وعليكم السلام
يسعد مساك اخي كاستروا
مابعرف شي عن المطعم لو حدا بعرف نتمنى الاجابة

هو مطعم وكوفي شوب اتوقع انه في مجمع عبودي العوايشه التجاري طريق السلط بعد جسر السلط والفحيص مطل وجو رومناسي

كنت في المطعم قبل اسبوعين على طريق السلط مطعم اسعاره متقاربه من مطعم ريم البوادي واغلى شوي
المطعم انصحك فيه وخصوصاُ الجلسات الخارجيه المطله على الوادي

درست في جامعة عمان الاهلية ( على طريق السلط )
وكنت كل يوم اقول بدي ادخله
اتخرجت من الجامعة والى الان ما دخلته
بس اللى بسمع عنه انه منيح وقعداته رائعة جدا

nanaabuabed
شكرا" لمرورك مشرفتنا الغالية

jordanian
شكرا" لك ووصفك للمطعم صحيح 100%ولكن لاأعلم عن الأسعار
يالليت الأفادة

al fahad77
الله يعطيك العافية
كعادتك متميز متعاون مع جميع أعضاء وعضوات المنتدى
يعنى المطعم أسعاره غالية؟

نشمي الاردن
الله يعطيك العافية
كل هذا كسل طيلة دراستك بالجامعة ولاقدرت تنزل له ولا مرة ؟؟
ههه

نعم انا بعرفو اخ كاسترو
كتير روعة
رحتو اكتر من مرة
وهو زي ما حكولك عبارة عن مطعم وكوفي شوب
وفي الو مدخلين واحد بس مطعم
والمدخل التاني بكون فيو كوفي شوب ومطعم
بس انا من الناس اللي بنصحك تروحو لانو قعدتو كتير روعة
واحلى شي انك تروحو وتقعد برا مو جوا
يعني عالقعدة المكشوفة والا فلا تروحو لانو هي احلى شي وبتيجي طلتو على وادي
وخاصة لما تقعد على طلة الوادي مباشرة
اجواؤو هادية ورايقة وشغل سلطنة وعلى كيف كيفك
;)))
طبعا بالنسبة لنوعية الاكل فبقدم كل شي
طبعا اولا مشهور بالمشاوي
والاطباق التانية بقدمها متلا اطباق عادية متلا سكالوب وساندويتش
يعني باختصار عندو كل شي
والكوفي شوب طبعا كمان نفس الشي العصائر والحلويات الشرقية والايس كريم وهاي القصص
واكيد في اراجيل طبعا
وبالنسبة للاسعار فانا بصنفو من الاسعار اللي مو رخيصة
يعني مو غالي غالي كتير
لا عادي بس انو نوعا ما مو رخيص
يعني متلا رحت انا ومجموعة على سبيل المثال وكان الطلب عبارة عن 2 هوت شوكلت وعصير فقط
وكان الحساب 12 دينار
فانا بالنسبة الي اعتبرتو سعر مو رخيص انو بس عهاد الطلب يطلع هيك
بتمنى اكون افتدتك بالمعلومات الكافية
وعذرا للاطالة