مرحبا اخوي ( فتى الشارجة ) ..
بالنسبة للطيران يعتمد على وجهتك في اوروبا و ميزانيتك .. طبعاً الأفضل من كل النواحي طيران الإمارات بلا منازع بس الإتحاد أرخص و القطرية أرخص بعد بس مع ترانزيت في قطر
و أرخص وجهة طيران في غرب اوروبا هي مدينة ( فينا ) في النمسا ..
اما استخراج الفيز ( الشنقن) يفضل انك تستخرجها من سفارة الدولة اللي بتنزل فيها و تقدر تسخرجها بعد من سفارة ثانية من سفارات الدول الاعضاء في الاتحاد الأوروبي .. تفاصيل الفيزا و السعر ما عندي فكرة لان الاهل يستخرجونها كل سنة يس اتمنى الاخوان يفيدونك ^_^
اما وسيلة التنقل يعتمد على العدد و اذا كنتو عائلة او شباب .. في ناس تفضل القطارات و ناس تفضل السيارة
بس بالنسبة لي اشوف السيارة اريح و أوفر و أرخص للعوائل الكبيرة و ما نتقيد بمواعيد القطارات و نقدر نوقف و نرتاح اي وقت
و السموحة على القصور

1. سفره موفقة يا أخوي ..


2. أنا من يومين راجع من ميونخ ..


3. وتقدر تحجز من مواقع الإنترنيت .


4. بخصوص الفيزا أمرها سهل

هلا أخوي /

سفره موفقة يا أخوي ..

أنا من يومين راجع من ميونخ ..

أولاً : أنصحك بطيران الإمارات . لان الطيارة بتكون واسعة ومريحة وأهم شيء دقيقين بتوقيت الرحلات . بس أسعارها متفاوته . يعني من دبي الى ميونخ . ما بين . 3500 درهم لين 2850 درهم . وأنته وحظك . وبخاصة اذا كنت من سكان الإمارات الشرقية مب من أهل بوظبي من بوظبي خلك على الأتحاد .
وتقدر أترتب حجزك . من أهني من عبر شركات سياحية . وأنصحك بفنادق خمس أنجوم أو أربع انجوم . للراحة والإنسجام .
وعند شركات سياحية تقدر تتفق معاهم . ويرتبون لك جميع حجوزات الفنادق . مع تذاكر السفر .
وعند شركة الفواصل بالشارقة يعطيك اسعار حلوه / بس مريت عليه وعطاني سعر رخيص جداً بس انا غيرت راي ورحت لشركة مجربة بعيمان وسويت البوكن بسعر أغلى .

وتقدر تحجز من مواقع الإنترنيت .

بخصوص الفيزا أمرها سهل

اذا كنت من موطني الدولة / ما عليك ألا أخذ معاك طلب الفيزا والجواز الأصلي والتأمين الصحي وتذاكر السفر . وحجز الفندق بألمانيا . و أهم شيء يكون العنوان كامل . ومبلغ ما يقارب 350 درهم ما اتذكر بس أنت شل معاك 500درهم أحتياط . قدم الفيزا بالقنصلية بدبي ببر دبي في بنك بنك دبي الاسلامي قبل مركز وافي . روح الصبح ساعة 8 وخذلك رقم وبسرعة بجيه دورك قدم الطلب . وطريقة الأستلام يا أنته ترجع السفارة بعد يومين أو بعد ثلاثة أيام بيطرشونها لك عبر خدمة البريد . لين بيتك ورسوم التوصيل 30 درهم .
أما بخصوص التنقل أذا كنت عائلة أنصحك بتأجير سياره / أما اذا كنتوا شلة شباب بأنصحك بالقطار
بس خبرنا وين ناوي اسير .. عشان نقدر نفيدك .
والاعضاء يساعدونك .

غلا الإمارات
مشكوره اختي انا بسير وي الاهل ومحد منا ساير كلنا اول مره

king4me
مشكور اخويه ع معلوومات
اناشاءالله ساير وي الاهل
نحن 8 اشخاص
وين ناوي اسير مااعرف انا حجزت تاريخ 17_7 _2008 ع طيران الامارات والعوده _17_8_2008
بنزل في ميونخ ومن اهنك بتنقل
ممكن تساعدوني
ابغي جدول حلووه
طبعا من الفنادق
والسمووحه

كيف الجوو يكون في الصيف

1. سفرتك 8 أشخاص . والمدة شهر والرحلة بتكون بالصيف .

من جديد اعود .
بحاول أساعدك بقدر أستطاعتي . نفس ما الاعضاء ساعدوني وسافرت ووفقت بسفرتي كل هذا بفضل الله وفضل الاعضاء وهذا المنتدى الرائع

سفرتك 8 أشخاص . والمدة شهر والرحلة بتكون بالصيف .

الجو بالصيف معتدل . اما يوم سافرت بارد ورائع و كانت درجة الحرارة ما بين 3 لين 9 .
بخصوص التذاكر : حاول انك تتصل على طيران الامارات وتسأل عن اسعار التذاكر اذا شفت اسعار التذاكر رخيصة احجز من الحينه لانه بتحصل صعوبة فما بعد واذا شفت السعر أغلى 3000 حاول أنك اتمر شركات الطيران وتسأل أو أدش موقع طيران الأمارات وتتأكد
التذاكر بتكلفك . ما يقارب 24000 درهم .
التأمين الصحي : 8 اشخاص * مايقارب سعر التأمين 180 = 1440 حط ببالك 1500 .
حجز أول ثلاثة أيام بميونخ الفندق الذي بتنزل فيه .
وطلب الفيزا . معبي الطلب .
رسوم الفيزا : 400 *8 = 3200 قول يمكن أقل .
بخصوص الحجوزات .
عددكم مشاء الله كبير . يعني . يفضل حجز شقة . لان الفندق بيطلع عليك وايد .
شوف مواضيع الأعضاء عن الشقق . يمكن يطلع أرخص من الفنادق
لانك بالفنادق محتاجين حجز 4 غرف دبل والغرفه اسعارها باليوم ما بيقارب عن 450 درهم .
وانت تقرر ما بين الحجز بالفنادق أو شقق ..
وبخصوص طريقة التنقل .
تقدر تحجز سيارتين . سيارة بسبع ركاب وسيارة صالون . لاتنسون الأغراض التي بتكون برفقتكم .
لان بسياره خاصة ما راح تتقديون أبد . أما بالقطارات راح تتقديون وايد والسواقة بأوروبا متعة حلوة .
تقدر أتقسم الشهر على معظم مدن
ما بين .
ميونخ
ومدن سويسرية
فرنسا .
أو
ميونخ
زيلامسي
سالبروغ
فيينا
وتقدر
أتقسم بعض الأيام على مدن تشيكة لان أسعار الأكل وبعض المشتريات رخصية
وميزة حلوة بالتشيك (براغ ) السناتر مفتوحة لين الساعه 9 ومرات لين ساعة 10 فليل
وما اتحس فيها بملل أبد
بس أهم من هذا أول شيء شوف تكلفة التذاكر وحجز الشقق وأبد من الحينه . وبعدها شوف ميزانيتك .أو السيولة التي بتتوفر معاك .
ونحن أهل الإمارات نحب المدن أكثر من القرى يعني احجز بوسط السوق أفضل بكثير من القري لقرب المكان وللحركة والأبتعاد عن الجو الممل

king4me
مشكور اخويه ع المعلومات
ابغي اسامي شقق مفروشه في كل من ميونح زيلامسي فيناا فرنساا كل مدينه يوم تستاهل
عن تأمين صحي كيف اسويه

مرحبا اخوي ( فتى الشارجه ) ..
انا اقترح عليك اتقسم الشهر بين
مطار الوصول الأفضل انه يكون مطار فينا لان ترتيب المدن بيكون أريح و أسهل و تذكرة فينا ارخص عن ميونخ بواايد ..
ام بكتب لك جدول مبدئي و تقدر تغير الأيام على راحتك و حسب ذوقك اذا تحب المدن أكثر أو الأرياف :
فينا 4 أيام
زيلامسي 6 أيام
ميونخ 4 أيام
انترلاكن 6 أيام
جنيف 5 أيام
باريس 5 ايام ( تقدر تسكن 3 ايام في باريس و يومين في ديزني لاند )
بالنسبة للشقق انا بعطيك روابط مواضيعي عن شقق فينا و زيلامسي و ميونخ و انترلاكن .. اما في جنيف عندك شقق خبيرنا ابو عزيز ( لا فيلا دولاك ) بتحصلهن في البوابة السويسرية ، و شقق باريس ما عندي فكرة :
1- https://artravelers.com/p/re/171615
2- •!¦¦!• https://artravelers.com/p/re/135831
3- استفسار عن الشقق في ميونخ https://artravelers.com/p/re/98480
4- https://artravelers.com/p/re/161314
5- ..!! !!.. https://artravelers.com/p/re/174943
بالنسبة ل وسيلة التنقل مدام انكم عائلة انصحك تستأجر سيارة فان 9 ركاب مع نفقيشن بس ماعرف اذا بتكفيكم مع الشنط .. اذا شنطكم كثيره مثل ما قال اخونا كينغ فور مي تقدر تستأجر سيارة فان 7 ركاب و سيارة صالون صغيرة عشان تتوزع الشنط بين السيارتين ( بس لازم شخصين يسوقون ) .. و لا تنسى تستخرج رخصة القيادة الدولية و بعد لازم رخصة القيادة الأصلية تكون وياك عند الاستئجار
اتمنى اني افدتك و اي استفسار نحن في الخدمة ما يردك الا كيبوردك ^_^
و السموحة على القصور ..

فتى الشارجه
هلا اخوي ...
التأمين الصحي روح لي أي شركة سياحية وأطلب تأمين صحي .
لعددكم وخذ وياك صور الجواز ... وأمره سهل جداً .
والأخت غلاء الأمارات .. عطتك خط سير رائع ...
من فينا الى فرنسا ...
والرخصة الدولية طلعها من البريد بقيمة 150 درهم + صورة الجواز + صورتيين شخصية +
ولا تنسى البطاقة الأئتمانية معاك لان معظم الفنادق وشركات التأجير يطلبون منك البطاقة الأئتمانية .
وعلى فكرة تقدر تستلم السيارة من مطار فيينا وتسلمها بمطار باريس أو أي مطار ..
بس نصحية دش على موقع طيران الإمارات وشيك على الأسعار لان من شهرين شفت تذكرة طيران الإمارات الي فرنسا ما يقارب 1800 درهم .
واسماء الشقق موجود برد الأخت .
غلاء الامارات