهر 9 برد كيف شهر يناير !

السلام وعليكم
لندن في شهر واحد تصل درجة الحرارة فيها الى5 ويحتاج االواحد فيها الى جاكيت

يعني شكلها الظاهر ماتنفع السفره بها التوقيت ابد خساره زوجي عنده إجازه في شهر يناير خلاص الظاهر بنخليها مصر مثل السنه اللي فاتت

هلا وغلا ،،،
عدنا بعد غيبة عن المنتدى !!!
بالنسبة للجو في شهر يناير ، فانا شخصيا اعتبر احلى وقت لزيارة لندن هو في هذا الوقت بغض النظر عن برودة الجو !!! خاصة اذا كانت الزيارة ستتزامن مع احتفالات رأس السنة !!!
الشئ اللي مايعرفة الجميع ، ان شهر يناير يعتبر اغلى شهر في لندن وهو يصنف سياحيا بانه ازحم فترة ، لهذا لن يكون بامكان السائح ان يجد سكن بسهولة في هذا الوقت !!!
الميزة الاخرى ايضا ، ان في هذه الفترة بالتحديد يكون اغلب السياح من الجنسيات الاوروبية و الاميريكية ونسبة السياح العرب قليلة جدا جدا ان لم تكن معدومة ومقتصرة على المقيمين والطلاب !!!!
ايضا ميزة اخرى انه اغلب اوقات التخفيض في الاسواق هي في الفترة مابعد الاحتفالات بعيد الكريسميس ( اقصد البوكسنق دي بالتحديد) وحتى نهاية شهر يناير ، ولكن الضريبة هي في غلاء السكن
بالنسبة للجو فهو بارد نعم ولكنة ليس بالبرودة التي لاتستحمل بحكم هطول الثلوج ، لان اذا نزل الثلج فان البرودة تكون معقولة !!! ايضا فرصة ان الشخص يستمتع بفترات الثلوج واللعب فيها
طبعا جميع ماذكر بالاعلى هو رأيي انا الشخصي ومن تجربة خمس سنوات !!!! استغرب مقارنة مصر بلندن !!!!!!

كولشستر غيرت رايي من كلامك يعني لندن بشهر يناير حلوه تستاهل الزياره ؟ مو برد مرره ؟ وبخصوص غلاء السكن يعني يرتفع كثير يعني توصل انه يندبل السعر او ارتفاع بسيط وش اهم النشاطات اللي تصير في لندن خلال شهر يناير ياليت تساعدني لاني بكون على فكره اول مره ازور لندن يعني ايش الاماكن اللي اروح لها بها التوقيت والاماكن اللي بعد ماتصلح زيارتها بهذا الشهر وكيف اقدر اقضي الوقت هناك خلال فتره سفري من هذا الشهر بالتحديد من السنه لان كثير اعرف زارو لندن لكن بالصيف ومثل ماقلت بالشتاء مااظن احد اعرفه جربها ياليت توافيني بمعلومات كامله واكون لك من الشاكرين