أرخص شركة ليبارا Lebara
اعتقد تشتري الشريحة بدولارين او ببلاش .. وتشحنها بخمس أو عشرة دولار
ولما تشتريها تفعلها اما عن طريق الاتصال بين 8 صباحاً الى 8 مساءً او عن طريق النت في غير ساعات العمل ,,
لتفعليها المطلوب رقم الجواز ومعلوماتك الخاصة اسم ورقم الجوال ومحل الاقامة ..
وفيه شركات غيرها ممكن يفيدك بها خبرائنا ..
بالتوفيق ..

وين بحصل هالشركة فالسيرفس بردايس؟
بالنسبة لتحويل الدرهم للدولار وبن افضل احول فالامارات ولا هناك؟
وين افضل وارخص سعرا تاجير السيارة مع النفجبتر ولا اي نوع مواصالات للتنقل داخلي ارخص سعرا ؟؟

وفي سوؤال ثاني يوم نسير الحدائق نحتاج الجواز؟؟؟

ساعدوني انا مسافرة فاليل

بخصوص الفطور انا حاجزة بكورت يارد باي ماريوت هل في ريوق مجانا ولا ماعندهم هالنظام فاستراليا؟؟؟

كروت الاتصال ممكن تشترينها من 7/11 في السيرفس بارادايس
الحدايق ما تحتاجين جوازاتكم لكن الاحوط تكون معاك نسخة من الجواز في الشنطة عند الحاجة او عند الشراء للحصول على التاكس عند العودة ..
اما الفطور فعند الوصول اسألوا الريسبشن اذا الحجز يشمل الفطور
تحويل الفلوس اعتقد من وجهة نظري من بلادكم احسن ولو ماحصلتوا دولار استرالي خذوا امريكي ..
تأجير السيارة بدون نافيجيتر ارخص اذا كان عندكم برامج ملاحة في الايفون او اجهزة الاتصال الذكية مثل جالكسي ونوكيا وغيرها
المكان ماعندي خلفية للاسف ..
.. 7/11 عندهم خبز واجبان منوعة ومربيات وعسل وحمص وغيره ..
رحلة موفقة ..

jr7y
خلاص إسم هالفندق تغير ، بس ماعندي فكرة عن نظامهم .

وعليكم السلام ورحمة الله وبركاته
وين اقدر اظهر بطاقة تيلفون بسيرفس بردايس وين مكانه؟ عشان اقدر اتصل بالاهل فالامارات ؟ وكم سعر؟ ابا سعررخيص اذا متوفر ؟
توجد شركتين تبيع بطاقات التليفون (sim card) في سرفراس بردايس ، وهما : فودافون و أوبتس ؛ الشركتين لهما فرع في المجمع اللي فيه مقهى هارد روك ؛ فودافون داخل المجمع و أبتس خارج المجمع ، ومثلما قالت مشرفتنا ممكن تحصلين بطاقات إتصال دولي من محلات 7 / 11 ومن مقهى إنترنت صيني يقع خلف محل صرافة الامارات اللي بجانب فندق الهيلتون
بالنسبة لتحويل الدرهم للدولار وبن افضل احول فالامارات ولا هناك؟
المصيبة إنه سعر صرف الدولار الاسترالي مولع هالأسابيع ومتذبذب كثير ، قد يكون من الافضل إنكم تصرفون من الامارات كامل المبلغ ، وإذا ماحصلتوا دولار أسترالي حولوا إلى الدور الأمريكي
وين افضل وارخص سعرا تاجير السيارة مع النفجبتر ؟ ولا اي نوع مواصالات للتنقل داخلي ارخص سعرا ؟
بالنسبة لتأجير السيارات ما عندي فكرة عن عروضهم ، أما ارخص مواصلات للتنقل الداخلي فهي الباصات العامة ؛ وهي سلة جداً وتوجد خريطة واضحة لكل باص وين يروح ؛ وطبعاً في موقف كل باص توجد لافتة مكتوب فيها الباصات التي تمر في ذلك الموقف وأوقاتها

jr7y
توصلون بالسلامة إن شاء الله
أنا متواجد حاليا في سرفراس بردايس بجولد كوست لغاية مساء يوم الاثنين ، وإذا تبون أي خدمة أنا حاضر
هالسنة ماشاء الله وايد خليجيين في سرفراس براديس