اتمنى من الجميع ان يرد على موضوعي بأسرع وقت واشكركم

ترووح وترجع بالسلامة يا بهلاوي 77
ماليزياا تستحق انه الواحد يرووحها
بالنسبة للصرف ما اذكر والله وش الافضل لكن اعتقد تحولها لدولار احسن لك
# ترى الاكل في ماليزيا مو كل واحد يتأقلم معاه .... اغلب الناس وجبات سريعة اذا ما تحب الفاست فوود الله يعينك
وانصحك تروح جنتنج وبيننغ ولناكوي والغابات الي هناك
وانتبه من محلات المساج يا كثرها وكثير حرامية ونصابين ومحلات فيها امراض يعني لا تتهور
نيههه

1. اخوي انا مسافر منتصف يونيو لنفس الهدف لمدة 16 ليلة .


2. انصحك 3 ملفات لازم تتطلع عليها وتفتتفها عألاخر .


3. بخصوص الطيران:

بهلاوي 77
هلا والله بولد بلادي .. شو رايك تقدم زواجك؟؟

اخوي انا مسافر منتصف يونيو لنفس الهدف لمدة 16 ليلة .

ماليزيا بلد اسلامي والطبيعة فيها خلابة ومصاريفها اقل مع اني اشوفها هالصيف شوي مرتفعه لكن ينصح بها لقضاء شهر العسل.
اخوي اذا انت لساتك ما حجزت فانت متأخر كثير .. فياليت لو تلحق عالحجوزات من اللحين وبأسرع وقت ممكن ..بالمختصر المفيد بكرة انزل العاصمة ولف عالمكاتب ودور على ارخص سعر للطيران الدولي وما ترد البيت الا وانت حاجز .. لان معظم المقاعد محجوزة واتمنى انك تحصل حجز وبسعر معقول بدون استغلال.
اما بخصوص الفنادق فأنا حجزت 16 ليلة بقيمة 650 ريال ومعظمها 5 نجوم وحلوة ومجربة من قبل الأخوان وينصح بها .. بتقولي المكاتب والله سرت ولفيت وعملت جدول وقارنت الأسعار فالأخير سعر المكاتب ضعف سعر النت في الأخير انت وجيبك تقدر تخرخشه عالأخر فالمكاتب كثيرة وانصحك بمعالم مجان مقابل اوكي سنتر او عطلات الخطوط القطرية.
بخصوص الفيزا .. لماليزيا ما يحتاج فيزا بس في الطيار بيعطوك كارد تعبيه وتسلمه لهم .
بخصوص المبلغ والله انا احترت بس قررت اصرف مبلغ 150 ريال عماني للعملة الماليزية ومثلهن الى الدولار والباقي عن طريق الفيزا كارد او فيزا الكترون والأخيرة اكثر آمنا.

انصحك 3 ملفات لازم تتطلع عليها وتفتتفها عألاخر .

• الأول ملف اخونا الماهري الله يعطيه العافية
• ملف اخونا صمت الزمان فيه جدول يومي للأماكن السياحية الله لا يحرمه الجنة
• ملف انا ارفقته في احد المواضيع وصاحبه مجهول الله يعطيه العافية يعمل على حساب التكلفة التقريبية للسفر شاملة (الوجبات والتكاسي وقيمة تذاكر الدخول للأماكن السياحية)

اخوي ما يردك الا اصابعك وانا حاضر لآي مساعدة .. والله يوفقك وشهر عسل سعيد وممتع ان شاء الله

بخصوص الطيران:

• العماني : تعبان
• الخليج: اسعاره نار
• الأتحاد : جديد ويمدحونه بس مقاعده 3 3 3 (يعني حط حسابك لضيف ثالث يقعد معكم)
• العربية: ما ادري اذا العربية توصل ماليزيا او لا
• القطرية: جيدة وانا حاجز عليها
• الماليزية: ممتازة وغالية
• السعودية: الأخوان من السعودية يمدحون فيها
• الأماراتية: جيدة جدا بس الأسعار مشعللة عالآخر.

الخلاصة كل طيران فيه ايجابيات وسلبيات مثل الفنادق البعض يمدحها والبعض يذمها .. وفي الأخير ما عليك الا انك تفضي نفسك وتلف على تقارير الأعضاء المصورة وبعدها تقرر وانت مقتنع.

ومحلات فيها امراض يعني لا تتهور
أخوي ما نوعية المحلات التي ذكرتها فيها أمراض ؟

اشكرك اخي Arabs Byte على هذه المعلومات القيمة ولك مني الف شكر ..
واود ا ن أسأل عن أسعار التذاكر في طيران القطرية وهل خدماتها مناسبة لاني لم أسافر عليها من قبل ؟

الطيران الاماراتيه وبعدها الاتحاد وبالنسبه للصرف خذ دولار والفيزا لا تستخدمها ابد الاعند الضروره ومن خلال البنوك فقط حتى الفنادق اذا طلبو تامين ادفع كاش بالدولار وتاكد انهم يرجعن التامين بالدولار الفنادق حسب الترتيب من حيث الفخامه والخدمه في كوالا المندرين اورنتال الصن واي لاقون الوستن الرتز كالرتن الماريوت الشنقرلا النيكو في بينانق الرساسنق في لنكاوي شيراتون بردانا وللمعلوميه انا سكنت كل الفنادق اعلاه وسكنت غيرها بس هذي افضل الموجود في ماليزيا وانصحك لا تسكن في الخيول الذهبيه لانه مقلب قوي وانا مسميه الحمير البنيه ولا تروح الكاميرون0000 وجنتنق رح لها في نفس اليوم وارجع واذا تبي رايي رح لجزيره بوكيت في تايلند تراها نفس المسافه لبينانق واحلى كثير ويكفيك بوكيت فنتزي اجمل عرض في الشرق او اطلع على سنغافورا فيها جزيره سنتوزا رائعه جدا وبينها وبين كوالا ساعه بالطياره وبالتوفيق ان شا الله

بهلاوي 77
لا شكر على واجب اخي العزيز .
عن الخدمة مثل ما ذكرت البعض يمدح والآخر يذم بس لا تحاتي اكيد بتكون كذا .. انت رايح شهر العسل انسى الطيارة واقضي وقتك مع الحرمة .. ترى 7 ساعات كفيلة ومفيدة للتعرف على بعض عن قرب .
الأربعاء الماضي يعني قبل يومين كانت التذكرة في حدود 223 ريال للشخص مسقط - الدوحة - كوالامبور طبعا شاملة الضرائب.

السلام عليكم
اخوي بالنسبة للصرف شيل معاك دولارات احسن لك واذا بقيت تصرف ماليزي اصرف من المطار 300دولار الين توصل كوالا وطبعا الفيزا والفيزا الكترون خليها للضرورة .
بالنسبة للمناطق انا انصحك تروح كولا وجنتنج وكامرون هاي لاند ولنكاوي تراها وايد حلوة وهادئة وخصوصا لكم يا العرسان ، انصحك تحجز السكن من عمان تحسبا للظروف وهي زيادة السياح خصوصا في بنانج اذا حبيت تروح لها ، وانا اقول لك ايها ان لو تزيد المدة تراه وايد احسن لك وما راح تندم صدقني بس قرقش مخباتك .