ابوفهد
حبيبي ..
يوم الاحد 22/3 وليس 21/3
تأكد من تواريخك .. وياليت تكتبها لنا بالتاريخ الميلادي .. علشان نقدر نساعدك ..
على العموم بيكون سفرك الساعه ( 00 ) يعني 12 صباحا اللي احنا نسميه ليل ( مو 12 الظهر ) ،، وبيكون وصولك الساعه 13 يعني 1 ظهرا...
كيف حسبتها ... احسب 8 ساعات طريق 12+8ساعات = 8صباحا .... زود عليها فارق الوقت اللي هو 5 ساعات...
8صباحا+5ساعات=1 ظهرا
فهمت وللا ما فهمت ..
المهم زي ماقلت لك اعطينا التاريخ الميلادي الصحيح علشان نحسب لك متى توصل وكم ليله بتكون عندك ..

وصولك يكون بمشيئة الله الساعة 1 ظهرا يوم الأثنين بتوقيت ماليزيا ويكون عندنا 8 صباحا هذا اذا كانت رحلتك 12 الليل يوم الأحد , اما اذا كانت 12 الظهر يوم الأحد وصولك يكون الساعة 1 اخر الليل يعني فجر الأثنين ويكون الوقت عندنا الساعة 8 المساء يوم الأحد ..
وضروري تاريخ الحجز بالميلادي عشان الحسبة تكون مضبوطة ..

يعطيكم العافيه على هالتجاوب السريع بالميلادي 30 مارس اي بعد ثلاثه ايام ان شاء الله والعوده ان شاء الله 9/ ابريل
ياليت اذا تعرفوا احد هونيك

اخوي بغيت اكل هوى زيك بس احسن حاجة دق على الخطوط او المكت الي تقص منة التذاكر ويعلمك
انا مكتب الي قصت منة التذاكر صار بينا مشادة وقال ابعطيك الف ريال كاني غلطان وطلع صحيح

حلوو الكلام
((..رحلة الذهاب... ))
يوم ووقت السفر من السعوديه الى ماليزيا :يوم الاحد 30 مارس الساعه 12am قبل الفجر ( يعني يوم السبت الساعه 12 بالليل ) ( يعني يوم السبت بعد صلاة العشاء تكون في المطار )
ملاحظه: تاكد من Am12 , Pm12 فالاولى تعني يوم الاحد 12 ظهرا ( وهو غير عن اللي شرحته لك ) ، والثانيه تعني يوم الاحد 12 قبل الفجر ( وهو نفس اللي شرحته لك )
يوم ووقت الوصول الى ماليزيا: يوم الاحد 30 مارس الساعه الساعه 1 ظهرا بتوقيت ماليزيا.
((.. رحلة الاياب ...))
يوم ووقت السفر من ماليزيا الى السعودية: يوم الاربعاء 9 ابريل الساعه ( ) ظهرا.
وبالحسبه يكون عندك 10 ليالي
نجي نحسب مع بعض
وصولك 30 مارس وسفرك 9 ابريل
(1) 30 مارس ...... اول نومه لك في الفندق. ( ليله )
(2) 31 مارس .... ثاني نومه
(3) 1 ابريل .......
(4) 2 ابريل
(5) 3 ابريل
(6) 4 ابريل
(7) 5 ابريل
(8) 6 ابريل
(9) 7 ابريل
(10) 8 ابريل .... عاشر نومه لك بالفندق.
ويوم 9 ابريل بتقوم من نومك وبتفطر وعلى المطار.
ورحله موفقه باذن الله تعالى ...

الله يجزاكم بالجنه جميعا

اخوي ابو فهد .. تحية طيبة .. اكيد انك عرفت مواعيد سفرك وزيادة في الإيضاح لك ولباقي المسافرون في مثل هذا الموعد
(لأن مثل موعد حجزك يوهق الواحد ما يدري 12 باليل أو بالظهر ولكن الاعتماد على التاريخ ثم التوقيت)
(على فكرة اوقات سفرك مشابهه لسفري بس انا بعدك بيومين)
ان شاء الله حجزك رايح يكون كما يلي
الذهاب من الرياض إلى كوالالمبور في يوم الاحد 30/3 الساعه (12،01 صباحاً وليس ظهراً) يعني السبت بعد صلاة العشاء تكون في المطار مثل ما تفضل اخي الصقر18
والوصول لكوالا سيكون نفس يوم الاحد الساعة (12،55ظهراً بتوقيب ماليزيا) وقت الدخول للفندق
وحسبتها (8 ساعات طيران + 5 ساعات فرق التوقيب = الساعة الواحدة بتوقيت ماليزيا)
العودة من كوالالمبور في يوم الاربعاء 9ِ/4 الساعه (2،55 ظهراً) يعني تفطر وتضف عفشك وعلى المطار
والوصول للرياض سيكون نفس يوم الاربعاء الساعه (5،35 عصراً بتوقيت السعودية)
بتقول وشلون ساعتين ونص و أوصل للرياض ؟ لاحظ ان خط السير الأن بالعكس واقلعت من كوالا الساعة ثلاث إلا خمس ظهرا يعني عندنا الساعة 11 صباحا فتكون حسبتها
(5 ساعات فرق التوقيت + 8 ساعات طيران = الساعة الخامسة ونصف بتوقيت الرياض)
وان شاء حيكون عندك 10 ليالي اقامه (10 نومات زي ما تفضل الاخ الصقر18) من 30/3 إلى 9/4
وبالنسبة للبرنامج قسم الليالي كالتالي
1 ليله في كوالا
2 ليله في لنكاوي
3 ليالي في بينانغ
4 ليالي كوالا
أو
1 ليله في كوالا
3 ليله في لنكاوي
3 ليالي في بينانغ
3 ليالي كوالا
وبالهناء والعافية وسفرا موفقا

اخوي سامى اشكر ك على المرور بس الحجز يوم الاحد صباح الاثنين
اشكرك على ردك وتجاوبك
دمت بكل خير
وان شاء الله نشوفك هناك بس انت بالعائله والاعزوبي ؟

صباح الخير ابو فهد
ان شاء الله طالع مع ام العيال يوم الثلاثاء في الليل صباح الاربعاء 2/أبريل
وبالفعل حجزك يوم الاحد في الليل صباح الاثنين (دقيت عالخطوط اتأكد بعد من حجزي وسألتهم عن حجزك)
وبكذ بتوصل في ظهر يوم الاثنين وراح يكون عندك 9 ليالي
ممكن تقسمها
2 ليله في لنكاوي
3 ليالي في بينانغ
4 ليالي في كوالا
بس بشرط توصل وتطلع مباشره ل لنكاوي بنفس يوم الوصول على رحلة العصر
او تلغي لنكاوي ويكون البرنامج
2 ليله في كوالا
3 ليالي في بينانغ
4 ليالي في كوالا