يوسف العوفي
20-12-2022 - 07:02 pm
السلام عليكم ورحمة الله وبركاته
كيف حالكم يااعضاء المنتدى ..
بصرااحة حبيت السفر بعد ماقريت مواضيع كثيرة بهذا المنتدى الاكثر من رائع ..
ان شاء الله اذا ربي كتب لي عمر ناوي اسافر لماليزيا بتاريخ 6-1-2011 والعودة اذا ربي كتب
الجمعة 14-1-2011
وعندي بعض الاسئلة ياليت اهل المعرفة يردون علي
هل صحيح ان السفر لماليزيا مكلف ؟ انا بسافر مع زوجتي وطفلي عمره سنة ونص
واحد من الشباب قال كلفته 30 الف ريال سعودي .. هو وزجته بس
هل استطيع تنظيم جدول بميزانية 10 الالاف ريال من فنادق وتمشية ومطاعم من غير التذاكر ؟؟
لازم احجز فندق قبل سفري والا عادي اذا رحت هناك واذا كان لازم قبل ماهي الطريقة المناسبة للحجز ..
ومن ناحية الحجاب هل توجد مشاكل هناك ؟ (قصدي بالحجاب يكون الغطاء كامل )
هل تقصد مكلفه بالمعيشه هناك ؟؟
المعيشه هناك بسيطه جدا وغير مكلفه اذا كنت منظم الرحله
لكن اذا بتمشي وتشري من السوق الماركات وحالتك حاله
ماراح يكفيك يوم
بس الانطباع العام لها غير مكلفه ماليزيا من حيث المعيشه اخوي
هل استطيع تنظيم جدول بميزانية 10 الالاف ريال من فنادق وتمشية ومطاعم من غير التذاكر ؟؟
ان شاء الله تضبط لكن بدون تذاكر وتخفف من السوق
لازم احجز فندق قبل سفري والا عادي اذا رحت هناك واذا كان لازم قبل ماهي الطريقة المناسبة للحجز ..
كل ماحجزت بدري كان الفندق بسعر اقل
ومن ناحية الحجاب هل توجد مشاكل هناك ؟ (قصدي بالحجاب يكون الغطاء كامل )
طبيعي جدا جدا جدا ... ولاتنسى ماليزيا دوله اسلاميه وكثير منهم يلبسون الحجاب
وبالنسبه للغطاء طبيعي ولا فيه اي مشكله
لكن اخوي الحين ودنا تحدد انت وين تبي تروح ؟
لكناوي وكوالالمبور ؟
ولا في اماكن في بالك بما انك اطلعت على التقارير