1. بتكلم فصحه وتحملوني


2. مالكم بالطويله

السلام عليكم ويسعد مساكم جميع

بتكلم فصحه وتحملوني

اين انتم .... انني مبطي عنكم ...... لقد ذبحني الشوق ..... ياويحا حالي ويحاه ...........
مصدقين انتم ...... لغه عربيه فصحه ........ يوم كنت ادرس كانت دايم حصة القواعد بعد الفسحه ..... يعني سندويشه بصل مع ميونيز مع شابوره " بقصماط وبالمصري بؤصماط " وبعدها يجينا المدرس مدحت .... ومن وين تبووني مبدع باللغه العربيه الفصحى

مالكم بالطويله

بما اني سمحت لكم بأن تطلعون على مخططاتي وهي رحلة ماليزيا ............ وماقصرتوا كنتم خير شوير ... لاخلى ولا عدم ..... حبيت اكمل سسلسلة استفساراتي الي ماتخلص لين اروح عام 2025 اسف قصدي 2008 بغيت اسألكم عن باتو كيف المطعم الهندي قصدي المعبد الهندوسي
وقبل تردون ابي اقول لكم سالفة واحد من الربع " وللمعلوميه الشباب حقين حلاق السعاده ........ زعلانين علي لاني علمتكم بسالفتهم .......... بس شرهتكم على الي انتبه لهم .......... ياشباب الي يبي يضحك لايكتم ضحكته ............. القانون لايحمي المغفلين "
هذا واحد راح بعايلته لباتو كيف " هو والمدام واثنين اعياله واحد عمره 8 سنوات والثاني خمس " يقول كنا محتارين ذاك اليوم وين نروح وكان وقتها العصر يعني بين الضهر والمغرب ......معلومه جديده..... ركبنا تكسي وقلنا ودنا للمعبد الهندي .......... المهم جينا المنطقه وكانت واسعه وقدامها هالجبل الي يخوف ........... رحنا صوب الدرج واخذنا نضره فوق وكل واحد قام يطالع بالثاني ......... يعني ياليل مطولك ...... والله العنا ......... المهم اخذناه درج درج درج درج درج درج درج درج .......... درج درج ....... باقي ثلاث ........ الولد ابو خمس سنوات تصلبت رجليه وقال بزنّه يبه يبه ..... يبه يبه قلت نعم قال ابي الحمام ........ والله النشبه ........ التفت يمين شمال ماحولي شي قلت للي معي نزلنا :112::112:....... قالو امرنا لله ........... نزلنا بسرعه وعلى اقرب حمام او زاويه ... " ماكنت معهم " ........ المهم في روسنا إلا نرجع ونكمل ........... ونفس الشي درج درج درج درج درج درج درج درج ........ لحد ماوصلنا المهم جينا هناك ودرنا بالوبي حقهم وانواع القرف .......... جت عجوز عند المدام سمرا مره وشوشتهابيضاء " الشوشه هي الشعر الكثيف غير المرتب " ويابسه تقول متسبحه في باتكس " غراء " وريحتها تشمها على بعد خمسه كيلو وسمينه .........العجوز ذي اتركت العلم كلهم ونصت المدام تشد عباتها تقول تعالي معي .... وين يبون مدري .... المهم مسكت يدها ابي ابعدها وانا ساد خشمي ......... والحمد لله جا واحد من الهنود وسحبها وقالي ذي على عقلها ......... المدام بعدها نزلت الدرج على حبه ونص من الخوف ورجلينها انواع النفضه
والحين اذا بغيت المدام تصحي بدري جبت طاري العجوز
موقف مايحسدون عليه
المهم ماعلينا .........المكان ذا وش هو من شي ........... يعني الي يروح هناك يستمتع او بس يقلب اعيونه على قل فايده
اتمنا اني ماكنت شخص ثقيل عليكم ........... ترا عادي لو تبوني امشي بروح