أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته:
انا بسافر خلال اليومين هذي لاندونيسيا ولحالي واتمنى انكم تفيدوني من ناحية السفر لوحدي فوايده واضراره يعطيكم العافيه علماً بان مدة الرحله عشرة ايام .
الدمام تايم
الموضوع ببساطه رأي شخصي ويمكن مره تفكر تروح مع أصدقاء ومره تفكر تروح بلحالك حسب مزاجك وهدفك من السفر ومن الأشياء اللي لاحظتها أن المسافر بلحاله يقدر يروح ويجي على كيفه بدون ما يكون تخطيطه مرتبط بمزاج أحد غيره
أيضاً عدم ارتباطك بميزانيه معينه لأن خويك يمكن ميزانيته أكبر من ميزانيتك أو يمكن أقل من ميزانيتك فأحدكم يضطر يمشي على مقدار ميزانية الآخر
إذا كنت تحب الهدوء والاختلاء بالنفس فهو مناسب لك
بعض الأصدقاء في السفر قد يصدر منه مالا يعجبك ويكدر خاطرك (مره زميل عمل سرق بعض فلوسي من السيفتي بوكس) والثقه العمياء مشكله مع بعض الناس ، الحين بعض الناس تسلفه ما يرد لك فلوسك
بعض الأماكن يحتاج يكون معاك فيها خوي أو أكثر يونسك ويعاونك زي جلسات الفلل بالجبل أو ألعاب الملاهي
الرغبات قد تختلف من شخص لآخر وقد تكون رغباتك وتوجهاتك تختلف عن توجهات خويك
هذي بعض الأمور اللي لاحظتها وأنت فكر وشف اللي يناسبك ويمكن الأخوان يعطوننا من تجاربهم ويفيدونك
وعموماً هذا البلد بتنبسط فيه سواء معك أحد أو بلحالك ، أنا جربت الثنتين
وبالتوفيق اخوي
ما قصر الجميع بارك الله فيهم وأنا من الأشخاص الذين من المستحيل السفر لوحده مهما كانت الأسباب !!
الصديق تحتاجه في كل أمورك ويعينك على الخير ويكون لك ناصح أمين ..
إذا كنت متعود فهذا يختلف ولكن وجهة نظري الصديق قبل الطريق ولا يحلو السفر إلا بوجود الأصدقاء ولكن مو بشكة
وبعدها مشاكل .. يعني صديق أو اثنين على الأكثر فقط وبينهم تفاهم كبير .. بالتوفيق
اجمل وامتع واروع من السفر ((وحيدا)) مافيه....صحيح كل شيء له سلبيات وايجابيات ...لكن وعن تجربة سنوات من السفر وحيد....وجدت ان ايجابيات السفر وحيد بدون ما يكون معك احد اكثر بكثير...تتعلم اكثر....تصقل شخصيتك اكثر...تستمتع اكثر...تكون حر نفسك اكثر......تتعلم الاعتماد على نفسك ويؤثر هذا في حياتك الشخصية وفي عملك.......في البداية الامر صعب وستتضايق ولكن مع الوقت ستتعود وتعرف متعة السفر ((وحيدا)).......بدأتها من عام 1990 ولازلت....طع شوري وتعود تسافر لوحدك
