النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
هتان10
16-10-2022 - 02:41 am
السلام عليكم و رحمة الله و بركاته
انا زواجي بعد عيد الفطر تحديدا في شهر سبتمبر بس اي يوم بالضبط ما ادري
الى الحين ما حددت
و قررت اني اروح النمسا و لندن
كيف الاسعار و الأجواء في هذا الشهر
طبعا ناوي تكون الرحلة 20 يوم 18 النمسا و يومين لندن( العودة من لندن)
ياليت تنظمون لي جدول بحسب خبرتكم طبعا عادي الفنادق 4 نجوم
و المواصلات راح تكون القطارات
وهل مبلغ 25000 يكفي لهذي المدة طبعا شامله كل شي
و بالنسبه الذهاب لندن هل يوجد قطار او لا و كم المسافه
ولكم مني جزيل الشكر


التعليقات (9)
ALI_Q8_77
ALI_Q8_77
حياك الله اخوي الحبيب ومبروك الزواج مقدما ..
المبلغ قليل على المده المذكوره ..
لهذا انصحك تكتفي بالنمسا مع تقليل المده الى 10 ايام ..
وتكون الرحله فينا سالزبورخ زيلامسي والنهايه اما بفينا والافضل تكون بميونخ ..
لندن بعيده جدا وما ينفع الا طيران داخلي .. والافضل انك تلغيها

هتان10
هتان10
الف شكر لك اخوي
طيب اذا زودت المبلغ كمان 5000
ماعلمتني اخوي عن الاسعار و الاجواء في شهر سبتمبر

ALI_Q8_77
ALI_Q8_77
حياك الله اخوي الحبيب ..
لو زد 5 الف ممكن نجلس بحدود الاسبوعين بالمخطط المذكور بالاعلى بدون لندن ..
والاجواء جميله بمنتصف شهر 9 مع امطار متفرقه احيانا .. والله اعلم
ادخال لندن سوف يصعب المهمه والتخطيط والتنقل .. لهذا انصحك بالمخطط الاول الذكرته

هتان10
هتان10
لا هنت اخوي
طيب ممكن توزعلي ال 15 يوم ع المدن
وش افضل طريقه للتنقل
كم راح يكون الصرف اليومي هناك

ALI_Q8_77
ALI_Q8_77
عزيز وغالي ..
البدايه بفينا 4 ايام سالزبورخ 3 ايام زيلامسي 5 ايام ميونخ 3 ايام .. 15 يوم
اهم شيئ تحصل التذاكر بسعر رخيص حتى تكون الميزانيه على المرتاح .. مصرفك اليومي يعتمد على نشاطك في اليوم نفسه لكن بحدود 800 ريال لليوم ممكن تقل او تزيد ..
طريقة التنقل انت شنو تختار السياره او الوسائل الاخرى .. وانا حاضر اشرح لك

هتان10
هتان10
يعطيك العافية اخوي
بالنسبة للتذاكر انا لقيت على طيران الامارات 3200 للشخص الرياض دبي فينا و العكس
باللنسبة للمواصلات عادي لو تكون قطارات داخل و خاج المدن
اخوي بالنسبه للفنادق ذكرت انها 4 نجوم و عادي لو تكون في موقع عادي
كم راح تكون اسعارها تقريبا
وكم المبلغ الكاش اللي راح يكفيني من غير الفنادق و التذاكر

ALI_Q8_77
ALI_Q8_77
شوف اخوي انت اذا حجزت الذهاب والعوده من فينا نلغي ميونخ افضل خصوصا انها بعيده عن فينا .
لكن انت شوف سعر تذكرة الذهاب الى فينا والعوده من ميونخ ... لكن راح تحصل اقل من هذا السعر ان شاء الله ..
اذا الرحله بالقطارات
من فينا الى سالزبورخ 3 ساعات قطار مباشر
من سالزبورخ الى زيلامسي ساعه وثلث قطار مباشر
من زيلامسي الى ميونخ ساعتين ونصف وتبديل القطار بسالزبورخ او قرية اورقل ..
الفنادق ايضا على حسب العروض ..انت من وين تبي تحجز من النت او مكتب سياحي؟؟؟؟

هتان10
هتان10
والله راح يكون الحجز من اقل سعر سواء كان من موقع او مكتب سياحي
الف شكر لك اخوي على مجهوداتك

ALI_Q8_77
ALI_Q8_77
اوكي اذا بغيت تحجز قولي وانا اكتبلك فنادق جيده وشوفها وين ارخص وانا حاضر وبالخدمه


خصم يصل إلى 25%