ما كان العشم
ليه ولارد؟ وين الخبراء ؟

خلي الذهاب فيينا والعوده باريس
فيينا - زيلامسي- ميونخ - بادن بادن - انترلاكن - جنيف - باريس
الانتقال من فيينا الى سالزبورغ بالقطار واستلام السياره من القريه الالمانيه وتسليمها في جنيف وبالقطار الى باريس ومن ثم العوده منها الى الدمام
يعني داخل فيينا وباريس تستخدمون المترو والترام
والتنقل من فيينا الى سالزبورغ ومن جنيف الى باريس برضو القطار والبقيه سياره
اذا زوجتك منقبه ماتقدر تروح الى فرنسا لانه ممنوع

مشكورة على الرد بس حبينا نزيد عدد المناطق فشوفي اشرايك بهالخطتين اي هم افضل للرحلة
1/نطلع على المانيا بعدها للنمسا وبعدها لسويسرا واخيرا فرنسا ونرجع لالمانيا لفرانكفورت علشان نرجع الدمام
2/او هذي الخطة (الدمام فرانكفورت امستردام وراح نظل في امستردام يوم وبروكسل يوم وبعدين باريس 3 ايام ومن باريس الى نيس وموناكو 3ايام بالقطار ومن موناكو الى سويسرا ومن سويسرا الى النمسا وبعدها الى المانيا راح نزور في المانيا فرانكفورت وميونخ وشتوتغارت واخيرا امستردام للرجوع الى ارض الوطن
بس ايش هي المناطق اللي تستاهل الزيارة في النمسا وسويسرا وكم يوم تستحق هذي المناطق للمبيت)
علما ان المدة 20 يوم لكامل الرحلة
بالنسبة لتذاكر السفر نبي الدولة اللي نوصل فيها نرجع منها لأن لو غيرنا بتكلفنا مبلغ كبير
واذا عندك خطة غير هذي الثنتين ياليت تكتبينها مع عدد ايام المبيت اللي تستحقها كل منطقة

هذا تعذيب مو سفر يا اخوي اسمح لي
اذا تبغى الذهاب والعوده فرانكفورت مثلا عندك هالمخططين
فرانكفورت - بادن بادن - انترلاكن - جنيف - ميلانو- فينيسيا - زيلامسي - ميونخ - فرانكفورت
اشوفها تنقلات كثيره او تختار فرنسا والمانيا وهولندا وبلجيكا يعني
فرانكفورت - بون او كولن - دوسلدروف- امستردام - بروكسل - باريس - ستراسبورغ - فرانكفورت

فرانكفورت - بادن بادن - انترلاكن - جنيف - ميلانو- فينيسيا - زيلامسي - ميونخ - فرانكفورت
خلاص اتكلنا على الله واخترنا هذا المخطط بس كيف تقسيم 20 يوم عليه وكيف بتكون وسيلة النقل بين هالمناطق وهل نقدر نضيف باريس او موناكو ونيس ولا بكون تعب وتنقل كثير
واخيرا وليس اخرا اذا في فنادق نظيفة قريبة واسعارهم حليوة ياليت تعرضينهم لنا
الف شكر لك على تجاوبك ومعنا ومعليش تعبناك

فرانكفورت وصول فقط - 3ايام بادن بادن - 3ايام جنيف - 5 ايام انترلاكن - 5ايام زيلامسي - 3ايام ميونخ - يوم فرانكفورت
حذفت فينيسيا وميلانو لانه يبغى لها على الاقل يومين بكل مدينه بس انت ماعندك الا 20 يوم وانا قسمتها الحين على المدن الموجوده اذا تقدر تزيد وخلي 24 يوم ممكن نضيف فينيسيا وميلانو
افضل حل السياره وتستاجرها من فرانكفورت وتسلمها في فرانكفورت عند العوده
ما ادري انتوا كم شخص؟؟
احجز التذاكر واعطيني التواريخ بالضبط واذا معاكم اطفال عشان اساعدكم بالسكن
هل معاكم احد منقب؟؟
فرنسا مانقدر نضيفها الا اذا بتلغي النمسا يصير نخلي رحلتك
فرانكفورت - باريس - ستراسبورغ - انترلاكن - جنيف - فرانكفورت

احنا شخصين انا وزوجتي ومامعنا اطفال وزوجتي مو منقبة
ولي عودة ان شاء الله
بس فرانكفورت تكفيها يوم واحد

اتوقع يكفيها لان التسوق من ميونخ افضل