عبدالعزيز م
( عكس .. عكاس )
لكن ...قررت اني اغير للنمسا .. بس
للأسف اجهل تماماً فيها .. لذلك راح اتعبكم مره
وسامحوني
ونبدأ بالمهم
متى افضل وقت للسفر
و كم المدة المناسبة وكم الميزانية التقريبية
والسؤال المهم اعطوني طرف الخيط في البحث عن تجميع المعلومات وانا ابحث ان شاء الله
وهل مناسب ان اخذ ابني الصغير ( 2 سنة ) الله يحفظه
.. لي عودة ان شاء الله باسأله اخرى .. سامحوني
وعليكم السلام
افضل شهور السفر الى النمسا 15 مايو الى 15 اكتوبر
مدة السفر تعتمد عليك انت وكم دوله تبي وكم ميزانيتك
الجدول المقترح 14 يوم

واللي يناسب للأطفال غالبا شهر اوغسطس
بالنسبه للميزانيه كل شخص له صرفه الخاص
ومتوسط شخصين من 30000 ريال الى 35000 ريال وومكن اقل او اكثر هذا يرجع لك انت ،،،،
طرف الخيط الوصول فيينا والعوده ميونخ او فرانكفورت جدول الماني نمساوي
او الوصول ميونخ والعوده جنيف جدول نمساوي سويسري ،،،

الله يعطيك العافية طيب .. اذا قلنا ان السفر ان شاء الله في 26-9-2014
ان شاء الله .. يعني في الحج القادم ( ادري مصدومين من استفساراتي المبدره شوي
عموماً الميزانية المرصودة 20000 والاحتياطي 10000
ان شاء الله
بالنسبة للجدول وش الافضل اذا كانت المدة 15 يوم

1. 2014

الى

1. 2014

هل نمساوي سويسري ام نمساوي الماني

خليها سويسري الماني نمساووي

ياساتر .. طيب اعطينا خط سير ان امكن

التاريخ الاول افضل لو تقدم شوي يكون احسن
جدواك 15 يوم 14 ليله
اذا تبيه الماني نمساوي سويسري
وصولك ميونخ ليله
سالزبورغ ليلتين
زيلامسي او كابرون 5 ليالي
كونستانس او برينغز ليلتين
انترلاكن 3 ليالي
ديفون ليله والعوده من جنيف
اذا كانت وسيلة النقل سيارة

معك اطفال ؟
كم عدد اعضاء الرحلة ؟؟

يا عيوني انا وزوجتي وطفل ان شاء الله يكون عمره 3 سنوات وشهرين وانا افضل التنقل بالسيارة ان امكن وتكون اغلب الاماكن السياحية حول بعض يعني ما احتاج اخذ طيران داخلي
وطبعا التنقل بالسياره اكيد ممتع لجمال الطبيعية بعكس الواقع اللى نعيشة الحمدلله
يعني راح اكون مستمتع اذا مريت على طريقي بقرية وانتظر فيها و استكشفها
الا اذا كان الوضع غير آمن
يعني مو طمعان اني اطلع على كافة الاماكن بقدر ما يهمني ان اخذ كفايتي من الماكن اللى اكون فيه
لو عندك وقت بس تطلع على احد مواضيعي عن ماليزيا لمدة 18 يوم تفهم توجهي
بمعني ان الماكن اللى يستاهل يومين اخذ فيه يومين وعلى هذا المنوال
طبعا في هذه الفترة يكون عندهم فصل الخريف .. وش رايكم

انت انسان قنوع تعجبني
اطول مسافه في الجدول من زيلامسي الى كونستانس 350 الى 370 اتوقع كيلو متر اقصد بدون مبيت وطريق سريع هل هذي تعتبر بعيده بالنسبه لك ؟؟
انت لك نفس تزور سويسرا
او تبي تكتفي بزيارة النمسا والمانيا ؟