السلام عليكم ورحمة الله وبركاته
ماعندك اي مشكله إحجز غرفه وحده ولا تكتب عدد الأطفال مافيه مشكله
لأنك لو حطيت عدد الأطفال ماراح يطلع لك فنادق كثير بس شقق او فنادق تعبانه
فلاتحط عدد الأطفال مايدققون هناك ولو صار شي هناك حدهم يرفعون غرفتك لسويت
وتدفع مبلغ بسيط بس بالعاده ماحد يقول شي

الله يجزاك خير
فعلا اجابة ريحتني
بس ابثقل عليك بالنسبة للفطور هل اطفالي افطارهم مجاني او لازم ادفع حق فطورهم
وبالنسبة للغرفة هل يوجد مراتب اضافية لنوم الاطفال

fahad1396
مافيه تثقيل ولا شي خذ راحتك طال عمرك
بالنسبه للفطور اغلب الفنادق اقل من 12 سنه مايحسبون عليه شي
والبعض تحت ست سنوات والبعض يحسبون النصف بس انا سكنت بخمسه فنادق
الصن واي لاقون والبارك رويال بينانق وشيراتون لنكاوي وتريدرز والقراند ملينيوم كوالالمبور
وكان معي ثلاثه اولاد الله يحفظ لنا ولك ولا فندق حسب عليهم شي مع ان اصغرهم 7 سنين
تريدرز قال الأطفال قلت له خمس فنادق قبلك ماحسبوا شي وشكله استحي وكنسل ماحسب شي
فهي تعتمد علي اللي موجود وعموما ماهو مكلف لو تم حسبته
بالنسبه للغرف انا كنت حاج اغلبها سويتات فيكون فيه صوفات وكنبات تكفي ونطلب زياده بطانيات
غير ان السرير الرئيسي ماشاء الله مليان شراشف وبطاطين دبر حالك
وإن حبت تطلب ينحس بحدود 100 رنقت مع الفطور وكل فندق له سعر بعضهم السرير ب 85 رنقت
بس نصيحه لا تطلب سرير إضافي وقت الحجز خله إلين تصل بالسلامه إن شاء الله وشوف وضع الغرفه
تكفي او ماتكفي وإذا بغيت إطلب من الإستقبال
شكلي طولت في السالفه وهي قصيره
واي خدمه حاظرين

مشكور كفيت ووفيت الله يعطيك العافية ويحفظلك اولادك

fahad1396
الله يعافيك ويجزاك خير ويصلح لنا ولكن النيه والذريه

رائع ... ياخبيرنا الكبير zazaz ( أبو علي ) الله لايحرمنا منك ومن خبرتك ...
بصراحة إجابات شافية .. كافية ... وافية ... وأستفدت جدآ منها ...
ولأأنسى أخي الغالي ( fahad1396 ) وأسأل الله له التوفيق وأن يحفظه لأبنائه ... ويحفظهم له ..
أخوكم : وافي بزمن جافي

جزاكم الله خيرا ياإخوان والله الحقيقة انا معجب بالأخ zazaza ووافي بزمن جافي والمغادرون 2007 وماجد الفهد بصراحة جهد تشكرون عليه
انا استفدت من اجاباتهم على أسئلتي وأسئلة الغير

وافي بزمن جافي
الرائع دائما هو الوافي بو هلا
والله لايحرمنا منك ومن طيبة قلبك وكلامك اللي مثل العسل
بارك الله فيك

tuwailmg
الله يجزاك خير ويرحم والديك والحمد لله اغلب من بالبوابه الماليزيه
تجدهم يتسابقون علي خدمة كل سأل والقصد دعوه طيبه صادقه إن شاء الله
الف شكر