رومانسي قطر
02-02-2022 - 11:19 pm
بسم الله الرحمن الرحيم
السلام عليكم ورحمة الله وبركاته
اخواني الاعزاء كيف حالكم ان شاء الله طيبيين
اخواني الله لايهينكم انا رايح ان شاء الله لهونج كونج سياحة بعد 10 ايام تقريبا وهذي اول مره باروح لها
فانا عندي كم استفسار اتمنى من الاخوان الي زارو هونج كونج او عندهم معرفة عنها افادتي وللعلم انا رايح اقعد فيها 5 ايام ومن عقبها باروح لتايلاند.
اولا
ان مسافر مع زوجتي ومع ابني وعمره 4 سنوات وانا للحين ماحجزت فندق في هونج كونج ولا عندي اي معلومه عنها فانا بغيت اعرف احسن منطقة ممكن اقعد فيها مع اختيار لي الفندق المناسب واهم شيء الامان وثانيا يكون موقع قريب من الاسواق والاماكن الترفيهية .
ثانيا
الاماكن والرحلات السياحية و الترفيهية
وين اروح في هونج كونج شنو الاماكن الي تنصحوني اروح لها علشان استمتع انا وعائلتي واذا في رحلات
ممكن تعطوني الاسعار للرحلات السياحية للشخص .وبعد اذا في دول مجاورة اقدر اروح لها بعبارة او اي وسيلة موصلات بس تكون قريبه من هونج كونج يعني مثلا اروح الصبح وارجع المساء والاماكن الترفيهيه الموجودة هناك
ثالثا
ماهي احسن طرق الموصلات لديهم يعني الباصات والا التاكاسي او القطارات
واخيرا هل احتاج عمل فيزا لدخول هونج كونج
وانا اشكركم مقدما واتمنى اني القى اجوبة استفساراتي عندكم
الي اقدر افيدك فيه ان مواطني الخليج لا يحتاجون فيزه لمده 15 يوم
اما الاستفسارات الثانيه ممكن تطلع علي بوابه السفر الي الصين ستجد لنك مكتوب عليه هونك نق سيفيدك كثير امل اني قد افدتك