- وايضا هل بورت ديسكون ملل في ملل
- السوال الرابع
السلام عليكم ورحمة االله وبركاتة
اول شي اتمنى انكم تقبلوني ضيف بينكم لاني اليوم سجلت وهاذي اول مشاركة لي
وعلى فكرة اتابع تقاريركم كلها قبل التسجيل واكثر تقرير شدني من ناحية الشاعرية هو تقرير الاخ وافي بزمن جافي
ذات يوم كنت هنا اماشاء الله علية
انا ياخواني زواجي بشهر 8 هجري اولة طبعا يعني باقي تقريبا 11 شهر ولكن في اسئلة محتار ولازم اعرف اجاباتها بدري
فياليت من يعرف لايبخل علينا بمشاركتة والله يعينكم على الكم الهائل من الاسئله الي التي تدل على مدى جهلي بماليزيا
السوال الاول
انسب مدة احجز فيها التذاكر لماليزيا تكون قبل السفرة بكم شهر لاني باقي مدة طويلة علي سفري تقريبا 11 شهر
السؤال الثاني
هل حجزي للتذاكر الخطوط السعودية مبكرا يعطوني سعر افضل او سعر الموسم مايغيرة شي في الخطوط السعودية
السؤال الثالث ويتخللة عدة اسئله
طبعا حطيت انا جدول لرحلتي وهي كالتالي 10 ليالي و11 يوم عن طريق مكتب بماليزيا طبعا ماحبيت الكاميرون ولا بينانج ولا بينج والسبب الصينين ومشاكلهم وايضا احس انها متعبة التقلات
2 يوم بورت ديكسون فلة مسبح خاص في ليجند هومز الله يجزاة خير اخوي خليلها على تقريرة
3 ايام لنكاوي موتيارا او بلانجي بيتش ( نفسي برجايا شالية فوق الما بس سعرة 1450 رنجت ايام الموسم يعني 3 ايام يطلع فوق 4000 الاف ريجنت
5 ايام كوالامبور ( محتار بين بيكولو تصميمة مجنني مرة او نوفوتيل او دورست ريجينسي او رويال شالون اذا قدرت اخذ سعر 450 رنحت راح اخذة
طبعا السوال راح يكون وش رايكم بالجدول وايضا مستوى الفنادق وايضا الخصوصية والامان
وش رايكم مادام اني ناوي اخذ مسبح واطق مسافة لبورت ديكسون واخذ تاكسي بالمبلغ الفلاني روحة جية اني اكنسل بورت ديسكون واخذ فيلا بصن واي لاقون او ويستن طبعا هالفكرة مجننتني وش رايكم بالله
وكم عمق مسبح ليجند هوم وصن لاقون يعني اخاف يوصل للركبة بس خ
وايضا هل بورت ديسكون ملل في ملل
السوال الرابع
طبعا سؤال من زوجتي تقول هل ماليزيا بالمركات ارخص من السعودية لان المهر لي عندها بقى منه شي طيب وتقول اذا ماليزيا ماركاتها ارخص من السعودية خصوصا الساعات والملابس بتاخذ من هنا (كالفن كلاين " اقنر وهالسوالف )
السوال الخامس
هل اقدر اذا حجزت تذكرتين ذهاب واياب اقدر ازود بالاياب كيلوات فقط يعني الذهاب لا الرجوع 15 كيلو زيادة
السؤال السادس وخاص لي
تنصحوني اروح ملاهي لاقون المائية او لا يعني هل يناسب شهر عسل ادري سوال غريب بس اكيد انتوا جربتوا هالشي يوم كنتوا عرسان
السوال السابع
هل راح تكون اسعار ماليزيا 2012 نار مرة او نفس 2011 يعني حسب التوقعات منكم عشان اعمل حسابي
السوال الثامن معاي بطاقة فييزا غير مسبقة الدفع ( يعني من اخذتها وهي فيها فلوس اصلا واخذ منها واسدد)
هل تنفع وايضا بطاقة صراف الراتب حقي من بنك الاهلي وهي مو فيزا اقدر اسحب من ماليزيا
اتمنى اني ماثقلت ورجاء مساعدتي طبعا الاسئلة اكثر من كذا بس بعض الاسئلة راح اخليها بعد فترة
ومشكورين ياحبايب قلبي
وبسم الله نبدأ إجابة الإمتحان:
1. احجز قبل لوقت ب 4 شهور وراح تشتري التذكرة ب 1504 ريال فقط (كما حصل هذا العام) كان سعرها كذا في ربيع أول ولما وصل رجب ارتفعت إلى 3500 ريال وماكان فيه حجز
2. تمت الإجابة عليه
3. برنامجك ممتاز جداً وفي كوالا خذ رويال شولان وأنت مغمض
4. الماركات أسعارها نفس مستوى هنا أو أغلى وغالباً أغلى لكن عندهم ماركات مقلدة تقليد درجة أولى يصعب جداً كشفها وطبعا بأسعار رخيصة أقصد ماركات الشنط والساعات تحديداً
5. الوزن المجاني للعفش ماتقدر تتحكم فيه لكن إن شاء الله ماعندك مشكلة بيعطونكم على كل تذكرة 20 كيلو أو 30 كيلو حسب الخطوط كافية إن شاء الله
6. نعم ولا ... نعم لأن فندق صن وي لاقون خطير وشيء رايق خاصة للعرسان وفيه حركة وناس ووناسة ولا إذا كنت ملتزم وماتحب تشاهد مظاهر التكشف والعري المؤذية بجوار الحديقة المائية وأنا أول ماشفتك حطيت أول ليلتين في بورت ديكسون توقعت أن هذا هو السبب
7. أتوقع في نفس المعدل ومثل ماذكرت لك كل ماحجزت مبكر حصلت على سعر منافس
8. نعم أي بطاقة إئتمانية تنفع للحجز بس تأكد أنها منشطة وبطاقة الصراف الآلي خذها معك تقدر تسحب بها من الصرافات اللي هناك من حسابك عادي
اتمنى أكون جاوبت على تساؤلاتك
تمنياتي ودعواتي لكما برحلة موفقة وحياة زوجية سعيدة إن شاء الله