35 مشاهده بدون رد

اذا كانت هذي سفرتك الاولى فاقترح الجدول المعتاد وهو سلاجور ثم لنكاوي ثم بينانغ ثم كوالا.. وعادي لوعكست بينانغ لنكاوي او لنكاوي بنانغ.انت تقريبا عندك ثلاثة عشر ليلة.
فبتكون ثلاث ليال سلانجور (ميزتها انها قريبه من المطار وترتاح فيها من عناء السفر وتحتاج ترجع المطار فبتكون قريب منه وايضا منطقة حضارية وفيها ملاهي واسواق)
وثلاث ليال لنكاوي (جزيرة هادية وجميلة وتمتاز بالرمنسية والشواطئ والترفليك والرحلات البحرية وهي نهارية وبالليل تكون موحشة تقريب تصلح للاسترخاء)
وثلاث ليالي بينانغ (هي ايضا جزيرة لكنها اكثر حركة وصخب واسواق ليله وعالم وحضارة وفيها مصانع ومراكز تجارية وتصلح تسوق وجولات هنا وهناك)
واربع ليالي كوالا (عاد هذي العاصمة وكل شي فيها والاغلب حضارة وملاهي واسواق والابراج والمناراه والمتاحف). واذا في منطقه تبي فيها اكثر اسحبه من منطقة غيرها.
او اذا حبيت تضيف الكاميرون فبيكون الجدول مثلا
ليلتين سلانقور ثم طيران داخلي الى لنكاوي
ثلاث ليالي لنكاوي ثم بالفيري العبارة الى بينانغ
بينانغ ثلاث ليالي ثم بالباص الى الكاميرون
كاميرون ليلتين فقط وبالباص ع كوالا
وثلاث ليالي اخير في كوالا.
وانا اقترح تضيف كاميرون لانهم يقولون لها جو اخر, فهي مرتفعات شاهقة ومزارع شا يوفروالة وعسل وجو بارد و معتدل بلارطوبه.
اذا قررت تقسيم الايام واخترت المدن نقدر نفيدك بالاماكن والفنادق

شكرا اخوي على ترتيب الرحله