نقاء الورد
هلا اختي
طيب انتى حجزتي على اي مطار عشان نفيدك اكثر
عالعموم ايطاليا جوها بهالوقت ممتاز يعني بدا جوها يصير ربيعي
بس لازال الجو بالمساء برد
وممكن تزورين بهالوقت سويسرا مثل انترلاكن ولوقانو
وجنيف وممكن زيلامسي بالنمسا وانسبروك
انتى بس حددي الوصول والمغادرة وانا حاظر اختى بمساعدتك بالفنادق والمدن
والترفية واي شي

الغريب ما حددت اي مكان بأيطاليا روما او ميلانو ؟

ابو طلال عساك عالقوه وماقصرت وشاكره سعه صدرك
بالنسبه للوصول حيكون بمشيئه ربك لروما على يوم 3 ابريل
وجالسين فيها 3 او 4 ايام وبعدها ودي بدول تكون قريبه طبعا الرحله كلها 10 او 12 يوم
وماني عارفه ايش نختار والدول اللي قلت عليها كم يوم تستحق نجلس فيها
وشاكره لك يابو طلال

ابلي
هلا اخوي روما بمشيئه الله

نقاء الورد
ياهلا وتوصل بالسلامه
طيب بأعطيك جدولي تقريبا اعتبره شهر عسل
اذا وصلت الى روما اجلس فيها 3 ايام او 4 ايام
منها رح لفينسيا يوم واحد لانك بتفرها بيوم واحد
ومنها الى ميلانو يومين < راحه واسترخاء وتمشي
ومنها من ميلانو الى بحيره كومو بسويسرا تبعد حوالي 35 دقيقه عن ميلانو بالقطار وبتشوف اشياء يارجل في الكومو خيال جدا جدا جدا لانها تعتبر في سويسرا واو فيها التلفريك والزوارق والطيور < جلسه واو وبعدها خل رجعتك من ميلانو الى ارض الوطن
الوصول
روما فينيسيا بقطار يورو ستار تقريبا ساعتين
فينيسيا ميلانو ساعه ونص
ميلانو كومو تقريبا 35 دقيقه
طبعا يورو ستار اسمة بالايطالي فيشكا روسا الطريق كله خيال مناظر وطبيعه ما تتخيله
واي استفسار قولي بس

ابلي انا بنت الله يسامحك بس مسؤؤله عن الرحله كلها

نقاء الورد
ههه اسف انك بنت ولا انتبهت
ع العموم سويسرا ما فيها الا البحيره اللي بجنيف وما تسوى والله < تظل وجه نظر بحكم ان الديره غاليه جدا مو معقوله بتظلين طول الوقت مقابل هالبحيره اما بخصوص النمسا ما قد رحت لها
اما بخصوص التاكسي بروما ما انصحك لانها جدا جدا غالي انصحك بالباص السياحي او المترو لانه يلف مناطق روما كلها ومنها 100 % فندقك
ومثل ما ذكرت التنقلات بالقطار بين الدول احسن لان ابعد ديره عن ايطاليا تقريبا 4 ساعات ولا شي مع المناظر اللي بالطريق