السلام عليكم ورحمة الله وبركاته
أنا توي وصلت من الرياض بعد ما سلمت أوراقي الخاصة بالماجستير والحمد الله أن أوراقي كلها كاملة من ناحية التوصيات والخطاب وكل شئ.
طبعًا أنا قبل ما أروح كان عندي كثير من التساؤلات ولكن لما وصلت عندها وشفت الحوسة والزحمة ما هي زحمه لكن في مشكلة في الترتيبات.
لما جاء دوري أخذ الدكتور أوراقي طبعًا دكتور كانوا كلهم دكاترة سألني في جامعة ترغب في الالتحاق بها قلت له نعم وش هي ،أنا على طول طلعت جوالي وكانت عندي قائمة بالجامعات أخذتها من احد الأخوان في الساحة وقعدت أدور على الجامعة المناسبة أنا طبعا ما أعرف الجامعات لكن عملت بنصيحة الأخ العزيز حساس عندما نصحي بمدينة كرايست شريش وعلى طول وقعت عني من خلال شاشة جوالي على جامعةcanterburyوأنها موجودة في نفس المدينة إلي أريدها، الدكتور سجل على أحد الأوراق إلى عبيتها عندهم أن الطالب يرغب في هذي الجامعة وسجل أسم الجامعة.
كل هذي الوقفه ما قعدت أكثر من 10 دقائق بعدها قالي خلاص تقدر تروح قلت له بس خلاص أبغى أيش بعد ذلك قال لي الدكتور سوف نتصل بك خلال شهر أو شهرين بالكثير ونقول لك ترى القبول وصل فأنت بدورك تأتي إلينا وتأخذ ورقة من عندنا وتذهب بها إلى السفارة هنا في الرياض لكي يستخرجوا لك التأشير.قلت للدكتور طيب هذا القبول حق الجامعة كيف اللغة ترى لغتي ردئية يا دكتور قال لي الدكتور ضاحكًا القبول للغة والدراسة كله من خلال الجامعة ياعزيزي بعدها أخذت نفسي وجري حتى ألحق بالمطار إلى بعده بعد جدة من مكة مع المبالغة قليلا. وأنا في الطائرة جاء في نفسي سؤال نسيت أسأله للدكتور وهو بالنسبة للسكن وأمور المعيشة.