spook_m1
صبحكم الله بالخير مشرفين واعضاء بوابة العرب المسافرون
عندي بعض الاستفسارات واتمنى القى المساعدة منكم واكيد بحصل هالمساعدة ^ ^
واتحملوني انا لأول مرة اسافر فمادري عن وضع السفر نهائياً
وعليكم السلام ورحمه الله وبركاته صبحك الله بالنور والسرور
معلومة قبل الاستفسارات افراد الرحلة 2 من الشباب
وقت الرحلة المفضل يوم
11/28ه
او
11/29ه
او
12/1
1- ماهي افضل الاماكن السياحية في اندونيسيا
اول شي ابداء في المدن وكل مدينه لها عده اماكن سياحيه
جاكرتا _ الجبل بونشاك _ باندونق _ بالي
وكل مدينه لها امااكن سياحيه كثيره ويفضل تطلع للتقارير
على شان تحدد وجهتك
2- بخصوص الاموال تفضلون اصرفها من هنا واحملها معي ولا ببطاقة صراف يعني ياليت توضحون لي الاساسيات بخصوص الفلوس
اصرفها من هناك افضل
والوضع عادي حطها معاك
3- طريقة الحصول على مرشد سياحي ممتاز
ماتحتاج مرشد سياحي ابدا ،
كل اللي تحتاجه انك تحدد مده الرحله كم يوم + الميزانيه
واحنا مراح نقصر ب الجدول
واضف لذلك السواقين يعرفون الاماكن السياحيه
4- الأكل تفضلون اخذ من هنا لاني سمعت عندهم الاكل شووي غالي على السعوديين
يعني اخذ جبنه ومربى وعسل اشياء خفيفة تشوفون هالشي افضل
من ناحيتي انا / اكيد افضل انك تاخذ المعلبات من هنا
5- السكن الافضل الفنادق او شقق علماً ان مدة الرحلة لاتتجاوز 17 يوم وياليت تفيدوني باسماء فنادق او شقق سعرها مقبول احنا شباب مو مهم الشئ يكون فخم
7يوم على كذا يبي لك تقسيم
كم يوم جاكرتا وكم يوم الجبل وباندونق وممكن اضافه بالي للجدول
6- الاجواء بشهر الحج كيف بتكون في اندونيسيا هيا باردة او معتدلة او حارة
ماعندي علم
7- اسعار تذاكر الطيران في فترة مابين 11/28ه __12/1ه وافضلها
ايضا ماعندي علم
8- تقريباً على صرف متوسط كم تكلفة الرحلة
الصرف ماقدر احدد لك لان كل شخص وله صرفه
لكن الاخوان الافاضل مايقصرون
واسف اني كثرت الاسئلة لكن مالي إلا الله ثم انتم واتمنى القى تجاوب منكم
وشكراً
واسمحوا لي بالعودة للموضوع مرة ثانية للاستفسار اكثر
وحياك مره اخرى ,

هلابك انا رحلتي في 1 / 12 هجري الموافق 28 اكتوبر على طيران الامارات السعر 2550 وهذا ارخص ما لقيت
وهذي اول سفره لنا وحنا 2 بعد
بالنسبه للصرف بناخذ الفلوس معنا كاش بالريال السعوديه وبنصرف من هنا 3000 الى روبيات لزوم اول يومين
وبنخلي مبلغ احتياط في صرافتين مختلفه واحده معي والثانيه مع خويي
الاكل ما راح ناخذ معنا شيء لانها اول سفره بنروح نجرب هناك
ما يحتاج مرشد تقارير الاخوان هنا كفت ووفت ما قصروا مع الكل
السكن بيكون عادي للحين ما قررنا اول ما نوصل بنحجز من مكتب كاها في المطار
الاجواء عادي استوائيه لا حر ولا برد مع زيادة الامطار ويعني شوي بروده في منطقة الجبل
انا سجلت هنا اول ما حجزت وما كنت ادري وش السالفه بس من متابعة الاعضاء والمشرفين والتقراير الحمدلله احس اني عايش هناك خ وعارف كل شيء

مستر سعود
يعطيك العافية اخوي ومشكور على اجاباتك
بالنسبة للمناطق بصراحه مقررين نجلس في الجبل بونشاك من 3 ايام إلى 4
وباندونق وبالي للحين ماحددنا
بس بسألك اخوي بكم احصل السكن في بونشاك ؟ سمعت انها فلل
يعني بغيتها صغيره تكفينا احنا الاثنين ومكانها حلو وإن شاءالله كم يوم واحدد الاماكن اللي بنروحها
ووقتها بستعين بخبرتك إن شاءالله
ثانياً اخوي اشيل المبلغ كله كاش ؟؟
والافضل اصرف كامل المبلغ من هناك ولماذا ؟؟
وهل تنصحني اصرف من هنا جزء بسيط والباقي من هناك ؟
https://artravelers.com
الله يعطيكم الف عافية ماقصرت يالغالي وبأذن الله تتوفق وتستمتع انت وخويك بالرحلة
احنا بعد حصلنا هالسعر من الخطوط السعودية .. بس يقولون بالحج ترخص للحين مو شايف شي !

بكم احصل السكن في بونشاك
السكن يختلف سعره حسب الفله
بس بتحصل بقيمه من 400الف الي 600 الف لفله لشخصين
اشيل المبلغ كله كاش
ايه شله كاش وتقدر تحطه في مكاتب الحجوزات زي بافقيه بالجبل بصندوق امانات
والفنادق عندك السفتي بوكس
الافضل اصرف كامل المبلغ من هناك ولماذا
ايه خلي صرفك هناك كل يوم او يومين حسب الحاجه
بسبب ان المبالغ راح تكون كثير لو صرفتها من هنا وتبلش فيها من كثرها
اصرف من هنا جزء بسيط والباقي من هناك
اصرف حق اول يومين من هنا والباقي اصرفه اذا صرت هناك
بالتوفيق لك

اذا تقصد بعد الحج باسبوع يعني في تاريخ 22 نوفمبر سعر التذكره للخطوط السعودية 2320 توني مشيك على موقعهم اما في تاريخ 28 اكتوبر 3320

موهوب القصيم https://artravelers.com
جزاك الله خير اخوي على مساعدتك ماننحرم من استشاراتك وخبرتك
طيب وبالنسبة لفيزا الدخول لاندونيسيا اخذها من مكاتب سياحية هنا ولا من المطار عندنا او عندهم ؟؟
https://artravelers.com
هلا فيك اخوي مرة ثانية والله يالغالي صاحبي يقول حجزت بس ماكدت الحجز على يوم 28 نوفمبر
ب 2500 بتأكد منه اشووف لاتنبخص الخرجه ^ ^
سؤالي لك يالغالي وين مخططين تروحون وكم ميزانيتكم وكم يوم تتوقع تكفيكم ؟؟

شباب سؤال مهم
0الاف لشخصيين كم يوم تكفيهم لو قلنا مخطط الرحلة كان جاكرتا وبونشاك وبالي ؟

ردي الأول على نفس التاريخ اللي انت كاتبه او في اجازة عيد الاضحى عندنا
و في نفس تاريخ 28 نوفمبر دخلت موقع الخطوط وشفت التذكره 2514
وفي 1 ديسمبر 2320
والله يا اخوك للحين ما قررنا وين نروح بس جزيرة بالي شايلينها من روسنا في السفره هذي ممكن في مرات ثانيه
الميزانية والله للحين بس اقرب شيء 10000 كاش لمدة عشر ايام واذا ما كفت عندنا مبلغين زي ما قلت في صرافتين مختلفه احتياط بس

الله ييسرها لكم
إن شاءالله تصير سفره مميزه وتنبسطون فيها
انتظر ردود اصحاب الخبرة على اسألتي لو عندك خلفية ادلو بدلوك السؤال عام ^ ^