اللي اخبره انه لازم تقضب سرا من الفجر عند السفاره الفرنسيه يمكن يحوشك الدور على الظهر او انك ترسل جوازل لديرتك يفيزولك من ديرتك ويرجعونه لك
لانه بعض المرات يقولولك ليش مافيزت من السفاره اللي بديرتك مثل ما صار مع واحد من الربع
بس الاوراق المطلوبه ما اذكرها بس فيها صورتين شخصيه وصوره جاوزك اول صفحه والصفحه اللي فيها صورتك وتعبي نموذج الطلب مالهم

لي اخبره انه لازم تقضب سرا من الفجر عند السفاره الفرنسيه يمكن يحوشك الدور على الظهر او انك ترسل جوازل لديرتك يفيزولك من ديرتك ويرجعونه لك
لانه بعض المرات يقولولك ليش مافيزت من السفاره اللي بديرتك مثل ما صار مع واحد من الربع
بس الاوراق المطلوبه ما اذكرها بس فيها صورتين شخصيه وصوره جاوزك اول صفحه والصفحه اللي فيها صورتك وتعبي نموذج الطلب مالهم
نفس الكلام بس أعمل حسابك انها مو زي فيزة بريطانيا تاخذ يومين..لا تاخذ أسبوعين بالقليل ..

ما ادري انا اذكر خذنا الفيزا للندن ولفرنسا من قطر وكانت معانا عائله من الأهل ماعندهم فيزا لفرنسا فطلعت لهم الفيزا في يومين ..
و في لندن اتفقنا مع شركة سالي السياحيه في ادجوار روود انروح بالباص لمدة 5 ساعات كانت من احلا سفراتنا لأن شفنا معالم لندن وفرنسا وبعدها دخلنا في نفق تحت البحر في قطار خاص يحمل السيارات والباصات ونزلنا لمدة ساعه تقريبا في مجمع اسمه السوق الأوربي وبعدها كملنا الين وصلنا باريس وكانت كل يوم رحله الى معلم من معالم باريس بس صج روعه انصحك فيها

أنا حاليا في الرياض وتذكرت هالموضوع وحبيت امر عليه
الله يالدنيا سنة مرت كأنها يوم
للأسف ما حصل اني اروح فرنسا السنة الماضية والسبب اني تحطمت من اول ردين
وين طابور والله مشوار :112:
السنة هذي بحول الله رايح لسويسرا وابمر اكيد على فرنسا - لاني ابشنقن من الحين -
ومشكورين على ردودكم