هلا فيك اخوي rasheamo
اولا انصحك بطيران الاتحاد ,, لان فيه شاشات عرض ومريح ,,, (( هو افضل الموجود ))
بعدين خذ عزبتك معك ,, مثل االاجبان ,,, وكيس رز 20 كيلو ,, وبعض احتياجات الطبخ لانك راح تأخذ فيلا بالجبل ,,
ثانيا :: اذا نزلت هناك تعبي الاستمارة الخاصة بمعلوماتك الشخصية وتقص الفيزا بتقريبا 90 ريال ,, وتخلي اي واحد من العسكر الموجودين يعبيها لك او الموظف الخاص بالفيزه وتعطيه 50 ريال اكراميه
ثالثا :: بعد ما تخلص من اجراءات المطار ,, تتجة لمكاتب التكاسي بالمطار ,, وتأخذ تكسي لفندق (( سنترال )) طبعا الفندق معروف جداا وتلقى هناك انواع الخليجيين هم يسنعون امورك ,, اوكي ,, بعدين تريح وتنام اول يوم ,,,
رابعا:: بعد ما تصحصح من النوم العميق بعد السفر الطويل تروح تصرف دولاراتك ,, من صراف بجنب الفندق معروف يماني ,, تسأل عنه اللي في الرسبشن ويدلونك اول ما تطلع تمشي مسافة 200 متر وتلقاه تصرف منه 300 دولار ,, وتخلي الباقي معك ... وبعدها تاخذ تكسي من اللي عند المطار ,,, وتروح لمطعم (( الجزيرة )) او مطعم (( ابو نواس )) بس انا من رايي انك تروح لمطعم الجزيرة ,, بعد تريح بجاكرتا هاك الليله ,,,
خامسا:: من الصباح خذ لك جيب او تكسي من اللي واقفين عند الفندق تتجة الى الجبل الاخضر (( بونتشاك ) واذا وصلت بالسلامه ,,, فيه فلل اسمها جي جاكرتا لو تقول للسواق يعرفها وفيه مجمع اسمه القولف بجنب جي جاكرتا كلهم شئ شف اللي يجوزلك واسكن وشف الاسعار وعدد الغرف ,,, واذا وصلت الجبل كلش موجود صرافين وبقاله ,,,
واذا وصلت الجبل وسكنت اسأل عن شغاله اسمها ( دولار ) شغلها حلو تضبط الكبسه ,,,
سادسا :: كل الاماكن السياحية عندك من قريب ,, السواقين متوفرين بالجبل ,, او المكتب اللي بالمجمع يوفرهم لك وشف اللي يناسبك بالسعر وتروح معه ,,,
عندك : حديقة الزهور ,,,
و حديقة الحيوانات (( سفاري ))
الليدو
والشلالات قريبة تروح بالدباب
والبراشوت
والمياة الحارة (( مياه بركانيه )) ,, في منطقة اسمها ام على ما اعتقد باندوم اذا ماني غلطان
وسفره موفقه وتقبل تحياتي ,,,

F.M.alsalmani
شكرك اخي على ردك
في الحقيقه الاتحاد كان سعرها غالي جدا وقت الحجز وهو 3200 ريال
بينما في الخطو السعوديه 1950 ريال لكن للاسف انا ماحصلت الا في الخطوط الكويتيه 2300 ريال
مادري احد من الاخوه جرب الخطوط الكويتيه؟
لكن حسب كلامك ان طول 8 او 10 ايام اقضيها في الجبل؟؟ بس مافي الا الاماكن هدي
طيب بالنسبه للوقت هدا من السنه كيف الجو هناك بارد ولا اخلي جميع الملابس عندي شورتات وتي شرت
بالنسبه للعزبه ماراح تكون ثقيل على على كلامك هدا بيكون وزن الشنطه حوالي 40 ويمكن اكثر
ويمكن في المطار ياخدون مني فرق بالزياده
بالنسبه للتعبئة الستماره ادفع لهم 50 ريال عربون؟؟؟ ولا تقصد 5 ريال ماني بخيل على نفسي ولا على السفره لكن 50 ريال في البلد هداك ومكانها كثيره
السواقين ادا انا محصل سواق خاص حق مشاوريري كم بياخد علي في اليوم؟
بالنسبه للمطاعم بيني وبينك انا ودي انحاش من الكبسات يعني عزبتي تكفي وابي اجرب اكل البلد وهاد حلات السفره
حول الصرف:- مو من الافضل ان اصرف دولارات قبل لا سافر عن طرق المطار عندنا ومن ثما اصرفها هناك؟
الجوال:- خدمة التجوال الدولي للجوال شغال هناك طبعا للاحتياط وعشان خدمة موجود

ياليت من جميع الاخوه الافاده ولو بشي بسيط اكون شاكر لكم
ادا باخد هدايه او بقتني اشياء لا توجد الا في اندنوسيا شنهي الاشياء هدا وين موجوده وكم سعارها تقريبا

rasheamo
اشهر ما ستجده في اندونيسيا هو المنحوتات الخشبيه وهي رخيصه خاصه ان ذهبت لبالي
لكن ايامك لا تكفي لا انصحك بالذهاب لبالي لقله عدد الايام
لكن ستجد المنحوتات في جاكرتا في اسواقها الشعبيه كمنقا دوا وبلوك ام والخ
ايضا المشغولات الفضيه رائعه عندهم
كهديه للزملاء من الاشياء التي توضع علي المكتب في العمل
للام والمراه والاخوات من النساء
افضل ما يمكن ان تهديه لهم هو الساعات الماركات المقلده وستجدها ايضا في منقا دواء وكاسر بالسعر لين يطيح الي براسك
التقليد انواع ودرجات
في باندونق مصانع الجينز والتي شيرتات ستجد ماركات عالميه باسعار زهيده جدا
بخصوص خط سيرك
اول يوم راحه في جاكرتا ثم بونشاك وبوقور القريبه منها 4/5 ايام
ثم باندونق 2 يوم
ثم جاكرتا والعوده للبلاد سالما غانما باذن الله
اعمل لك برنامج افتراضي وارجع اسالنا عنه بعد ان تاخذ لمحه في تقارير الاخوان
دمت بود

1. هلا وغلا فيك ,,,, وهذا رد على اسألتك ,,,


2. السواقين ادا انا محصل سواق خاص حق مشاوريري كم بياخد علي في اليوم؟

هلا وغلا فيك ,,,, وهذا رد على اسألتك ,,,

لكن حسب كلامك ان طول 8 او 10 ايام اقضيها في الجبل؟؟ بس مافي الا الاماكن هدي
اذا جيت من اندونيسيا ,,, ابغى اسألك هل الاماكن هذي خلاص يكفيها 10 ايام ,,, انت بنظرك انها قليله بس انا متأكد انها يدوب يكفيها طيب بالنسبه للوقت هدا من السنه كيف الجو هناك بارد ولا اخلي جميع الملابس عندي شورتات وتي شرت
خذ معك شورتات وتي شرت لان بالنهار الجو معتدل,, وخذ معك جكيت لان بالليل بالجبل الاخضر برد شوي وخاصه الوقت المتأخر من اليل ,,
بالنسبه للعزبه ماراح تكون ثقيل على على كلامك هدا بيكون وزن الشنطه حوالي 40 ويمكن اكثر
ويمكن في المطار ياخدون مني فرق بالزياده
اقسمها بينك وبين اخوياك يعني قسمها على 3 شنط او اربع شنط وخل شنط صغيرة معاك في الطيارة على شان تخفف بعض الوزن وما يحسبونه
بالنسبه للتعبئة الستماره ادفع لهم 50 ريال عربون؟؟؟ ولا تقصد 5 ريال ماني بخيل على نفسي ولا على السفره لكن 50 ريال في البلد هداك ومكانها كثيره
بكيفك براحتك ادفع اللي تبي ,,

السواقين ادا انا محصل سواق خاص حق مشاوريري كم بياخد علي في اليوم؟

الجبل الاخضر مليان سواقين اقرب راعي دباب يجيب لك سواق ولا انت تروح معاه وتأخذ سيارة ,,, تشوفهم واقفين ولا 20 سيارة جيب ينتظرون منك اشارة ,,
باليوم تقريبا 100 دولار ولا يتحرك الا بأمر منكم ,,, بس انا من رايي اذا نويتوا مثلا تروحون لمشاوار تاخذون سواق ,,بالنسبه للمطاعم بيني وبينك انا ودي انحاش من الكبسات يعني عزبتي تكفي وابي اجرب اكل البلد وهاد حلات السفره
اكل البلد الحمد لله والشكر يارجال ما ينوكل اكلهم حنا ليش نأخذ عزبتنا معنا على شان اكلهم اللي الحمد لله ما ينوكل ابدا ,, اما بالنسبة للمطعم ,,, فا براحتك ,, بس انا اقولها لك من باب التغيير وانك جاي تعبان وتبغى تريح وبأمكانك بعد ,,, تدز من المطار الى الجبل الاخضر ,,, على طول بدون ما تمر جاكرتا وهذا يوفر عليك ,,, مصروف ,, ووقت للسفره
حول الصرف:- مو من الافضل ان اصرف دولارات قبل لا سافر عن طرق المطار عندنا ومن ثما اصرفها هناك؟
ايوه اصرف دولارات من هنا ,,, واذا وصلت هناك ,, فيه صرافين ,,, بس لا تصرف كل اللي معاك اصرف يوميا 100 دولار تكفيك ,,, وفيه بمجمع القولف بالجبل الاخضر صناديق امانات تقدر تحط فلوسك وجوازاتك واوراقك المهمه على شان تريح بالك وكل يوم تجي وتأخذ لك 100 دولار وتصرفها طبعا المكتب في وسط الفلل
الجوال:- خدمة التجوال الدولي للجوال شغال هناك طبعا للاحتياط وعشان خدمة موجود
طبعا شغال التجوال هناك ,, وخدمه موجود تستقبل هناك والتحويل وكل رساله تستقبلها من خدمه موجود ب 40 هلله ,,, نصيحتي طلع شريحه من هناك افضل لك ,, وفيه شريحتين وحده لونها احمر هذي ما تصلح والثانية عليها صورة شمس هذي حلوه وارخص من الاولى
# 00966504004000*21* هذا رقم تحويل موجود

F.M.alsalmani
ماقصرت اخوي لكن انا في باللي على الاقل لو اخد لي فره في جاكرتا من اول يوم واخر يوم ولا انت ويش رايك؟

jaka
نعم على كلام الاخوه ان فترة اقامتي بسيطه جدا
وبالنسبه للجبل واللي فيه مادري بالظبط كم يكفيني يعني مثلا حديقة الحيوان مادري هل يوم يكفي ولا 4 سعات
امر اخر اكثر ماشوف في القسم هدا انهم ماينصحون الطلعه في الليل يعني اضل في محلي وقضي مشاويري في الصبح والعصريه احسن

هلا اخوي rasheamo
نعم انا من رايي انك تقضي اول يوم واخر يوم بجاكرتا ,,, واذا تضايقت احد الايام وانت بالجبل بالليل خاصة انزل لجاكرتا كلها ساعة وانت هناك
اتمنى لك سفرة سعيدة
تحياتي لك

rasheamo
اخوي تمان سفاري او حديقه الحيوان هي عباره عن منتزه للحيوانات تحتاج ساعه للمرور والتصويربينها ثم التوجه لمركز الحديقه وفيه عروض عده كعرض الفيله والنمور والكاوبوى والتلفريك وحديقه الطيور والخ
يعني من الساعه 11 صباحا حتي اربعه عصرا او 3 عصرا وتنتهي منها
هنا بتكون خلصت يوم واحد فيها وبعدها تبرمج للذهاب لموقع اخر
كل يوم ضع لك برنامج لمنطقه او منطقتين معينه
مثلا اذا اتجهت لشيبا ناس وهي منطقه اعلي من الجبل مسافه 10 كيلو تقريبا فتتوجه الي كوتا بنقا لتصوير الفلل هناك وحديقه الزهور والبراشوت
واذا كنت بداخل البونشاك تتوجه للسفاري وحديقه الشاهي وشلالات شليمبر
وهكذا
ويوم تتوجه لبوقور القصر الرئاسي + حديقه الاشجار وجبل سالاك القريب من المدينه
بخصوص الخروج ليلا
لاينصح فيها من باب الحيطه اولا ولعدم وجودج نشاطات ليليه في اندونيسيا غالبا في الليل
فهم شعب يصحو من الساعه 7 صباحا وينام في ال 8 مساء
لا يوجد لديهم فتره ضهيره وراحه لطابع الجو لديهم
لا يوجد مساء اي نشاط في الغالب سوي الشوي في بونشاك والسمر
او المياه الكبريتيه في منتجع شياتر في باندونق
او الاماكن المحرمه في جاكرتا ولن اتطرق لها ابدا في اي رد من ردودي
فقط لابين لك الصوره اضفت لك هذا السطر السابق
دمت بود