عزام الروقي
14-07-2022 - 07:13 am
السلام عليكم
انا من المتابعين لهذا المنتدى المعطاء
ولا يغركم ان لي ساعتين مسجل
لانني متابع من سنتين
واليوم خلاص لازم اسوي شي
ثوره ثوره ثوره
ابسافر يالربع ايه خلاص الا متى
المهم انا قررت اني اسافر الى ماليزيا
تجديد شهر عسل وتعويض للمدام لاني ما سافرت
ابغى جدول عشر ايام وا اقدر اكثر لان عندنا مولوده الله يبارك فيها بنخليها عند اهلي
والى الان ما سويت شي
مخطط من 3 سبتمبر الى 14 يعني في العيد
ابغاها تكون اقتصاديه شوي وما احرم نفسي من المتعة (حلوها
ووكيف طريقة الفلوس والدفع هناك
وكم التكلفة المتوقعة
الله لا يهينكم
يعني اذا حطيتوا مدينة اكتبوا وش فيها اماكن تستحق الزياره( يتشرط بعد
وشكرا مقدما لكل من رد( ضامن الردود دام في هالمنتدى
مرحبا بعزام الروقى
مقفلة يعنى ما يبى لها ...... مسافر .. مسافر ...
طيب من 3 - 14 سبتمبر يطلع لك 11 يوم ( 10 ليال )
اوزع لك اياها بالمريح :
2 سيلانجور فندق الصنواى لاقون و بعدها تطلع على المطار الى جزيرة لنكاوى المسافة 1 ساعة
3 لنكاوى فندق لنكاوى لاقون و بعدها ترجع على كوالالمبور
4 كوالالمبور فندق دورست ريجنسى و بعدها تطلع على منطقة بورت ديكسون , ساعة و نصف بالسيارة
2 بورت ديكسون منتجع ذا لجند فيلا بمسبح خاص ( ختام المسك )
العودة الى ارض الوطن
بعد ما توافق و تقرر على توزيع الايام على المناطق راح نعطيك اهم معالم كل منطقة و ممكن تطلع على اسفل توقيعى رابط " رسوم دخول حدائق و منتزهات ماليزيا ) المشهورة فى كل منطقة
اتمنى لك رحلة سعيدة