السلام عليكم ......
شوفي أختي نيمو قبل ما أجاوبك ......
ياليت تكتبين كل الي تحتاجينه في موضوع واحد عشان نعرف نرد و نجاوب .....

والله فشيله مواضيعي كثرت زي ماقلتلك المشكله بالسكن الحين بس انا بس غيرت الترتيب زي مانصحتوني
وهذا الحجز ان شاءالله اكيد فقلت ايش تنصحوني ازور من المناطق القريبه من هذي المدن الثلاث لانكم قلتو لي عن مناطق كثيره وقلتو لاتفوتين زيارتها

ايه لا تفوتين زيارة مدن اخرى ايطاليه جميله مثل فلورنسا

اختي نيمو
انا عندي فكره
ويش رأيك
لكن لازم تطيعيني هذه المره :11mmer3:
بتقولين ويش يقول
انا من رأيي....................وأكيد الكثير بيقول كلام صح
بلاشي من حكاية سفره الى خارج ايطاليا والاسباب كثيره
منها تكلفه اقل ...استقرار افضل ....التعرف الى ايطاليا كدوله من الشمال الى الجنوب
وبعدين خلي باريس للمره القادمه الله يطول في اعمار الجميع
وخلي سفرتك ايطاليه بحته وانا اراهنك على انك ستكوني في قمة السعاده وستكون رحله لا تنسى
نرجع لموضوعنا
انا اقول ومن رأيي لا تروحي ميلانو.....................هذا رأيي
روما ثم فينيسيا ثم ريميني وريتشوني ثم امالفي ثم العوده لروما.............ولو ما عليك كلفه لا تنسي زيارة مدينة الفنون فرنسي "بالايطالي" فلورنسا"بالعربي والانجليزي"
خذي وقتك من التفكير وحددي عدد المدن التي تنوين زيارتها ثم بلغينا ولا احنا مقصرين معاكي

اشكرك وانا لو علي جلست بايطاليا لكن من الضروري انه يروح لباريس
وانا لما سألتكم قلتو لي لاتروحين ميلانو وفعلا غيرت الحجز على روم وبعدها فينيس
وخليت ميلان اخر شي علشان نطلع منها الى باريس اقرب والمناطق اللي ذكرتها لي اقرا عنها انها مره حلوه
ويقولون لي لاتفوتينها
وعندي سؤال ريميني وريتشوني ثم امالفي زي ماذكرت اي المناطق اللي اقرب لي وكم المسافه بينهم

هلا فيكي اختي نيمو
ورحلة موفقه بأذن الله اختيارك رائع ايطاليا وباريس
انا من رائي بعد ماتخلصين من ايطاليا تنزلين على باريس كنوع من التغير في البلد وتري بتعجبك باريس لها استايل غير.
الشباب ماقصروا في الاجابه على اسئلتك وانا بأذن الله برد على سؤالك عن ريميني وريتشوني
انا طلعت بسيارة من ميلانو لريميني وريتشوني والمسافه كانت بحدود الساعتين ونصف تقريبا
ريميني بلدة بحر للي يحب البحر لازم يطلع ريميني رخيصه وهادئه ومافيها عرب ريتشوني تبعد عن ريميني شارع تقريبا عشر دقائق فيها مول كبير ومطاعم وقهاوي وفيها عرب انصحك بالسكن بريميني والسهر بالليل بريتشوني .
واذا احد يقولي وش المنطقه اللي مشتركه فيها بالبحيره مع جنيف على مااظن وشي وايش اقرب لها ؟
افيان هي البلده المشتركه وتعتبر افيان فرنسيه سويسريه بس انتبهي لو بتنزلين افيان لازم تكونى مفيزة شنجن لان بعض المرات يكون تفتيش ويطلبون الجواز ويشيكون على الفيزة , عشان تطلعين من جنيف افيان لازم تمرين على لوزان تبعد نصف ساعه بسيارة وبعد لوزان افيان تقريبا ساعه الا ربع وتتميز افيان بمطاعم الراقيه والاكل الفرنسي الحلو اكلهم احلي من اكل باريس وكثره العرب بسبب ان العرب يقدرون يتملكون بيوت في افيان والهدوء بلدة رايقه مره وراح تعجبك .
تحياتي لك وان شاء الله اكون افادتك

نيمو
ايطاليا بلد روعه من كل شي فيها لها نصيب الاسد
امالفي قمه في الروعه لكن مافيها بيتش مميز كريمني وريتشوني
لا تنسي زياره صغيره لفيرونا وانت رايحه لفينيسيا
كذلك خذي لك زياره صغيره لبيزا
ففيها البرج المائل روعه