mafia98
05-01-2022 - 10:17 am
السلام عليكم ...
اخواني ياليت احد يفيدني بخصوص ماليزيا للعلم انا اول مره بسافر لها ولشرق اسيا عالعموم
والنسبه للوجهه للحين ماحجزت بس فبالي كذا مكان انا بقولكم الاماكن وياليت اللي عنده خبره يرتبها لي واسف على كثرة الاسئله بس لاني جد محتاج اعرف بخصوص هالدول اكثر عشان اعزم اروح
الوجهات اللي فبالي اروح لها (بقسمهم على 21 يوم)
كوالمبور-لانكواي-بينغ-بوكت-بانكوك-جوانزو واخيرا هونغ كونغ
طبعا بحاول اروح على خطوط اير اسيا وللعلم انا محتار هل الغي تايلند او اخليها لانه بالنسبه لبوكت ناس تقول ماتطوف وناس تقول اذا بتروح لانكواي ماله داعي ؟!
2-الفنادق ماعرف اي شي عنها ياليت احد يفيدني باسامي فنادق بس ابي الاسعار بحدود 30 دينار او اقل لانه الفتره راح تكون طويله بس اذا في منتجعات بالجزر اسعارها اكثر مايمنع اما في العواصم ماراح تفرق وايد لانه بالنهايه ماراح نرد الفندق الى وقت النوم
3-الغرض من الروحه وناسه +راحه واستجمام+تسوق
فهل اقدر اوفر هلاشياء بالدول اللي بروح لها ؟؟
3- ياليت اللي عنده فكره عن ميزانية ماليزيا يذكرها لي من حيث التاكسي والاكل والرحلات اللي متوفره عندهم ؟
وهل اتسوق من هناك او اخلي الشوبينج من الصين وتايلند؟؟
اسف للاطاله وياليت اللي يعرف يفيدني
ابدأ من الآن باختيار الجدول المناسب لرحلتك مراعيا تقسيم الايام على المناطق و الدول واقتراح عليك بالغاء بوكيت و تمضية ما تبقى من اجازاتك فى ربوع ماليزيا
لنتفق الجدول المقترح و يقتصر على ثلاث دول و هى هوكونج - كوينزو - ماليزيا ( كوالا - بينانج - لنكاوى ) لمدة 21 يوم
4 ايام هونكونج
4 ايام الصين كوينزو او جوانزو
2 يوم سيلانجور ( ماليزيا )
3 ايام جزيرة لنكاوى
4 ايام جزيرة بينانج
4 ايام كوالالمبور
الذهاب الى مرتفعات جنتق صباحا و العودة مساءا
عليك الاطلاع على المواضيع و التقرير الموجودة فى قسم شرق آسيا و منها ماليزيا
هناك عدة اراء سوف يطرحها الاعضاء و عليك الاختيار افضل برامج و جدول رحلة مناسب لك
بالتوفيق