- السلام عليكم
السلام عليكم
الشعب الإندونيسي شعب طيب ومحترم ، لكن يجي في العشرة شخص واحد (ملكع وأبن ستين.....) لذلك الحذر واجب في جميع الأوقات مع جميع الأشخاص خصوصاً للي رايح لحاله ، والبعض هداهم الله يغرون الآخرين بأنفسهم ، آما عن طيبة وثقة زايدة أو من غباء وقلة معرفة ، ويصدف أحيانا أن تجد خليجي أو سعودي (انا سعودي) يعرض حالة على السياح الخليجيين أو السعوديين (الله لا يبلانا) ويقول (سرقوني) وماني لاقي حق التذكرة عشان ارجع والواحد في السفر يواجه مثل هالحالات ، وللأسف فإن القانون لا يحمي المغفلين ، وكم وكم شاهدنا وسمعنا من قصص محزنة ، لذلك أنصح بما يلي :
1 - توكل على الله ونظم جميع أمورك بشكل جيد واحفظ الله يحفظك ومهما صار لا تترك صلاتك .
2 - ماله داعي كثرة الخلاقين والشنط والعفوش ، حاول تتخفف قدر الامكان لأن الدعوه سياحة مو هجرة ، والبلد بلد تمشيات وكثرة تنقل مو مثل البلدان العربية مشخصة وتزكرت وثري بيسز ، لكن كثر شورتات .
3 - إذا كنت منت واثق من معلوماتك ولغتك فلا تسافر لحالك .
4 - يستحسن شراء فاوتشر السكن من المطار اول ما توصل لأن اسعار المطار تقريباً الأقل ، لكن لا تاخذ اكثر من يومين عشان لو حبيت تغير السكن ، واذا عجبك السكن أتصل على مكتب المطار ومدد بنفس السعر .
5- أكد حجز العودة أول يوم توصل .
6- خلك صاحب ابتسامة تكسب قلوب الناس وتستفيد منهم خصوصاً في الشرق .
7- من واقع تجربة وجدت إن أهم شي في السفر هو الفندق لازم يكون محترم ، لأنه مسكنك .
8- لا تدخل الغرباء إلى مسكنك وإذا أضطررت لإستقبال ضيوف فقم بإخفاء الأشياء المهمة والثمينة .
9 - إذا سكنت فندق قم بوضع أغراضك الخاصة في صندوق الأمانات حال وصولك وماله داعي تفتح صندوقك مرتين ثلاثة في اليوم ، مرة وحده كفاية .
0- إذا كان صندوق الأمانات من النوع الي يتم فتحة بمفتاحين معاك واحد ومعاهم واحد فتأكد ان الموظف قام بلف المفتاحين سوياً للجهة اليمنى عند اقفال الصندوق (احيانا حاميها حراميها) .
1- إذا كان صندوق الأمانات من النوع الذي يوضع في غرفة جانبية لا تراها بعينك ، فكن على حذر والأفضل عدم استخدامه إذا كان من هذا النوع .
2- لا تنتقد أحد ولا تدخل مع أحد في نقاشات عقائدية أو ثقافية ، وترى عندهم شعور قوي بالوطنية ، وخل عنك شوفة النفس الكذابة حقت بعض الخليجيين والتواضع تراه زين ويفتح الأبواب المغلقة.
3- بلاش فشخره ومشخصه زايده وساعات غالية واستعراض لبطاقات الأتمان والجوالات وإظهار الأوراق النقدية الكبيرة امام الناس .. ومن خاف سلم .
4- في كل بلد يوجد ساعات معينة يفضل انك ما تطع فيها مثل من 6-8 صباحاً ومن 4-6 مساءً وذلك للاختناق الشديد في الشوارع نتيجة ازدحام السير بسبب خروج الموظفين الحكوميين وموظفي الشركات ، وجاكرتا لحالها فيها 12 مليون انسان .
5- يوم السبت والأحد في اغلب دول العالم أيام إجازة ، يعني تأكد ومن بدري ان إقامتك OK في الفندق خلال هاليومين ، والا بيقولون لك مع السلامة حبيبي الغرفة محجوزة هالويكند ، انتبه .
6- إذا كنت راعي طويلة وتحب السكن في الشقق المفروشة أو الفلل فيستحسن أخذ الأكلات الأساسية معاك خصوصاً (الرز الهندي والبهارات) إذا كنت راعي طبخ لأنها مفقودة هناك .
7- نتيجة اختلاف الطقس وانتقالك من جو شديد الحرارة إلى جو بارد ورطب خلال ساعات فمن الطبيعي ترشح وتزكم كم يوم فلا تنسى البنادول وداء الكحة ويستحسن اخذ مضاد حيوي قبل السفر وانصح يكون ابره (حقنه طبية) حيث ترفع مناعة الجسم لمدة 21 يوم .
8- البلد يمتاز بكثرة الاسواق وتنوع البضائع بشكل يخليك تحتار وش تختار ، وبتعجبك اشياء واجد ، لكن لا تشتري على طول ، وتجنب المجادلة في الشراء (طبع العرب) ودائماً سو نفسك طفران واعرض عليهم ربع السعر متعللاً بعدم قدرتك المادية على دفع مثل هذا السعر المرتفع ولا تظهر الرغبة القوية في الشراء وكن مبتسم ولطيف الجانب في المحادثة وأول ما تعطية ظهرك على طول بيناديك ، ماس OK .
19- الاندونيسيين أمتداد غير مباشر للشعوب الصينية ثقافياً يعني يعملون ببطء وبتركيز ، يعني نفسهم طويل وعادتاً يتحدثون بهدوء ، واذا صرت اهداء واطول نفس منهم بتاخذ منهم الي تبغى بالسعر الي يعجبك .
0– تنقل دائماً بصورة من جواز سفرك كأثبات هوية مختومة من الفندق مع أخذ كرت الفندق لأنه أحيانا تواجه تفتيش ، وانتبه تعطي جوازك سفرك لأي شخص حتى لو كان عسكري عدا موظف الفندق وموظفين المطار .
1- أغلب سواقين التكاسي ما يعرفون لغة إنجليزية ، لذلك تأكد انه فهم وين تبي تروح وخل الهوتيل يفهمونه عشان ما يضيع وقتك على غير فايده .
2- في الليل من بعد العاشرة مساءاً التكاسي في اغلب دول العالم ترتفع تسعيرتهم على الأقل 30% فلا تستغرب وادفع وانت ساكت .
3- التكاسي أنواع الى لونه ازرق هذا تابع لشركة محترمة وتكاسيهم نظيفة وجديدة وسواقينهم محترمين وما عندهم لخبطة ، في الليل انصحك تركب معهم ولو انهم أغلاء شوي ، غيرهم يمر فيك من شارع فيه نقطة تنفتيش متفق معهم الخبيث ويسوون عليك أفلام عشان يطلعون بقرشين ، لكن اذا معك صورة من جوازك وكرت الهوتيل ووضعك (نظيف) ما ياخذون منك لا حق ولا باطل .
4- حرام تروح عليك السفره نصها نوم ، خلك نشيط وراعي طلعات وتماشي (هب ريح) .
5- أكرم نفسك تجدها ، وما يخدم بخيل .
6- كل بلد فيه شوارع خلفية وليالي حمراء ، لا تروحون لها ، ترى ما وراها خير .
7- خل صدرك وسيع ومش ولا تدقق ، وتحمل خويك اذا لخبط ، وترى بعضهم يازينه في الديرة واذا سافرتوا طلع ما عندك أحد (ياكثرهم) .
تعبت
8- أخيراً ... إن لم تكن ذئباً .. اكلتك الذئاب .
الي عنده زود من الأخوان لا يبخل علينا .... تحياتي ........ تيدا مسئله
شي وهو انك تاخذ معك مبلغ احتياطي ماتتصرف فيه الا في وقت الضروره...تحياتي اخوي تيدا مسئله