ولا يهمك أختي ولا تدعين الإحباط يتسلل إليك .. كوالالمبور رائعة وحولها أماكن جميلة جداً ولن تملوا أبدا إن شاء الله
بس قبل أعطيك برنامج لكوالا عندي سؤال خلال ال 12 يوم هذي راح يكون فيه ويك إند فهل زوجك بيكون مشغول حتى في الويك إند؟ أم بيكون مجاز خلال اليومين؟ لو مجاز ممكن بالراحة تروحو جزيرة لنكاوي وتقضون فيها أجمل يومين
انتظر ردك

عنده اجازة يوم السبت والاحد ولكن هو يقول انه تعب علينا نطلع لنكاوي او بيننج في يومين

لا والله مو تعب أبداً لنكاوي تبعد 55 دقيقة بالطائرة إذا خلص شغله يوم الجمعة على طول تاكسي إلى المطار ومايجي صلاة العصر إلا وأنتم في لنكاوي تحجزون في فندق متيارا كابانا على البحر وتريجون على الشاكيء شوي وتنامون من بدري
وفي الصباح تنزلون تفطرون والساعة 9 على رحلة المنغروف بالبوت جولة من أروع مايمكن إلى الظهر ترجعون الفندق تريحون شوي وبعد العصر تطلعون 5 دقايق إلى التلفريك تأخذون جولة شيء خيالي في التلفريك وعلى المغرب ترجعون للفندق وثاني يوم بعد الافطار عندكم خيارين إما تروحون للشلالات أو إلى حديقة الفواكه حتى صلاة الظهر ترجعون تسوون خروج من الفندق وعلى المطار ومن بدري قبل المغرب وأنتم في كوالا .. وين التعب ؟!!
قولي له حرام نروح ماليزيا ومانزور جزيرة لنكاوي ووريه بعض التقارير عن لنكاوي وأنا متأكد 100% أنها راح تسحره بجمال شواطئها وأمطارها وغاباتها وكل شيء فيها
بخصوص الفندق رشحت لكم فندق إقتصادي لكن لو ميزانيتكم جيدة خذوا في ويستن لنكاوي روعة

هذا برنامج مسائي لكوالا:
اليوم الأول
جولة تعريفية في الباص السياحي هوب أون هوب لمدة ساعتين ونصف للتعرف على معالم كوالا يمر على 40 معلم سياحي مع سماعات ترجمة للشرح باللغة العربية
اليوم الثاني
بعد المغرب جولة في شارع العرب وتناول العشاء في أحد المطاعم العربية
اليوم الثالث:
جولة لمدة 4 ساعات في مدينة بتروجايا القريبة (30 دقيقة) والجلوس عند بحيرة بتروجايا الرائعة
اليوم الرابع:
بعد المغرب زيارة مجمع تايمز سكوير مجمع ضخم 11 دور وفيه كل شيء للتسوق وكل المطاعم العالمية وفيه مدينة ملاهي داخلية
اليوم الخامس:
السفر إلى لنكاوي
اليوم السادس:
لنكاوي
اليوم السابع
العودة من لنكاوي
اليوم الثامن :
زيارة مرتفعات جنتنق للتلفريك والملاهي (45 دقيقة بالتاكسي)
اليوم التاسع:
صعود برج المنارة
اليوم العاشر:
زيارة مطل Look Out Point لمشاهدة كوالا من المطل وتناول العشاء في المطعم الرومانسي
اليوم الحاد عشر:
الذهاب إلى شارع العرب للتسوق من المراكز اللي هناك مثل لوت 10 وبي بي بلازا وغيرها أسعار ممتازة
اليوم الثاني عشر:
إلى المطار للعودة لأرض الوطن
اتمنى لكم رحلة سعيدة إن شاء الله

انا احاول معاه وان شاء الله يرضى، بكم سعر رحلة لنكاوي من كولا؟؟؟
بصراحة هو قالي انه خصوصا لنكاوي مارح ننبسط فيها لانه معانا الطفلة الصغيرة ورح تتعبنا (عمرها سنة ونص)
هو لانه راحها قبل كدة قلي تمشيتها كلها بحر وشاطئ وناموس وانا بصراحة متحمسة بس هو معند
طيب وبالنسبة لباقي الايام وين ممكن نروح في كوالا لمبور هو قلي ممكن نروح كاميرون يومين ونرجع كولا كيف هذه المدينة؟؟

طيب والحدايق، سمعت انه في حدايق الطيور و الفراشات وحديقة الاوركيد والاكويريم؟؟؟؟

رونا كيوت
ماعجبته لنكاوي ؟!! سبحان الله .. صحيح اختلاف أذواق
طيب دام هو بقول تعب عليه يروح لنكاوي اللي مسافتها ساعة بالطيران كيف مستعد يروح كاميرون اللي طريقها جبلي يقصم الظهر
4 ساعات ذهاب و4 ساعات عودة !! منها ساعة ونصف طريق جبلي مسار واحد مرهق
على العموم هذا شيء يرجع لكم
بالنسبة لتذكرة كوالا - لنكاوي - كوالا تكلفكم تقريباً 900 ريال لكم كلكم .. الطيران الداخلي عندهم رخيص
بالنسبة لبرنامج كوالا حطيته لك فوق وممكن تضيفين عليه عالم ماتحت البحار والحدائق حسب رغبتك

والله رح اتعبكم معاية بس حبيت استفسر عن البرنامج اللي كتبته
1- الباص السياحي هوب أون هوب كيف انسق معاه؟؟
2- بتروجايا كيف اروحها وايش احسن وقت اقصد صباح، مساء ، ليل وهل في مطاعم او مقاهي قريبة؟؟
3- برج المنارة يبغاله انتظار ورسوم ؟؟ وايش احسن وقت لزيارته؟؟
4- مطل Look Out Point التكاسي تعرفه او كيف اروح له؟؟ واحسن وقت لزيارته؟؟

لا انا جاية هنا اشوف واستفسر
اذا كان كاميرون متعبة ماودي اروحها
ان شاء الله بأقنعه نروح لنكاوي واللي يصير يصير ، هو ماقلي لنكاوي مو حلوة لكن قلي البنت مارح تخلينا ننبسط فيها ورح تتعبنا فهل تشوف انه البنت رح تعيقنا في تمشيتنا في لنكاوي؟؟؟
طيب