اولا حياك الله معانا في هالمنتدى العامر.
اول شي وقبل البرنامج.....لاحظ ان التذاكر لشخصين فقط بحوالي 6 الآف ريال....لو قلنا الفنادق لمدة 10 ايام بحوالي 3 الآف ريال.....يبقى من الميزانية 2000 ريال.....واعتقد انها غير كافية....لمدة 10 ايام.

وانا بعد اقول الميزانيه شكلها ماتكفى لانه التذاكر والسكن يبى ياكل ثلاث ارباع الميزانيه يعنى لو تروح فى الباقى تموت من الجوع

اخوي سمسم باعتقادك كم المبلغ الي ممكن يكفي للمدة هذي يعني المتوسط لشخصين واشكرك على ردك.
اخوي القعقاع اشكرك على المعلومات الحلوة تسلم اخوي .
القرين اشكرك على ردك بس اذا على الجوع بس مو مشكلة منها رجيم لمدة عشر ايام وتوفير .
طيب ابي شوركم الافضل السفر عن طريق مكاتب سياحية تقدم عروض حلوة او الحجز من هناك للشخص الي يزور البلد لأول مرة . وكمان اللغة هناك ضرورية ولا الي عندة كم كلمة تمشي معاة .

اسمع يا طويل العمر قبل لا تسوي اي شئ و قبل لا تاخذ اي برنامج من اي مكتب سياحي لانهم كلهم عندهم نفس حجوزات الفنادق و الامكان الي معروفه و اكثر من يروح لها العوائل و العرسان الجدد.
عندك الشباب في المنتدى عشان تعرف الاماكن الي تصلح لكم كشباب يعني اماكن فيها تجارب جديده و اشياء جديده من مغامرات و إلا اماكن معزوله ترا لها طعمها و رخيصه جداً
في البدايه إذا حبيت تحجز عندك خيارين اما الخطوط السعوديه رحله مباشره من الرياض او جده إلى كوالالامبور زي ما قالوا لك الشباب تبي تكلفك سته الاف او اذا تبي تطول البرنامج عندك الخطوط الاماراتيه بنفس السعر بس فيها وقفه في دبي ثلاث ايام تمشى هناك و توسع صدرك شوي
الشئ الثاني لما تحجز فنادق هناك راع عندك مسأله انكم شباب في رحله يعني دوروا من الفنادق الي من ثلاث نجوم و تحت لانكم راح ترجعون و تنامون بس يعني ما راح تستفيد من الجلسه في الفندق
ثلاثه لازم تحدد مواصلاتك هناك سواءً انه تكون لكم سيارتكم الخاصه او موصلات عامه مع قرفها
اربعه حددوا الاماكن الي تبون تروحون لها بنفس المده و تكفون لا تشملون الاسواق و كل مكان ترحون له وثقوه بالصور
عموما الميزانيه لعشره ايام انت و خويه راح تتراوح من 13 الاف إذا انت شاطر و تبي تعيش البلد باسلوب اهله إلى 23 إذا انت تبي تعيش عيشه الملوك مبالغه شوي
عاد انت ابوها و سمها

اخوي possessed اشكرك على اقتراحك بس بسالك متاكد ان الخطوط الامارتية نفس السعر ؟ والمواصلات هناك كيف اسعارها وكذلك الاكل والمطاعم ؟
اما من ناحية 23 الف كثر منها بلحيل بلحيل ومايحتاج اسميها
والصور لاتوصي حريص بنتصور حتى مع موظفين استقبال الفنادق

شف يا عزيزي انا ما راح اعطيك المبلغ بالملي
ولكن اقول بالنسبة لكم شخصين ...من الافضل ان يكون معاكم مبلغ لا يقل عن 5000 ريال لزوم المطاعم والتمشيات.
بالنسبة للفنادق فاسعارها تختلف من فنادق 5 نجوم الى 4 نجوم ....
بالنسبة للتذاكر فبالامكان معرفة السعر من خلال اي مكتب سفريات واختيار الافضل.
العام الماضي طلعنا ثلاث شباب وقضينا تقريبا 10 ايام في ماليزيا....وكانت التكاليف تقريبا كالتالي:
التذاكر = 8700
السكن في فنادق 5 نجوم= 5000
المصروف اليومي= 400 ريال ×10=4000 ريال
=================
طيب لو قلنا شخصين
التذاكر= 6000
السكن في فنادق 5 نجوم= تقريبا 5000
المصروف اليومي=300×10=3000
المجموع الكلي= 14000 ريال
==================
من الافضل حجز الفنادق من بلدك .....وذلك اضمن بالذات ان الصيف نسبة اشغال الفنادق تقريبا100%

ياعيني عليك ياسمسم اشكرك على معلوماتك الوافية .
بس بسأل اذا كنا شخصين وشباب تفرق خمس نجوم الفنادق عن الباقي ولا في ماليزيا فية فرق كبير بين الخمس نجوم والاربع نجوم في الخدمة والنظافة بالرغم انة مانحتاج الفنادق الا للنوم بس.
وبالنسبة للمبلغ الي ذكرت الي هو 14 الف يعني مع الاقتصاد في المصاريف هناك ولا بناخذ راحتنا في المصاريف والتمشية .
واشكرك مرة اخرى على المعلومات .

والله احيانا فنادق 4نجوم جميلة وحلوه وزي فنادق 5 نجوم....فمثلا سكنا في بينانق في فندق بي فيو بيتش وهو 4 نجوم...ولكن الصراحة بمستوى 5 نجوم.
بالنسبة للمبلغ اللي ذكرته ...ان شاء الله انكم بتاخذون راحتكم في المصاريف
ولا انسى اقول لكم تأخذون احتياط معاكم ..بطاقات الصراف او بطاقة ماستر كارد او فيزا ان وجدت وذلك كنوع من الاحتياط ليس الا.
والعفو يا عزيزي وتمنياتي لكم بسفرا سعيدا وموفقا