شوف اخوي بالنسبه للوصول للكاميرون الافضل اكيد تاكسسي لان خطها متعرج وصعبه الباص فيه
ولاتنسى طبعا تاخذ حبوب الدوار ولاتاكل كثير عشان لاتنغث والتاكسي وصلنا ب 350 رنقت
وبالنسبه لجوها لازم يكون معاك ملابس شتويه لطفلك لان جوها بارد شوي بس يتحممله
والفنادق عندك كاميرون هايلاند ريزورت وبعدو الاكواتريال
اما عن ثلاث ايام انا اشوفها مناسبه انا جلست فيها اربع ايام وكانت احلى ايامي بماليزيا
جو بارد وطبيعه وضباب ولاأرووع
وبخصوص ايبوه ماعندي خلفيه بس اعتقد تقدر تاخذ تاكسي او باص اذا تبغى توفر
لان النزول من الكاميرون سسهل بعكس الطلوع وفيه على حد علمي محطه باصات بأيبوه
وأخييرا اتمنى إني افتدك ولو بالشي القليل ورحله سعيده وموفقه بإذن الله
وبإذن الله الاخوان بالمنتدى مايقصرو معاك ....

يعطيك \ي العافيه بعثرة جروح
الحجوزات للاسف قيدتني كثير
برنامجي اعتمد ولا اقدر اكنسل لان الحجوزات بدون الغاء مجاني
هذا برنامجي اتمنى من لديه اي اضافه او وجهة نظر يطرحها عشان تساعدني واغير اللي اقدر اغيره
الذهاب الى كولا لمبور ومن المطار دايركت الى سلانجور فندق البراميد تاور البقاء هناك 3 ليال
الالغاء طبعا مجاني حسب الحجز من بوكنق
الرحله من كولا الى بينانق فندق فلامنجو البقاء لمدة ليلتين
بدون الغاء لو الغيت يروح علي المبلغ
بعدها الرحله من بينانق الى ايبوه
( لحد الان ما اعرف كيف اروح من بينانق الى ايبوه وش الافضل باص تكسي محتار بحكم الطفل يتملل من طول المشوار وعنيد مايحب يجلس كثير )
طبعا اخذت فندق في ايبوه لمدة ليلتين هو فندق the lost world
الالغاء مجاني
بعدها مقرر ارجع كولا اخر ثلاث ليالي وحاجز في فندق بيكولو اذا ماني غلطان وهذا اسمه
( ما اعرف وش احسن المواصلات من ايبوه الى كولا واريحها للولد )
الالغاء مجاني
ثم العوده للوطن
اتمنى التعليق من الخبراء واعطاء النصائح خاصه اللي مجربين السفر مع الاطفال
لا اخفيكم اني اتمنى اروح الكاميرون ولو يوم كامل بس مدري كيف ارتب الرحله
حطيبت في الحسبان منطقة الصن واي لاقون وايبوه ولو انها متشابهه ولكن قلت يمكن افضل للولد يلعب ويستانس شوي
تحياتي وعذرا لو الموضوع مو مرتب

!!!!!!!!!!!
غريبه ماحد رد علي
معقوله ما في احد يعرف
هل اكنسل ايبوه واحجز في الكاميرون ليلتين ؟
هل ايبوه قريب اقدر اروح لها من الكاميرون وارجع ؟؟؟
او العكس ابقى في ايبوه واروح الكاميرون من الصبح الى المغرب ؟؟؟

حياك الله أخوي
بالنسبة لايبوه ماعندي عنها معلومات كافية
لكن اذا تبي نصيحتي دام الحجز تقدر تلغيه
تخلي حجزك في الكاميرون وتجلس فيها يومين
الاجواء فيها رائعة جدا
واما البرد مو كثير يعني مجرد ملابس ثقيلة شوي تكفي باذن الله
بالنسبة لروحتكم من بينانغ للكاميرون تقدر تروح عند طريق الباص وتخلي نوع الباص vip
او عن طريق التاكسي
وايضا مثلها العودة من الكاميرون لكوالا
بصراحة الكاميرون طالما انت ناوي تروح الله يعينك مجرد تعب المشوار تقريبا 4 ساعات لكن باذن الله تتيسر لك مع المناظر والاجواء راح تخفف عليك التعب
لو حبيت تنكسل روحتك للكاميرون عشان الطريق البديل الاسهل هو جنتنغ قريبه من كوالا بالتاكسي حوالي ساعة الا ربع
وماهي متعبة
لكن الكاميرون تتميز بالمناظر الخيالية
بالتوفيق أخوي
ابو عبدالرحمن