5 2400 2600

6 3200
0
0
1



3 4

( أسئلة تخص حجوزات الطيران والفنادق )
السؤال الاول : متى نبدأ الحجز للطيران ؟ هل هو الان ام في ايام الاختبارات ؟ او في بداية الاجازه ؟
لو ماحجزت الحين ماراح تلقى حتى حجز من الرياض لجده
السؤال الثاني : كم سعر التذاكر للشخص الواحد ؟ وللبنت عمرها سنه ونصف ؟ وكم سعر الدرجة الاولى ؟ علشان الطريق يبي لها راحة تامه ؟
سعر التذكره باقي ماتحدد بالنسبه للماليزيه بكره السبت راح تنزل الأسعار إن شاء الله وهي بكل الاحوال فوق 3000 ريال بالنسبه للعروسه الصغيره الله يحفظها أعتقد نصف تذكره وأسعار الدرجه الاولى الله أعلم.
السؤال الثالث : بالنسبة لكرت دخول ماليزيا هل ستوزع في الطائرة ؟ مثل مايفعلون في اندونيسيا ؟
(لأني لازم ألقى لي واحد يعبئ لي هالكرت ، ودائما اللي تعبي لي هي المضيفة)
نعم يوزع في الطائره ومتوفر حتى في المطار
السؤال الرابع : أحسن شركة طيران رخيصة وممتازه ؟ هل هي الخطوط السعودية او الماليزية ؟
الماليزيه أرخص من السعوديه وأنا سافرت على الماليزيه وبصراحه كانت رحله لاتنسى
السؤال الخامس : هل حجز الفنادق في الرياض افضل ؟ وهل هي مضمونه ؟ وهل اذا ذهبت هناك وحجزت من هناك اواجه صعوبات ؟
إحجز من الرياض أفضل وحاول تحجز من اليوم أحسن لك بعدين ماراح تلقى حجز يناسبك وهي مضمونه بعد مشيئة الله.( لاني يوم اروح اندونيسيا كل حجوزاتي من هناك ولاوجدت اي صعوبه ولاازدحام )
ماليزيا غير أندونيسيا إحجز لاتقعد بها هناك
السؤال السادس : ماهي الشركة التي نحجز من عندها الفنادق في الرياض ؟
(غير المواقع اللي كلها انجليزي مانفهم فيها شئ ) :112:
روح مكاتب السياحه وأكتب أسماء الفنادق اللي بتروحها في ورقه وقارن بين الاسعار وأختر الأقل سعراً.
السؤال السابع : هل الفندق ال4 وال3 نجوم في ماليزيا ممتازه ؟
( لاني اشوف العالم مايرتاحون الا في ال5 نجوم ، وفي نظري انها كلها سوى ماتفرق الا في الافطار المجاني فقط )
ماجربتها والله بس لمعلوميتك الافطار ماهو مجاني في كل الفنادق
واللي يقولك مجاني تراه طلع حق الفطور وأنت ياغافل لك الله.
السؤال الثامن : هل توفير سرير اضافي لبنتي ام سنه ونصف هل هو مجاني ام بفلوس ؟
لاعلم لدي
السؤال التاسع : هل هناك فنادق تنصح بالابتعاد عنها لوجود السكار والخمور تباع فيها ؟
( لاني يوم اروح اندونيسيا حجزت في فندق لمدة يومين وفي اليوم الاول أمشي في اسياب الفندق القى سكارى:112: وكنسلت حجزي ودورت فندق آخر )
مامر علي موقف كذا بالعكس كل شيء كان على أحسن وجهه.
السؤال العاشر : اول يوم للوصول في ماليزيا ماهو الفندق المناسب للراحه لمدة يومين ؟
(أسئلة تخص برنامج الرحلة )
فندق الخيول الذهبيه .. سلنجور..
السؤال الحادي عشر : ماهو أفضل شهر للسفر لماليزيا ؟ هل هو شهر 6 او 7 او 8 ؟ من ناحية الجو وهطول الامطار .
كلهم زي بعض والامطار تهطل فيها لكن شهر سبعه وثمانيه تعتبر موسم العرب هناك بسب توافقها مع إجازة الصيف
السؤال الثاني عشر : متى يوافق عيد الاستقلال في ماليزيا ؟
1أغسطس وتبداء مظاهر الاحتفالات من قبل هذا التاريخ وذلك بوضع الاعلام على السيارات والطرق وغيرها من المظاهر.
السؤال الثالث عشر : كم يوم تنصحونني لبقاء في ماليزيا علما ان سعر تكلفة رحلتي 20 الف ريال ؟
أقعد أسبوعين
السؤال الرابع عشر : هل الذهاب للجزر مع عائلتي مثل جزر القرود وغيرها مناسب وآمن ؟
ما أدري والله لأني مارحت جزيرة القرود بس الجزر مثل لنكاوي وبينانغ آمنه بأمان الله
السؤال الخامس عشر : هل الذهاب للكاميرون مهم ؟
والله الكاميرون شفت صور لها روعه وبالنسبه لي فراح أزورها هذي السنه إن شاء الله وبالنسبه لك القرار يعود لك عموماً هي قريبه من بينانغ أتوقع ساعه من جزيرة بينانغ.
ارجوا التكرم في الاجابة على اسئلتي،،،
وهناك تكملة لهذه الاسئله باذن الله في الايام القادمه
نحن في الخدمه
وترقبوا الجزء الثاني من الاسئلة
تحياتي

:
6 .
:
06 1600 .
:
(
.
:
.
:
4 .
:
( )

: 4 3
( 5 )
5 .
:
0200 .
:
( )
.
:
.
: 6 7 8
6 .
:
1/8
: 20
5. ( )
:
.
:
.

alwanahmed جزاك الله الف الف الف خير
بصراحة عرض رائع ومقنع
الظاهر اني بروح احجز الحين بسرعه قبل ماتطير الطيور بأرزقاها
ومرة أخرى أشكرك من اعماق قلبي :x1: :x1: :x1:
واتمنى تجاوب على اسئلتي في الجزء الثاني

1. السؤال الثاني عشر : متى يوافق عيد الاستقلال في ماليزيا ؟


2. من 16 إلى 18 يوم ... حسب ميزانيتك ...


3. السؤال الخامس عشر : هل الذهاب للكاميرون مهم ؟

السلام عليكم ....
وآسفين على التأخير أخوي غشيم من الرياض
لكن الحق يقال الشباب ما قصروا أبد ... ما شاء الله عليهم... عيني عليهم باردة ... ما خلو شي
السؤال الاول : متى نبدأ الحجز للطيران ؟ هل هو الان ام في ايام الاختبارات ؟ او في بداية الاجازه ؟
مثل ما قالوا الشباب ... اليوم قبل بكره .... إن شاء الله إنك حجزت بعد آخر رد ...
السؤال الثاني : كم سعر التذاكر للشخص الواحد ؟ وللبنت عمرها سنه ونصف ؟ وكم سعر الدرجة الاولى ؟ علشان الطريق يبي لها راحة تامه ؟
ما شيكت عليها ما ادري نزلت أسعار الصيفية والا باقي .... بس غالباً فوق 3000 معظم الخطوط ...
السؤال الثالث : بالنسبة لكرت دخول ماليزيا هل ستوزع في الطائرة ؟ مثل مايفعلون في اندونيسيا ؟
نعم توزع في الطائرة ... ولا تشيل همها أبد أمرها هين ...
السؤال الرابع : أحسن شركة طيران رخيصة وممتازه ؟ هل هي الخطوط السعودية او الماليزية ؟
الأسعار حول بعض ..... بس أميل للماليزية أرقى وأفضل تعامل و خابرهم يعطونك الرحلات الداخلية بلاش ...
السؤال الخامس : هل حجز الفنادق في الرياض افضل ؟ وهل هي مضمونه ؟ وهل اذا ذهبت هناك وحجزت من هناك اواجه صعوبات ؟
الأفضل تحجز من مكتب حجوزات بالرياض ..... وأفضل طريقة (( رتب البرنامج عن طريق الإطلاع على المواضيع بالمنتدى وإكتبه بورقة ولف على المكاتب خلهم يعطونك سعر وقارن بعدين وشوف اللي يناسبك ... مع ملاحظة نوعية المكاتب واسمها ترا بعضها لك عليها ))
واذا تأزمت الشغله ولا أعجبتك الأسعار عطني خبر .... ونشوفلك حل
السؤال السادس : ماهي الشركة التي نحجز من عندها الفنادق في الرياض ؟
(غير المواقع اللي كلها انجليزي مانفهم فيها شئ )
سياسة المنتدى تمنع ذكر أسماء مكاتب السياحة ...
والمواقع ذي اللي كلها انجليزي تراها أرخص من ربعنا ومضمونه عن تجربة بس يبيلك شوية لغة ...
السؤال السابع : هل الفندق ال4 وال3 نجوم في ماليزيا ممتازه ؟
( لاني اشوف العالم مايرتاحون الا في ال5 نجوم ، وفي نظري انها كلها سوى ماتفرق الا في الافطار المجاني فقط )
الفنادق ما هي سوا لكن مبدئياً شطب على 3 نجوم خلك على 4 و 5 .... اللي يميزها عن بعض ... النظافة والموقع والخدمة والسعر وحسب ذوقك انت .... يعني أحياناً يصير 4 نجوم أفضل لك من 5 نجوم والسبب الموقع مثلا
السؤال الثامن : هل توفير سرير اضافي لبنتي ام سنه ونصف هل هو مجاني ام بفلوس ؟
في الغالب تدفع نصف سعر شخص واحد للإكسترا بيد .... بس كأني سامع إنه فيه بعض الفنادق تعطيك مجاناً ..... ما سبق وسافرت ومعي أطفال الله يخلي لنا جدتهم ...
السؤال التاسع : هل هناك فنادق تنصح بالابتعاد عنها لوجود السكار والخمور تباع فيها ؟
( لاني يوم اروح اندونيسيا حجزت في فندق لمدة يومين وفي اليوم الاول أمشي في اسياب الفندق القى سكارى:112: وكنسلت حجزي ودورت فندق آخر )
معظم الفنادق اللي ينصحون فيها الشباب في المنتدى ممتازة وأماكنها جيدة ... ومع ذلك فيه بعض الفنادق والحمدلله نادراً ما تذكر هنا يكون موقعها قريب من ملاهي ليلية والتجمعات المشبوهه ...
وعلى العموم فرق كبير ترا بين ماليزيا وإندونيسيا ..... إندونيسيا الآن معظم مرتاديها شباب ... بينما ماليزيا عائلية ...... الله يذكر أيام اندونيسيا بالخير قبل لا تخرب ....
السؤال العاشر : اول يوم للوصول في ماليزيا ماهو الفندق المناسب للراحه لمدة يومين ؟
أنا مع أختنا مها في إختيارها والخيول الذهبية أفضل .... بس اذا ودك تكون داخل المدينة عليك بماندارين أورينتال جنب البرجين .... وخل شارع العرب للأيام الأخيرة ....
السؤال الحادي عشر : ماهو أفضل شهر للسفر لماليزيا ؟ هل هو شهر 6 او 7 او 8 ؟ من ناحية الجو وهطول الامطار .
مثل ما قال أخوي عطر الشوق .... ماليزيا مناخها إستوائي ما يتغير طول السنه ....

السؤال الثاني عشر : متى يوافق عيد الاستقلال في ماليزيا ؟

(لاني ماودي برنامجي يوافق عيدهم لان الدولة كما هو معروف يعطونهم اجازه ويصير ذاك اليوم زحمه في كل مكان مثل ماحصل لي في اندونيسيا وين مانروح نلقى الزحمه في كل مكان )
المرديكا فعلا مثل ما قالوا الشباب 31 أغسطس ..... وترا معظم السياح يحبون يكونون هناك في المرديكا عشان المهرجانات والإحتفالات .... ويازين الكاونت داون ( العد العكسي ) عند البرجين وإطلاق الألعاب النارية ... متعة ما تفوت ...
السؤال الثالث عشر : كم يوم تنصحونني لبقاء في ماليزيا علما ان سعر تكلفة رحلتي 20 الف ريال ؟

من 16 إلى 18 يوم ... حسب ميزانيتك ...

السؤال الرابع عشر : هل الذهاب للجزر مع عائلتي مثل جزر القرود وغيرها مناسب وآمن ؟
ماليزيا كلها آمان ..... وهذا ما يمنع إنه تاخذون إحتياطاتكم بالنسبة للفلوس والأشياء الثمينة ... لأنه في السنتين الماضية كثرت حالات السرقات بين السياح الخليجيين خاصةً في كوالا وفي شارع العرب .... ((( أهم نقطتين 1- لا تشيل كل فلوسك معك خذ حق يومك فقط والباقي خله في صندوق الأمانات في الفندق
2- لا تخلي زوجتك تشيل شنطه واذا كان لازم منها حاول ما تمشون على الأرصفه قريب من الخط أو كون بينها وبين الشارع .... لكثرة النشالين اللي على دبابات ....

السؤال الخامس عشر : هل الذهاب للكاميرون مهم ؟

مع إنه كاميرون طبيعتها ساحرة وجميلة وجوها بارد بس ما عندك مشكلة اذا مارحت ... بس لازم تروح منطقة جبلية أكيد .... جنتنق او بوكيت تنقي ... لو تمشية بس لأنه جو المرتفعات بارد وأحلى من جو المدن والجزر ....
وبالنسبه لسؤالك في الرساله أبشر نرسلك على ربعنا هناك .... اذا ودك راسلني وما يصير الا كل خير...
بالتوفيق ان شاء الله

حبيبي ابو ميسم
والله بصراحه مدري وش اقول
ان قلت شكرا ماوفيتك حقك
وان قلت الف شكر احس انها شويه
والله تبي الجد نصائحك عسل عسل ومفيده جدا
مااقول الا جزاك الله الف خير ريحتني من جد الله يوفقك وييسر امرك ويفرج كربتك ياارحم الراحمين
ومشكورين كلكم على فزعتكم معي:x1: :x1: