السلام عليكم
اخوي دوودي
الفيزا تأخذ من 14 الى 20 يوم عمل على حسب كلام ارامكس
وبالنسبة لي انا قدمتها يوم الاثنين وطلعت يوم الاربعاء بعد 16 يوم
وبالتوفيق ان شاء الله

طيب كل واحد استخرج فيزا بوقت الضغط يقول لنا كم خذت منه وقت ؟؟؟؟لان قالو بوقت اجازة الصيف تتاخر....الا بالانتظار

عاجل جدا...يرجى الاجابة هل يلزم ان تقوم بالتفييز الى نفس الدولة التى سوف تذهب لها اولا ام يكتفى بتأشيرة الشنجين...حيث يقال ان الوضع تغير نرجو الاجابة

اخوي فتى الاحزان اخوي استراليا مالها دخل في الاتحاد االاوروبي ودول الشنجن هذي في قاره استراليا وهذوليك في اوروربا مالهم دخل الله يهديك

اللي ما بعد قدم على فيزا ... ابرك له يشوف له ديره ثانيه غير ديرة الخرفان.
انا لي 21 يوم لا حس ولا خبر.. وكل ما كلمتهم قالوا شيك الكمبيوتر... لا الجواز شرف والاجازة قربت تنتهي والفلوس راحت.. وانا خست في الحر والرطوبة واعلانات ال mbc تقول تعرف على بلادك... اطالع درجة الحرارة 52 . لو احط كيس ليبتون في جيبي.. دقيقتين ويطلع شاي مخدر.... الزين في الموضوع انه من كثر ما قريت عن استراليا, اقدر اخرط على الربع اني سافرت ههه...
ولازلت انتظر وانتظر ..اقلها ارسلوا جوازي اروح البحرين واروق واتخيل اني في استراليا.
وقد اتصلت الآن بأرامكس وافادوا بأن جوازات الأخوة السعوديين في المنطقة الشرقية , أرسلت على قافلة من الهجن الأماراتية .. ويقدر زمن وصولها الى الأراضي السعودية بعشرة ايام ان لم يكون هناك سباق مزاين الأبل في طريقها.
وسنوافيكم بآخر الأخبار ان كان الله سلمني من الجلطه

طيب مادخلت على موقعهم؟؟؟؟انا في يوم 27_7...تغير المسج.....ان شاء الله توصل الفيزا هاليومين يارب...

يا اخوان ما اقدر اروح لاستراليا وآخذ تأشيرة من المطار افيدونا لو سمحتوا

مسافرللجفا
كان زمان اخوي
لازم تقدم على الفيزا اقل شيء شهر قبل موعد سفرك من السفارة في الرياض وادا طلعت زين هدا ادا ما طلبوك للمقابلة
تحياتي يا عزيزي