والله الجدول مو مرة مناسب , شوف هذا الجدول ممكن يناسبك:
2 سيلانقور
2 مرتفعات كاميرون
3 بينانج
4 لنكاوي
5 كوالالمبور

جدولك جيد لكن بدل من سلانقور في آخر الرحلة اختر بورت ديكسون فيلا خاصة ريلاكسيشن آخر يومين
السواقين الزينيين فيه لسته بأسماءهم في قسم التقارير

بس خلاص قصيت الفيوتشر بس احتاج البرنامج الله يعافيكم وهذي هي المناسبة للميزانيه
انتظر البرنامج او الامكان المهمة الي ازورها

وعليكم السلام ،
هذا جدولي واذا اعجبك عليك بالعافية :d
ليلتين بسيلانجور -- فندق الصن واي لاقون
ثلاث ليالي بلنكاوي -- فندق البلانجي بيتش
ثلاث ليالي بينانج -- فندق جولدن ساندس
5 ليال كوالالمبور -- فندق تريدرس
ليلة بورت ديسكون -- منتجع ليجند هومز

عليكم السلام ورحمة الله وبركاته
تقسيمك وجدولك ممتاز إلا اخر ليلتين ماله داعي ترجع سيلانقور وعندك احد خياراين
ياتخليهم في الكاميرون هاي لاند وتكون بعد بينانق وقبل لنكاوي او انك تخليهم مثل ماهم
بس تكون في البورت ديكسون او كأخر حل تخليها في كوالالمبور لأن سيلانقور مافيها شي
واليومين الأوله تكفيها وزياده بس مجرد للراحه
وبالنسبه للأماكن
شوف انت شوف الرابط ومكتوب مواقع الأماكن اللي تستحق الزياره
وانا بأقولك أهم الأماكن وأكيد فيه غيرها الكثير
في سيلانقور
ملاهي الصن واي لاقون المائيه والله يغفر الذنب كلها خلط ملط وسوق البيراميد هذي أهم مافي سيلانقور
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق رهيبه
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه لكوالالمبور
الأماكن كثير عندك اهم شي البرجين ومجمع سواريا وحديقة البرجين بعد العصر جميله جدا جدا
وفي نفس منطقة البرجين عالم تحت البحار لو مارحت للي بلنكاوي تروح له وهو افضل
وفي كوالالمبور شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق وعندك برج المناره
وبالنسبه للحدائق لو تحبها عندك حدائق الفراشات والطيور والزهو تروح لهم بنفس الوقت مع حديقة بردانا
وفيه ياطويل العمر حديقة الحيوان حلوه مش كبيره ولو بتروح لها تروح لشلالات تمبلر بارك مو بعيد مره منها
وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه اغلبها مباني
حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا والله ماحبها وكن ممكن تعجبك عروض كاوبوي وسفاري وحديقه بسيطه وحاجات ثانيه
يبي لها يوم كامل وهي خارج كوالالمبور بحدود ساعه ونص
وفيه اماكن كثيره اكيد اني ناسيها ولكن انا ذكرت الأهم
https://artravelers.com/p/re/452938

مشكور عزيز الله يعافيك