السلام عليكم . اخي الكريم ابو سعود.. اولا .. بالنسبة للأيام .. ف 10 ايام قليلة اذا كنت مسافر للمرة الأولى لماليزيا .. ولذالك عليك انك تحدد المناطق الأكتر سياحة وتعرف على ماليزيا وعلى الاغلب لا تتعدى 4 مناطق في السفرة الاولى .. لان كثرة التنقل وخاصة اول مرة بتكون مزعجة وتفقد السفرة من المتعة
وثانيا .. بالنسبة للمبلغ فهو يعتمد على نوع الفنادق ومستواها .. وعدد الاشخاص ..
أبوسعود222
يوم الخميس الساعه 6 مساء الاقلاع الوصول الساعه 10 صباحا يوم الجمعه بتوقيت ماليزيا والتاريخ العوده السبت الموافق 13/10 الساعه 10صباحا على الخطوط القطريه بسعر 5640ريال وهل عشرة الاف ريال كافيه من دون التذاكر الدوليه يعني كافيه فنادق مواصلات رحلات داخليه اكل هدايا وهل عدد الايام كافي حيث اني لااستطيع امدداكثر من كذا لظروف عملي ارجو الرد علي الله يجزاكم الف خير

انا عندما اوصل كوالاللمبور على طول لنكاوي 3ايام ثم العوده الى كوالالمبور وزيارة سيلانجور يوم بنسبه للفنادق لنكاوي فندق لنكاوي لاقون وكوالاللمبورفندق قراند ميلينيوم يومين والباقي فندق دورست ريجنسي هل الجدول مناسب وهل الميزانيه كافيه

هلا والله بغالينا ( أبو سعود )
لو بغيت رأيئ المتواضع ... قسم الأيام بهالشكل
يوم سلانجور - ثلاثة لنكاوي - أربعة كوالا

والله اني اتمنى ترد علي ياذيبان لي اسبوع اسال ولاكن ماشوف لك ردود قسم بالله انشرح صدري بعد مارديت هل الميزانيه كافيه والفنادق الي اخترتها مناسبه ورايح امشي على جدولك ياوافي علما باني انا وزوجتي بس ولك جزيل الشكر ياذيب

يابعد روحي والله يابو سعود ... والله العظيم إن الشرف لي بخدمتك
والله أعتذر عالتأخير ... وتعرف الأسئلة كثيرة .. والواحد يضيع
والمفروض كان أرسلت لي رسالة خاصة ... عشان أشوف موضوعك
وبخصوص الميزانية ( 10000 ريال ) بدون التذاكر الدولية ... تفضل التفصيل
يوم سلانجور ( فندق إمباير ) سعره في الليلة 400 ريال
ثلاثة أيام لنكاوي ( فندق لنكاوي لاقون ) سعره في الليلة 550 ريال
أربعة أيام كوالا ( فندق الدورسيت ريجنسي ) سعره في الليلة 380 ريال
التكلفة التقريبية للرحلة :
مجموع الفنادق لمدة ثمانية أيام ( 3500 ريال )
الطيران الداخلي ( كوالا - لنكاوي - كوالا ) بسعر ( 900 ريال )
المصروف اليومي لمدة ثمانية أيام ( 450 ريال * 8 ) = 3600 ريال
الإجمالي المتوقع ( 8000 ريال ) بأذن الله

شكرا ياوافي وبيض الله وجهك دنيا واخره

تكفون ياشباب باقي اسبوع على السفر ماحجزت الفنادق مشكلتي اذا جيت احجز على النت في موقع بوكينج مايطلع اسم الفندق الي ابغاه وهو فندق امباير في سيلانجور ايش اسوي بالله عليكم افيدوني الله يرضى عليكم

اتفضل هذا رابط فندق امباير في سيلانجور من بوكينق
https://www.booking.com/hotel/my/empire-subang.ar.html?aid=1300939