abonader711
11-12-2022 - 08:28 am
السلام عليكم ورحمه الله وبركاته: جزاكم الله الف خير ..منتدى رائع
وبارك الله فيكم بمساعداتكم من اداريين واعضاء ..من تقاريركم احس اني سبق وسافرت ...يمكن لو تسالوني اوصف لكم مههه
انا متابع للمنتدى من فتره والان انضميت له.رحبو بي
خبرتي بعده مجالات بس الجولات وخاصه الايفون مبدع به.برمجته كامله. ابي افتح المحل
لازم نضيف عليه من اكسسوارت والشغلات ذي وبتكون عامه للاجهزه
طبعا من فتره طويله عملت بالاستيراد من الامارات .وقفتها ورجعت الان لشغله وتعرفون
ابحث وحصلت الموقع وتصفحته خاصه الاستيراد وخليتوني اغير راييالان عندي كم نقطه ابي استفسر عنها.
ممكن فيه مواضيع سبق وكتبت بها الاجابه ياليت رابط الموضوع ...الموضوع احصله اخذه من بدايته لين النهايه تعبت وتهت بها
ابي اضيف رابط ماقدرت يقول مشاركتك قليله
طبعا انا بالشرقيه: الخبر
نرجع للموضو علشان مانطول عليكم.والسفر بيكون بعد الترتيبات كامله وبالله التوفيق.
اول شي احتاج فيزه وانا بالشرقيه كيف احصل عليها وشفت كم موضوع اللي يقول تحتاج فيزه واللي يقول لاماتحتاج ....الهدف التجاره..
خروجي بيكون على الخطوط القطريه الافضل لي البحرين ماني اصحاب انا وياهم لاتسالون ليش مههه
ثاني شي وهو المهم بالنسبه لي المبلغ اللي اقدر انقله معي كم لني وقعت مشاكل بسبب المبالغ اللي كنت انقلها معي
وكيف التحويل...اعطوني طريقتكم اللي انتم تستخدمونها مثلا مبلغ بيكون حوالي الف دولار
كم انقل معي علشان ادفع عربون وكيف احول الباقي وهل امانات الفنادق مضمونه التحويل ب ويسترن يونيون
بتكون عمولته كبيره بنوك السعوديه تتعامل مع من هناك مع بنوك معينه وبطاقات الصراف السعوديه تسحب بشكل سليم وبدون مشاكل ...
لنها اول مره لي ولاعندي معارف او مكتب واللي يبي يساعدني يدلني على مكتب تعامل معهم الاكسسوارات الخاصه بالجولات باي منطقه جوانزو او ايوا...او فيه منطقه ثانيه
ابي الافضل والارخص طبعا كلي امل بالله ثم بمن بفيدني بمعلوماته
والله يوفقنا لما فيه الخير ويرزقنا ويرزكم من واسع فضله
الموضوع طويل شوي اسمحولي
وذا فيه احد بالمنطقه الشرقيه ويعمل بالشغله
لايتردد ....يتواصل معي .فيه بعد سؤال واحد اخيرالمكتب عمولته 5%
تشمل نقل البضاعه من الشركات والمصانع لمستودعاته لتجميع بعدين للمينائ لشحن اوبيكون علي قيمه النقل
تكفون عطوني نصايحكم لو صغيره
تقبلو تحياتي
في البدايه أخوي إنت تحتاج فيزا سواء كنت رايح سياحه او تجاره دخولك الصين يحتاج فيزا
وكثير من الاخوان يحصلون على الفيزا السياحيه ولكن بنظري شروطها أصعب من الفيزا التجاريه
الفيزا التجاريه سهله والأخوان اللي بالشرقيه كانوا يحصلوا عليها من البحرين ولكن على حسب علمي
ان سفارة الصين وقفت منح التأشيرات للسعوديين الا المقيميين او الطلاب لذلك عليك بالرياض ..
الفيزا السياحيه تحتاج جواز سفر خطاب تعريف كشف حساب من البنك حجز فندق تذاكر سفر وتعبي الاستمارة وتدفع الرسوم
أما الفيزا التجارية فقط جواز سفر خطاب تعريف خطاب دعوة معتمد من شركة رسمية بالصين وتعبي الاستمارة والرسوم
لا يطلبون منك لا حجز فندق ولا تذاكر ولا كشف حساب من البنك ...
بخصوص المبلغ في كذا حل ولك الاختيار اما ان تاخذه معك كاش وهذا اللي اسويه انا في سفراتي للصين
ولكن الكثير يخافون من حمل المبالغ الكبيره في حل انك تترك المبلغ مع احد الاقارب وتاخذ معك مقدار العرابين والمصاريف
وعند طلب البضاعه يحولون لك المبلغ عن طريق الويسترن يونيون ..
والحل الثالث انك تدفع العرابين في الصين واذا رجعت للشرقيه تدفع باقي المبلغ للشركة اللي بتتعامل معه وبتشحن لك
اذا كان لهم فرع في السعودية ...
إكسسوارات الجوالات .. أنا أنصحك وبقوه في كوانزو ولا تروح إيوو لانك ماراح تلاقي موديلات جديده والاسعار في ايوو اغلى من كوانزو
وحياك بالخدمه اي استفسار حاضرين ..