بالنسبة للمحمول أنا أعتبره من الضروريات !!
فأنا الحين أكتب لك هذه الكلمات من غرفتي بالفندق بهونج كونج !
ويفضل أن يكون المحمول صغير يعني لا يضايقك بالشيل أو التنقلات ...
وتستطيع ربطه بالانترنت الموجودة بالفندق .... وبعض غرف الفنادق فيها منفذ لشبكة الانترنت ... وكذلك موجود في قسم البزنس سنتر في أي فندق ...
وأغلب الفنادق فيها الانترنت بلاش ....
تحياتي

تسلم والله اخوي Rav والله يعطيك الف الف عافية على ردك السريع ولا يحرمنا منك
اخوي Rav كتبت لك استفسار عن هونكونق في المنتدى الخاص فيه ياريك تتكرم علي بالرد بارك الله فيك
وتسلم يالغالي
عماد

السلام عليكم ...
صبحك الله بالخير اخوي الغالي عماد
يا صديق طفولتي يا عماد
انا صراحة شفت انه الاخ العزيز Rav رد عليك ...قلت
في نفسي ان شاء الله ما يكون رده مخالف لاني اعزه ..
لكن الاخوان يختلفون في الاراء لكن المهم القلوب بيضاء
وصافية والمحبة ربي يديمها .
تراها حسب البني ادم ...شكله اخونا Rav من الناس
اللي يعشقون الكمبيوتر ...اما عن نفسي اهتمامي بسيط
واخذتها معاي ولكن ما استخدمتها كل يوم اقول بكرة
اشبكها واشغلها ...يجي بكرة اقول بعده ...المهم جهازي
المحمول شم هواء ماليزيا وشيله على الفاضي واتخبط لين
ما قال بس ..وشكله انصك عين هو و كاميرا الفيديو ورجعوا
فيهم خراب وخاصة كاميرا الفيديو ...فكيت سيرة جديدة
اخر شيء صرت احطه في الدولاب ...والله ما استفدت منه
وبعدين قلت في نفسي انا جاي اشتغل ولا اتمشى ...
كل اليوم تماشي مافي وقت للحاسب ...الا لو بغيت لاجل تدخل
منتدانا تراها قصة ثانية
صراحة ...واحد رايح يتمشى ليه يشيل جهازه خله ينام
بالبيت ...ولا يجي يتخبط وشيل ولا تشيل وفك ولا تفك
والله شغلانة ..كل شيء فيها شغل ومجهود في سفريتك
ارميها ...وخل همك الاستجمام والراحة والباقي ملحوقين عليه .
رأي خاص لا يقدم ولا يؤخر ...مع احترامي لكل الاراء الاخرى .
موفقين الله يسلمكم وتروح وترجع بالسلامة اخوي عماد والعائلة
الكريمة ...والسلام عليكم

ياهلا والله وغلا بالغالي وحبيبي الشعيبي
والله اني اكون سعيد لمن اشوف ردك
او اشوفك بالمنتدي ياعسى ربي مايحرمنا منك
ورايك على العين والراس ياقلبي
تسلمون اخوي Rav واخوي الشعيبي
الله يبارك فيكم

يفيد من يريد تخزين صور كثيرة جدا من ماليزيا للي معهم كاميرات رقمية
أنا أعرف واحد رجع من ماليزيا وفي جهازه المحمول 2 غيغا زيادة تقريبا لأنه صور أكثر من 2000 صورة في ماليزيا

تسلم اخوي الغالي بحار الشبكة على ردك الكريم
والله لايحرمنا من وجودكم الكريم
عماد

السلام عليكم ورحمة الله وبركاته
أعتبره مهم خصوصًا لأصحاب الكاميرات الرقمية .... فلا تتردد إذا كنت تملك كاميرا رقمية ... وأما عدا ذلك .. فلا أرى أنه ضروري ... والأمر يعود لك ..
فهد

تسلم والله اخوي على مرورك الكريم
وانا اسعد برأيك ورأي الاخوان جميعا
وفقنا الله واياكم الى مانحبه ونرضاه

السلام عليكم ورحمة الله وبركاته
اود ان اشارك بوجهة نظري وهي وجهة نظر شخصيه (لولا اختلاف الأذواق لبارت السلع) اتصور ماله داعي تاخذ المحمول على الفاضي تشيل فيه وتحط وأشبك وانتبه لا يطيح وتشيله معاك في الطياره وماتقدر تحطه بالشحن وبعض الناس يخاف يخليه بالفندق وآخر المطاف بتشتغل عليه ساعه ولا أقل ( لو بتشتغل أكثر من ساعه ما صارت سفره) والإنترنت متوفر بكل مكان سريع ورخيص وبالنسبه للصور لو عندك كاميرا رقميه راسمالها كرت ذاكره تخزن كل الصور اللي تبغاها ولو تبغى تطبع الصور ممكن يطبعوها لك بتكلفه بسيطه للصوره ومره واضحه وبوقت قصير حتى انه فيه مكائن طبع ذاتي للصور (زي مكائن بيع المشروبات) تحط كرت الذاكره ويطبع لك الصور ولا أحد يشوفها الا انت .........
يعني الخلاصه لا تاخذ المحمول.