شوفي أختي بما أن مجربة أسفر مع توأم (وقتها كان أعمارهم سنة و5 شهور)بقولج أهم الأشياء ألي تاخذينها وأنتي شوفي عقب ألي يناسبج.

• أول ماتحجزون أو أذا حجزتو خلاص وانتو بتاخذون تذاكر الدخول وصيهم يكون الكرسي جدام عشان أوسع وأريح.
• عربة الطفل لازم(أخذي النوع الخفيف).
• الشنطة إلي راح تحملينها معاج للطفل لازم يكون فيها(غيرات للتبديل مايتعدون3 ،ترمس ماء حجمة صغيرو أذا تبين زيادة ماي حارة قولي حق المضيفة،بدلة أحتياط ويفضل كم طويل ،فوطة صغيرة، كلينكس ديتول للتعقيم وكلينكس بيبي لتنظيف اليد أو الوجة، لعبة يحبها تكون صغيرة أو قصة أو تلوين،بسكوت عصير علبتين،الحليب البودر يفضل وضعة في البلاستك المقسم جاهز لعمل الرضعة أن شاءالله عرفتية ).

بنسبة حق أكل الطفل أعتقد عادي أي شي راح تاكلونة ياكلة بس لا غنى من وضع في الشنطة عن:

• علب الحليب على حسب عدد الأيام وعدد أستهلكه من الحليب(يفضل علب صغيرة)
• سيرليك(أي نوع إلي يحبة تكون علبة وحدة فقط)
• معلبات صغيرة مثل الوبيا أو أكلة يحبها ورز كمية قليلة (عشان تطبخين لة موشرط غدا عشا مثل ماكنت أسوي لأن وقت الغد أحنا برع وكانو ياكلون من إلي أحنا ناكلة بس العشا كنت أشتري روب وأعطيهم مع الرز أو مكرونا جاهزة يبعونها ماتحتاج ألا ماء مغلي)عشان مايعورهم بطنهم من كثر اكل المطاعم.
• عصاير مشكلة حجمها صغير.
• كلينكس بيبي +ديتول.
• غيرات من النوع إلي يستخدمه (ناس يقولون هناك فيه بس أنا أحب أخذ معاي تقريباً على عدد الأيام).
• لاتكثرين من الملابس الشتوية أهم شي جاكيت خفيف ،و3 ملابس صيفية 4 ربيعية لأن الأجواء أحياناً تكون ماتحتاج كم طويل.
• قياس الحرارة والأدوية المهمة مثل خافض الحرارة،وشراب للكحة وقطرات للأنف،فازلين........
• أدوات التنظيف أحجم صغيرة (شامبو،صابون الأستحمام،مقراض أظافر
• أهم شي في شنطتج يكون معاج حلويات :36_11_15::36_11_10::36_15_24: عشان وقت مايكون متملل أو يصيح وهو شبعان تعطينه.

أدري بتقولين وايد بس صادقيني أنا مجربة كل إلي ذكرتة أستخدمة لهم :suprise: وأصلاً كل راح تاخذينة حجم صغير
وأن شاءالله قدرت أفيدج وأي أستفسار أنا حاضرة

مشكورة أختي سحر الليل على نصايحك الحلوة والمفيدة
بس بغيت اسألك كيف السفر ويا الأطفال ان شاء الله ما في تعب لأني وايد احاتي والكل يقولي لا تاخذيه وياك
بي أنا ما اقدر اسافر واخليه....
كيف اثناء التمشية كيف يكون الوضع لما يريد ينام ويأكل؟؟؟؟؟
معلش اصلي احاتي وايد وما اريد تضيع علينا هالسفرية لأنها مرة بالعمر

مشكورة أختي سحر الليل على الفائدة اللي طرحتيها فعلا مفيدة نصايحك
وبعدني أسال لاني وايد احاتي السفر مع طفل صغير متعب ولا مشي حالك
وكيف يكون الوضع لما نتمشى وهو يريد ينام ؟؟؟؟؟؟
بعدني انتظر نصائح المجربين

الله يعينك
حنا بعد مسافرين ومعي طفل ماعدا 6شهور وزي حالتك نصايحكم

**تأمل2009 **
الحمدالله أني قدرت أفيدج ،وبخصوص نومة الطفل طول ماهو عندة العربانة لاتشيلين هم لأن كلما بغى ينام حينام مكانة ونتو تتمشون(أهم شي العربانة فيها مسندة تروح للخلف عشان لما ينام ماتعوج رقبتة،في أنواع عند مذركير خفيفة ولما تفكين الحزام الخلفي للمسندة تروح للخلف طبعاً موينسدح لأ يعني توازن الظهر مع الرقبة)
وحطي في بالج أذا أنتي مستعدة نفسياً وطولين بالج وبال :m9: ومتقبلين طفلكم للسفر راح تمشي الأمور،لأن اعرف ناس مايحبون ياخذون أعيالهم للسفر ويملون من حركاتهم خصوصاً أذا أعمارهم سنة وسنتين ،أما عن نفس ماطلع من بلادي ألا هم معاي والله يحفظهم ويحفظ ولدج وجميع أعيال المسلمين.

• *همه عاليه**

بنسبة لج اختي في أختلاف فقط للعربانة ونوع الأكل:

• العربانة العادية الكبيرة لأن مسندتها أصح للأطفال إلي تحت السنة وعظمتهم ماتشد العربانة الخفيفة،وبطانية صغيرة.
• أعتقد بدري علية أكل الكبار أو يمكن توج بادية تعطينة طعام مهروس ففي هالحالة تاخين معاج:

1- جهز هرس الطعام حجمة صغير.
2-جدر صغير لطهي الخضروات(مب كل يوم :222: بس كل 3 أيام تطبخين وتهرسين وتخزنينة في العلب البلاستكية وتكونين جايبتها معاج وتحفظينها في الثلاجة)
3- غير طبعاً السيريلايك الذي لاغنى عنه،أو الرز المطحون او حتى العادي.
وخذو راحتكم في الأسئلة وأن شاءالله أقدر أساعدكم
ورحلة موفقة:8888:

معلش أختي سحر الليل بس بتعبك من كثر الاسئلة
بس بحكم ان الرحلة طويلة بالطايرة كيف اكيف طفلي على النوم لاسيما انه ماراح يكون له مكان خاص فراح اتعب وهو بعد ما راح يأخذ راحته بالنوم
وبعد بشكل عام بالنسبة لصحة الطفل كيف اخذ الحيطة من أي فيروسات وغيره من الامراض

1. لأ حبيبتي لاتعب ولا شي:36_3_12: المهم أني أقدر أفيدج قدر أستطاعتي

لأ حبيبتي لاتعب ولا شي:36_3_12: المهم أني أقدر أفيدج قدر أستطاعتي

المهم بنسبة حق نومة الطفل في الطيارة حاولي يوم مابسافرون مايكون نايم نومة طويلة في البيت :thumb_icoمثلاُ أذا كان سفركم الساعة 12 الظهر حاولي يقوم الصبح بدري :icon_sunn يعني الساعة 6 عشان مايركب الطيارة ألا هو تعبان يبغى ينام ونفس الشي أذا كان في الليل(يعني ماتودينة المطار وهو شبعان نوم) وأهم شي حميمية قبل لاتروحون المطار وقبل لا تركبون الطيارة بدلية في حمام المطار (الله يعزك) لأن حمام الطيارة يدوب ماتقدرين تفترين فيه ، ويكون شبعان قبل لاتركبين الطيارة بس تعطينة رضعته ويانام:36_1_50:.

• بخصوص صحة الطفل أنا ذكرت لج قبل أهم الأدوية إلي متعود ياخذها مثلاً للحرارة أو الرشح،عشان أذا حسيته زكم أو علامات أرتفاع الحرارة :ill_h4h: على طول تعطينة .
• ولا تزيدين علية ملابس ثقيلة أزيادة عن اللزوم أذا كان الجو بارد لأن جو أوروبا الصيفي مايضر مثل جونا مجرد جاكيت خفيف وقبعة شمسية :36_11_3:أذا كان الجو مشمس وكثري من شرب الماء.
• وأذا مطر:rain: يأما تاخذين له جاكيت خاص للمطر وأغلب المحلات هناك يبعونة وخفيف في نفس الوقت أو مظلة خاص للعربانة بعد من هناك تشترينها.
• طبعاً النظافة أهم شي بس ماتوصل درجة( الوسواس) قبل لاتعطينة شي ياكلة تأكدي يدة نظيفة وأذا لعب هم مسحي يدة (مناديل الديتول +بيبي جونسن).حتى أذا حطتية في عربانة التسوق حاولي تمسحين المقابض (عندي ولدي كبر ولدج من أحطة على طول يعظ مسكة عربانة التسوق وعادتاً أذا هو معاي أخذ المناديل المعقمة عشان أمسحه)

ونصيحة أذا وصلتو البلاد ودخلتي الغرفة أو الشقة إلي بتسكنون فيها حاول الطهرين كل الأماكن إلي تتوقعين أن راح يلمسها:36_6_1: .
أمأذا كان قصدج عن هالمرض المنتشر صراحة إلي لحين أقرا :36_1_27: طرق الوقاية وأغالب إلي قرأتة :36_13_3:نفس إلي ذكرتة(والله يبعده عنا قولو آآآآمين)
وأن شاءالله ماتحتجين هاالأدوية وتروحون وترجعون سالمين

مشكورة أختي
احنا سفرنا بإذن الله بتاريخ 10-7
وعاد مو عارفين كيف بتكون الأوضاع بعد ما وصل المرض المستوى السادس؟؟؟!!!!!!!!

أهلين أختي تأمل 2009
أي والله تونا أنا وأبوالعيال نتكلام عن هذي الموضوع وشكلنا بنكسل وبنروح دبي ، رغم مخلصين كل شي حتى الفيز
وسفرتنا 22/7 والله يسوي إلي في الخير......