هلا
حذفنا صباح من قائمة الرحلة وضفنا ليلة في جنتنغ وليلة في كوالالمبور في البداية ...
يصير المكان والمبيت :
كوالالمبور************* 3 ليالي
جنتنغ ************** ليلتين
لنكاوي ************** 3 ليالي
بياننغ ************** 4 ليالي
ملكا ************** ليلتين
كاميرون ********** ليلتين
بانكور ************ ليلتين
العودة لكوالالمبور** 4 ليالي

ليش مكثرين الليالي بكوالا لمبور !!!!!!
طيب لو تحطون 4 ايام بلنكاوي و 3 بكاميرون ما يكون احسن ؟؟؟

هلا أخوي أغنية المطر
بس الكاميرون أقرأ أنه ما تستحمل أكثر من ليلتين ولا ويش رايك ؟؟
مشكور أخوي على المساعدة

حياك
طبعاً جدولك دسم جداً
ما شاء الله عليكم راح تغطوا مناطق كثيرة
وهذا بحد ذاته شيء طيب لكن متعب في التنقلات
لكن حسب مافهمت ان مسألة التنقلات بالنسبة لكم ماهو عائق او شيء صعب
عموما بالنسبة للجدول من حيث تقسيم الايام اشوف انه جيد
لكن لي ملاحظة بسيطة وهي
انك تحاولي تجمعي المناطق القريبة من بعضها في خط واحد
علشان لايصير فيه تشتت وزيادة تكاليف
يعني مثلاً
لانكاوي وبيننغ وبانكور تكون ورى بعض في الايام
كوالا ملكا جنتنج تكون ورى بعض في الايام
كوالا
لانكاوي
بانكور
بيننغ
كاميرون
جنتنج
كوالا
ملكا
ثم العودة لكوالا

هلا أخوي صادق الإحساس ...
أخوي ويش رايك من جنتنغ لملكا ؟؟
لإنه اذا دخلنا كوالالمبور بنتسوق وطبعاً التسوق زيادة في العفش ...

حياك
فيه نقطة ودي اقولك عليها يمكن تكون غايبة عنك
لكن هذي طريقة الكثير يستخدمها ومهمة جداً بالنسبة للتنقلات
كل الفنادق تقدم خدمة الاحتفاظ بالعفش وهي طريقة مستخدمة ومأمونة
يعني
لو فرضنا نزلتوا في فندق في كوالا
وبعدها ناوين تروحون لأي مدينة ثانية لمدة يومين وترجعون لكوالا
ممكن تاخذوا كم شنطة تكفيكم لليومين اللي بتغيبون فيها عن كوالا
وتخلون الشنط الزايدة في مكان اسمه الامانات في نفس الفندق
ولو كنتم بترجعون بعد يومين لفندق جديد في كوالا غير اللي بتتركونه
برضه ممكن تحطونها في الامانات للفندق الجديد اللي نواين تنزلون عندهم
تورونهم الفوتشر ويحتفظ بالعفش الزائد الين ترجعون
وما يقولون شيء طالما انكم راح تسكنوا عندهم وفيه ما يثبت
وترى هذي العملية متعارف عليها والكثير يستخدمها
وهي خدمة مجانية ولا فيها اي تفضل ولا تكرم من حق النزيل يستخدمها
طبعاً شنطكم ما راح تضييع لان بيحطون عليها استكر برقم نفس طريقة العفش في الطيارة
اتوقع هذي الفكرة راح تريحكم كثير وتعجبكم

مدري و الله يا اختي ... بس انا قلت 3 ايام في كاميرون لاني افكر انكم تبون تريحون شوي و تشوفون الطبيعه

أخوي صادق الإحساس
والله ذكرتيني سوينا هذي الفكرة لما سافرنا سوريا وارتحنا من تنقيل الشنط ...
اوكي خلاص نسويها اذا احتجنا ...
أخوي أغنية المطر
خلاص أتشاور ويا مجلس الشيوخ ونشوف نتائج تغيير مدة الليالي ...
وأتوقع فكرتك الأولى أنه نضيف ليلة في الكاميرون أحسن من الثانية ...
مشكورين وعطاكم الله العافية
بس باقي خط السير ..
يعني أبغى أحد يقول لي من وين أطلع إلى وين وبواسطة طيران ولا سيارة ولا باص ...
والله يعينكم على الأسئلة

1. ===================


2. العودة لكوالالمبور** 4 ليالي

كوالالمبور************* 3 ليالي
ممتاز
====================
جنتنغ ************** ليلتين
اتوقع ما تحتاج ليلتين الا اذا كنتم من محبي البرد لانه ما فيها الا الملاهي والواحد يخلصها في 4 ساعة كلها بعدها ما عاد فيه حاجة يسويها الا اذا كنتو من محبي السينما فاجلسوا ليلتين
========================
لنكاوي ************** 3 ليالي
ممتاز جداً 3 أيام ولا تكثروا عنها راح تطفشوا ما فيها اشياء كثير يعني تروحون اكثر الامكان السياحية في يومين
=======================
بياننغ ************** 4 ليالي
جميل جداً تستحق 4 ايام بياليها
=======================
ملكا ************** ليلتين
الي اسمعه عن هذه المنطقة ما تحتاج الا يوم لانه ما فيها شي نهائيا وفي الليلة تكون فاضية
=========================
كاميرون ********** ليلتين
وايضا هذه نفس الشيء
========================
بانكور ************ ليلتين
وهذا ايضا
================
انا هذه المناطق الي بانكور كاميرون ملكا ما رحتهم وما اقدر افتيلكم فيها لكن الي سمعته انها ما تستحق اكثر من يوم وفي الأخير هي تمشية وتجربة جديدة

===================

العودة لكوالالمبور** 4 ليالي

انا افضل انكم تزيدو كم يوم في كوالمبور لانها فيها امكان كثيرة حلوة وتحتاج ايام حتى الواحد ينتهي منها يعني الاسواق اذا رحتوا مثلاً تايم اسكوير وميجا مول يصير هذا اليوم انتهي ، واذا زرتوا ثاني يوم السوق الصيني هذا راح نصف يوم غير الاماكن الترفيهية مثلا الوندرلاند والمتاحف وحديقة الحيوانات فانا عن نفسي افضل 10 ايام في كوالمبور ويله بالحيل تكفيني اني اروح لمعظم الاماكن
======================
واقترح عليكم ان تضيفوا في الجدوال افاموزا تراها جميلة وممتعة ، وتستاهل نصف يوم من الصبح الى المساء
الجدول جميل واتمنى لكم سفرة ممتعة والعودة بسلامة
واي سؤال حاضرين