مساء الخير
كما تعلمون حبايبنا عمان مليئة بالمطاعم المتنوعة والمختلفة المذاق
لكن حبيت اخبركم هالخبرية عن مطعم جربته واكلت عندهم بدل المرة مرتين
قولوا ليش
انا اول مرة اجي هالمطعم وادخله واتذوق طبخهم
ورغم اني لما دخلته ما لقيت إلا شخص او زبون واحد وكان ماخذ طلبه سفري
يعني المطعم شبه فاضي وشكله ما عليه إقبال ويمكن ما هو معروف بين السياح وزوار عمان
وهذا الشيء ممكن يخلي البعض يتردد بالدخول له وانه يدور على مطعم آخر ويكون مزدحم بالزباين
وخاصة ان حواليه مطاعم كثيرة مثل برزان ويقع مقابله ومطاعم المندي وغيرهن
لكني توكلت واكملت ودخلت ورحت للمغسلة عشان اغسل وتفاجأت بمنظر شد إنتباهي
وانا رايح للمغسلة كان باب المطبخ مفتوح
وشفت زول حرمة موجودة في المطبخ وباين من لبسها انها ما هي زبونة وداخلة للمطبخ
المهم غسلت وجلست جاني المعلم وما امداه وقف ورحب فيني حتى سألته عن الحرمة الموجودة في المطبخ
فقال لي هذي الطباخة
يا هو
معقولة
قال نعم هذي هي اللي تطبخ كل هالأكلات حتى انها قبل تمشي تجهز لنا المشاوي وغيرها منشان العشاء
فقلت بنفسي هذي والله انها عز الطلب
الواحد ممكن يأكل اكل مثل اكل البيت او قريب منه
طبعآ غير هالجلسات فيه جلسات بالطابق الثاني
وطلبت مقلوبة لأنه صار لي مدة ما شفتها ومشتاق لها حيل ههه
وبعد يومين رجعت لهم وقلت خلني اجرب منسفهم
وصراحة كان جدآ لذيذ وشهي وزاكي
وبرضوا حتى هاليوم ما كان فيه زباين وانا موجود ما جاء احد
وربي يسلم دياتك يا ام ام ام قولوا معي خلاص نسيت ههه
دائمآ وابدآ نلتقي على خير ومحبة
ودمتم سالمين