- السلام عليكم ورحمة الله وبركاته
- اخواني في هذا المنتدى الرائع امسي عليكم بالخير
- من مقلب في مقلب الين ما تخرج سلامات من ماليزيا
السلام عليكم ورحمة الله وبركاته
اخواني في هذا المنتدى الرائع امسي عليكم بالخير
واوجه رسالة من هنا لكل من يريد يذهب الى ماليزيا .........اولا لكل واحد وجهة نظر وانا ابا ابدي وجهة نظري في ماليزيا التي يزعم بانها اسيا الحقيقية ...والله انها من اكبر المقالب اللي اكلتها في حياتي يوم رحت لها وانا افكر انها تستاهل الروحة والتعب والتكاليف العالية .....كانت مدة الرحلة 15 يوم واختصرتها الى 9 1يام فقط .....مثل ماهي خضراء وشلالات ومياه وغيم مثل ماهي كتمة ورطوبة وحر ...والله انها مثل الكيكة اللي مالها طعم .....تشوفها في الصور تقول وش ذا الديرة....ولمن تروح تشوفها "لايف" تقول ياليتني جلست على الصور وبس.... خليكم على الصور احسن ....
فيها كاميرون وجنتنج باردة بس ما تقدر تجلس فيها مدة طويلة بالكثير 4 ايام بينها وانت مسافر اقل شي 12 او 15 يوم...
لنكاوي وما ادراك مالنكاوي مناظر وخضار خلاب ...بس حر ورطوبة اكبر من مناظرها وغلى في الاسعار فاحش.
على العموم .....اللي مخطط شهر عسل على ماليزيا اقله نصيحة لك غير لدولة غيرها تراها ماهي جو رومانسية ....والله العضيم الرطوبة والحر موطبيعي عندهم .
وكلها كوم وحدايقهم كوم ثاني يقولون لك نبي نوديك لحديقة الفواكه والا حديقة والطيور وانت مسكين تفكر انها حدايق من جد ماتدري انها مقلب بياخذون من وراك بس قيمة الدخول والله مافي حديقة الفواكه الازرع اخضر ما عليه الا فاكهة ما تعرفها ولاقد شفتها هذا اذا فيها شي ويقعد يبربر الماليزي فوق راسك عن فوايدها ومتى تنزرع ومدري شنو ...واخر جولة في الحديقة يدخلونك في بركس صغير فيه حبحب ومعاه اصناف ثانية ما تعرف لاشكلها ولا طعمها ويقولون لك تفضل ضيافة وانت دافع قيمتها خمسين مرة باختصار ....مقلب
وحديقة الطيور مقلب زيها
واصحك يقولون لك بنروح مصنع القصدير والا الساعات والاالشوكولاته... والله العضيم انها محلات زي اللي عندنا "متاجر صغار" يقولون لك تفضل اشتري..... وانت مفكر انها مصنع من جد
من مقلب في مقلب الين ما تخرج سلامات من ماليزيا
وحط في بالك هذي المعلومة.....تراك هناك تدفع للشي اللي يستاهل 5 رنقت 50 رنقت وانت عارف انه ما يستاهلها كل شي سعرة مرتفع على الاش على ولاشي مرتفع بس كذا على الفاضي ....خدمة تستاهل 10 رنقت تدفع لها 60 او 70 رنقت ....وتوصيل طلبات المطاعم لا تفكرانها بلاش ......تراك بتموت جوع لو فكرت انها بلاش المطعم يحسب قيمة الاكل زائد قيمة مشورا التكسي ون واي عليك خصوصا مطاعم لنكاوي....لانك ما بتاكل كل يوم من الفندق ....وقسم بالله ان الدجاجة بسبعين رنقت في مطعم الفندق اللي كنت نازل فيه بلنكاوي .......والببسي ب ثمانية رنقت ...تصدقون؟؟ لا ومو كذا وبس ....اذا طلبتها بالتلفون وجابها السرفيس يقعد يبربر فوق راسك ويقلك if you want any thing from the Restaurant you have to wait your order in lobby
الاخ ما يبي يجي ممن اللوبي الى الغرفة عشان يجيب لك العشا وانت دافع تقريبا 130 رينقت
باختصار حر+رطوبة+غلا+تعامل غير لائق+مقابل مالي كبير تراهم يقولون ايش الفرق بيننا وبين اوروبا ؟؟؟؟
ومغترين بالحيل بالحيل ....هذا ما خطر ببالي....
وسلامتكم...
ياهلا بالحبيب ( قود باسنجر )
الحمد لله على سلامة الوصول يالغالي
وجهة نظرك نحترمها جدآ يالغالي ... وهي على العين والرأس ..
وفعلآ ( الأذواق ) تختلف من شخص لآخر ...
ودائمآ نقول : ليس شرطآ أن يعجبك مايعجب الآخرين
أسأل الله لك التوفيق أخي الحبيب دومآ وأبدآ ... تحياتي
وافي بزمن جافي