أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
كيف الحال ؟
بغيت استفسر عن ماك دونالدز والوجبات السريعه هل هي حلال ؟
هل فيه محظورات ؟؟؟ طيب المايونيز والكاتشب هل فيه دهن الخنزير او خمر
والله ذبحنا الجوع
هلا حبوبه صراحه هو علي انحاء العالم وصراحه عن نفسي نحنا ناكل واذا انتي مب حابه فيه المطاعم العربيه اكل وبعد عندج حل ثاني في شارع church street فيه محلات يبعون الدجاج الحلال والاسماك ويبعون الخضار والفواكه طازجه هذا نهايه شارع الاجود رود بعد الجسر ... وعندج مطعم بابل ومطعم سبا في شارع 28 praed street قريب من فندق هليتون مترو بول .. مع تحيات ابنته الامارات
والله يا دريم ويب انه ما انصح بأكل ماكدونالدز ، يعني الكل يعرف ان المطعم قذر و يستخدم زيت الخنزير في القلي ، لا و ازيدك / ازيدج من الشعر بيت ، ماكدونالدز يدعم اسرائيل . يعني كل علل الدنيا فيه .
من قال لا اعلم فقد افتى
اتمنى عدم الافتاء
انا عن نفسي اكل في ماكدونلدز لاني عشت في امريكا فنره ليت بالقصيرة ومن فتاوي العلماء اجازو اكل اهل الكتاب
اذا عندج بديل اكيد احسن بس اذا اظطريتي لاحول ولاقوه
في سلسله مطاعم في لندن لسمها Pret انا اكل من عندهم دوم والافضل هو التونه والفلافل
موفقيين
قطري شايب مشكور الله يجزاك خير
بس طحتلكم على مطعم باكستاني اسمه خان تشاتشا
روعه والله كاني طايحه على كنز
مره قريب من الفندق اللي ساكنين فيه
وكله اكل حلال يمي يمي
وهذا الرابط
http://www.khanchachas.com/menu.html
السلام عليكم
الله ايزيدج من فضله ويرفع ايمانج إلى أعلى عليين ..
اسألي عن مطاعم تشيكن كوتيج ..هذي سلسلة مطاعم كأنها كنتاكي بالضبط ولكنها حلال
ومنتشره في لندن ..
