هلا اخوي ومبروك مقدما
الاجابات باللون الاحمر
mjeed25
اخيرا
الان لو حجزت على فندق وما وصلت الا الساعة 11 بالليل وطبعا ما اخذوا شي من المبلغ يعني الدفع عندهم
هل يكنسلون الحجر لاني ما وصلت في وقت تسجيل الدخول الساعة 2 او وشلون الحل مع هلطريقة جزاكم الله الجنه
طبعا بيكون الوقت فات على الدخول الساعة 2 تقريبا لاغلب الفنادق
لكن حجزك ماراح يتكنسل ابدا
لانك حاط حجزك بالفيزا
فهم ضامنين حقهم اما بخصوص التاخير تبلغ الفندق انك تصل الساعة 11 مساء حتى تكون غرفتك جاهزة بحيث اذا تاخرت
واسف على الاطالة
ورجاء لا تخلون اخوكم محتار مره فوق هم العرس هم شهر العسل ودي احجز من الحين وارتاح
ياحبيبي انت حدد ميزانتيك وعدد الايام وابشر بسعدك يالغالي
وشكرا للجميع
سوف ترى الجميع يتنافسون لمساعدتك
اجعل ماليزيا اول محطه لك وتجربه لك لسهولتها وبساطتها
وتركيا جميله ايضا
كل مدينه لها مميزات

اخوي جزاك الله كل خير على كل اجابتك
من ناحية الحجزا في الفنادق اللي تقول انهم ضامنين حسابهم بالفيزا حتى لو ما فيه مبلغ في الفيزا ما يتكنسل الحجز
ميزانيتي تقريبا من 20 الى 25 الف
من تاريخ 10/6/2013 الى 24/6/2013

هلا اخوي
طبعا لازم يكون في فلوس بالفيزا
وحسب نوع الحجز يا تنسحب يا تنحجز وتدفع كاش هناك
مثال :
حجز مسترد : يتم حجز المبلغ فقط حتى وصولك تختار طريقة الدفع فيزا او كاش
حجز غير مسترد : يتم السحب اول ما تحجز جيت ولا ما جيت الفلوس صارت لهم
الميزانيه جميله و توقيت الرحله اجمل
لكن اترك للاخ مزمز يكتب لك الجدول والفنادق
لاني أسلطن على جداوله و اختياراته

جزاك الله الف خير واضح ومفهوم الشرح
بس الفلوس لازم تكون موجودة في الفيزا من وقت الحجز ولا اذا وصلت عندهم بالنسبة للي مسترد طبعا
وننتظر الاخ مزمز يفيدنا بالجدول المناسب جزاه الله خير

نعم عزيزي
ليش لازم يكون في فلوس في البطاقه حتى لو كان مسترد
الفكره من الموضوع ان بعض الفنادق بل اكثرها توضع شروط للحجز المسترد
مثلا يقول لك فندق الصن واي لاقون : في حالة الغاء الحجز قبل الوصول بثلاث ايام يتم سحب المبلغ كاملا
طيب انت بتوصل بتاخري 9 فبراير مثلا فقبلها بثلاث ايام راح الفندق يسحب المبلغ ولكن لن يجد فلوس في البطاقه
وهنا على طول يقوم بتبليغ موقع الحجز انه البطاقه غير فعاله
بوكينج يرسل لك ايميل يقول لك غير البطاقه او عبيها فلوس
خلال 24 ساععه مافي اي رد منك يقوم بالغاء الفندق
توصل انت فرحان للفندق وتعبان وحاب تنام بعد السفر الطويل تتفاجئ ان الفندق ملغي الحجز ترجع تحجز من عندهم ( اذا حصلت اصلا حجز بضعف المبلغ ) اللي كنت حاجزه في بوكينج
خلي فلوس في البطاقه وامورك في السليم
كما اتمنى لك رحله ممتعه في اجواء ماليزيا الرائعه
ولا تنسى تقرأ تقارير لتستفيد من خبرات السابقين

رائع يالغالي ميزانيه حلوه وجيدة
من تاريخ الاقلاع 10/6/2013
بكون الوصول 6/11
ابغى اعرف متى موعد الاقلاع وتاريخ الوصول هذا
اذا كان بيوم 11 راح يكون 13 ليله انتظرك ؟؟؟؟؟؟؟؟؟
تاريخ الاقلاع 24/6/2013
3ليله
4يوم
عندي ملف مضبطه بالكامل لخوي وهو
الان صديقي في ماليزيا رتبت له جدول اسبشل بصراحه وكنت موضح كل شيء
بس بغير لك التواريخ
ولي عوده معاك
وابشر بسعدك
يالغالي
وياحبيبي ياعدني ياصديقي كلنا نتعاون مع بعض

هلا اخوي
الوصول حيكون ان شاء الله يوم الاثنين 10|6 الساعة 10 مساءا بتوقيت كوالا
والاقلاع يوم الاثنين 24|6 الساعة 8 مساءا من كوالا
واترك لك الحرية اخي الله يجزاك خير

1. عدد اليالي والأيام 15 يوم 14 ليلة

السلام عليكم رحلتي الى ماليزيا تاريخ الاقلاع الاربعاء بتاريخ 10 / 6 / 2013 م الوصول الى مطار كوالالمبور10 / 6 الساعة 10 مساء
تاريخ المغادرة يوم الاربعاء بتاريخ 24 / 6 / 2013 المغادرة الساعة 8 مساء

عدد اليالي والأيام 15 يوم 14 ليلة

مخطط الرحلة 2 ليله بورت ديكسون 10 – 11 السفر الى لنكاوي 12 / 6 3 ليالي لنكاوي 12 - 13 - 14 السفر الى بينانج 15 / 6 3 ليالي بينانج 15 – 16 - 17 السفر الى جنتنق 18 / 6 2 ليلتين جنتنق 18 - 19 السفر الى كوالالمبور 20 / 6 4 ليالي كوالالمبور 20 – 21 – 22 – 23 السفر الى الوطن 24 خطوات قبل السفر
1 - استخدم دائما صندوق الامانات في نفس الغرفة ولاتشيل بطاقة الفيزا انتبه لنفسك، 2 – شريحة جوال Maxsis او جي جي 3 – لاتستعجل دائما بالقرارات بالشراء او غيرها تأنا وعدم الاستعجال وكاسر 4 – اهم شيء لاتستعجل بالاهل خلك هادئ ممكن تطفش لكن تذكر انها رحلة رومانسية ومتعة اجعل لهم وقت يستمتعون فيه
التنقلات والمواصلات
من مطار كوالالمبور الى بورت ديكسون ( تكسي )
من كوالالمبور الى لنكاوي ( طيران )
من لنكاوي الى بينانج ( طيران )
من بينانج الى كوالالمبور ( طيران )
من مطار كوالالمبور الى جنتنق ( تكسي خاص )
من جنتنق الى كوالالمبور ( تكسي او باص )

اخي الغالي
هذا جدول وضعته لك بحكم انك عريس
كل شيء جاهز رتبت لك الملف بالكامل
الفنادق ممتازه ومجربه ومعتمدة واستفدنا من خبرات اعضائنا المشرفين والخبراء
والتجربه ناجحة كانت
شوف اذا يناسبك الجدول اعطيني خبر تحياتي لك
حتى نبدأ بوضع الفنادق
وبعدها طرق الحجز الطيران + الفنادق
وبعدها الاماكن السياحية ( وهي جاهزة باذن الله )
تحياتي لك