السلام عليكم
كتير اخوان كانو بيشتكوا من دخول عمال النظافة عليهم وهم نايمين
في الاوتبلات في ورقة بتلاقوها على الطاولة مكتوب على جهة منها او ال الجهتين
please do not disturb وفي متل فندق ميليا زرار من جوا وبرا بتدوس على زر مكتوب عليها نفس الجملة بيضوي الزر الي برا الي مكتوب عليه نفس الجملة
والزر التاني مكتوب please clean the room كمان دستو من جوا بيضوي الي برا بالتالي العامل بيعرف ازا انت بدك تنظف الغرفة ولا شاغرها حاليا، الورقة بتتعلق على ايد الباب من برا طبعا
لانهم ازا ماشافو الورقة او لضو مولع بيدقوا الباب مرتين تلاتة وبيتادو room service ماحدا رد بيفوتوا على طول بس بهدوء حتى يتأكدوا مافي حد فما تنسوا هاي الورقة
ومرات بيكون في شي بالتلاجة ويوم خروجك بيدق حد الباب وبيقلك انو حابب يشيك على the mini bar بيشيك ازا مستهلك شي بيخصموا من مبلغ التأمين
يوم ال check in بيطلبوا منك security deposit هدا مبلغ تأمين لو استهلكت شي او غسلت شي عندهم او اتصلت من تلفونهم بيتقطعوا من المبلغ
الcheck out بالوتيلات بالغالب الساعة 12 فلو وصلتو بكير للأوتيل ما تستغربوا انو الغرفة غير جاهزة غالبا على ال 1 او وحدة ونص بتكون جاهزة انا وصلت 10 وشوي حطيت الشنط عندهم ورحت المول لانو مابايدهم شي وطبعا نفس الشي يوم مغادرتك لازم تترك الغرفة قبل ال 12 وممكن تحط امتعتك عندهم وترجع تاخدها وقت خروجك النهائي من المدينة
هدي الاشياء حبيت اكتبها لاني شفت اكتر من موضوع عنها هون