الإم بنت ارات
مرحبا اختي بنت الإمارات
بالنسبة للمطاعم العربية أو التركية ما اعتقد راح تحصلين في المارين بلاتز ، لكن في المنطقة اللي حواليها فيه وايد مطاعم عربية و ايرانية و تركية و مغربية و هندية ، اذكر قريب من المارين مطعم ايراني كويس اسمه دهباشي و يقولون انه اقدم مطعم ايراني في ميونخ

نعم اختي صحيح مافي مطاعم عربيه في المارين بلاتز ... بس قريب منها في الستي سنتر

اذا انتى طالعة من المارين بلاتز " عند الماكدونالز " و نزلتي الدرج عشان تروحين الجهه الثانية .. بتحصلين مطعم تركي .. و اذا رديتي طلعتي الدرج باتجاه محطة القطار الرئيسية " الهوب بانهوف " كملى سيده و بمسافه مش بعيده بتحصلين من 3 مطاعم تركية .. قبل فندق لى ميريديان
زوري الرابط هذا و بتعرفين اكثر
خارطة تبين المسافة من المارين بلاتز و محطة القطار الرئيسيه فى ميونخ http://www.wikimapia.org/
و بتحصلين واحد معلم على مطعم تركي ... لكن على طول امتداد الشارع فى 3 مطاعم تركيه
اتمنى انى فتدج
بس نصيحة .... الاكل التركي وايد يعطش .. كثروا من الماي
دمتم بود

اسامي المطاعم التركية
Doner Burger
Doner Kebap "مكتوب عليه حلال"
Montana
واذا كملتوا سيده بتحصلون واحد كاتب عالزجاج ماكولات عربية ماكولات ايرانية بطاقة تلفون بس ما تشجعت ادخله
اي خدمه ثانية انا حاضر

no nick
ايوه اخوي هاي المطاعم موجودة على الشارع ، بس بصراحة مطاعم دون المستوى و ما ينفع احد يجلس فيهم ، أنا كنت اتكلم عن المطاعم الراقية شوي ، و اللي ممكن ان العايلات تجلس فيهم

سما الإمارات
الاخت سالت عن المطاعم العربية او التركية ... و هذي المطاعم اللى اعرفها
و انا كنت كل ما اشتري عندهم .. اخذه بارسل .. لان القعده ما تصلح فى هالاماكن .. بس اكاهم زين ..
حتى الفاست فود ما اكله فالمطاعم شرات برجر كنج او ماكدونالدز الا اذا كنت مضطر
و للاسف المطاعم العربية الى تستاهل القعدة فيها.. ما شفتها lol كفاية المطاعم اللى عدنا فالبلاد ..اسير ادور حمص و فلافل و مشاوي ؟
لكن نحن العرب ما نستغني عن العيوش و اللحوم و ظرب بالخمس.. هذي مشكله و لازم تنحل

no nick
اخوي انت ما قصرت ، أنا ما اقصد اقلل من قيمة كلامك ، لكن انا ظنيت الأخت تبا الأماكن اللي ممكن تاكل فيها برى يعني
عموماً انت تقول ان العرب ما يستغنون عن العيش و اللحم ، لكن ترى بعد هم أكلهم في المانيا مب حلو ، عندهم اكلات غريبة بصراحة ما ادري كيف ياكلونها

سما الإمارات
دونت ووري انا اخذ الامور بصدر رحب
بالنسبة للاكل بشكل عام !!! انا يوم اسافر استغني عن العيوش
عندج :
بيتزا
باستا
كالزوني
سي فود
و و و و غيرها وايد

مطعم لبناني اسمه كساره
و عنوانه
haimhauser strabe 7
munchen schwabing 80802
و موقعه ksara - libanesisches Restaurant München
و مطعم ايراني مجرب و حلو فبه الارز بالزعفران
dachauer strabe 19 -80335 munchen
و موقعه Pars-Restaurant
,مطعم لبناني ثاني اسمه ليونرود
leonrodstr.45
munchen 80386
و شكرا