بسم الله الرحمن الرحيم
السلام عليكم ورحمة الله وبركاته
ابشركم صدر لي خطاب السفارة وبقي علي مراجعة السفارة
ماهي اسرع واسهل الطرق لستخراج الفيزة
بديه بأخذ الموعد .. وماهي الاوراق المطلوبه.. وماهو افضل وقت للمراجعه

المشكلة الكبيرة في أخذ موعد من السفارة في الرياض ... والله العظيم صار لي قرابة الشهر أحاول آخذ موعد عن طريق الاتصال المتكرر وأرسلت عشرات الفاكسات في أوقات مختلفة اقترحها السادة أعضاء المندى وإيملات كثيرة ولكن حتى الآن بدون فائدة
أرجو ممن لديه خبرة او معرفة أو تكرر له نفس الموقف أن يفيدنا وله وافر الشكر ..

اللي بيي موعد في السفاره يرسلهم فاكس بين الساعه 5 مساءً الى الساعه 7 مساءً هذا افضل طريقه بالنسبه للفاكس
والطريق الاضمن هي عن طريق الاتصال على الارقام التاليه 4881472////4887678
بالنسبه لسفاره الرياض هذا الكلام

السلام عليكم
اتمنى اني افيدك من هذا الموضوع من واقع تجربة شخصية
اول خطوة الاتصال من هاتف ثابت او جوال على رقم السفاره 4887678, من الساعة الثامنة صباحا حتى الرابعة عصرا بشرط ان يكون جهاز اتصال به خدمة redial الاعادة تلقائيا.
وتستمر على هذا الوضع بدون انقطاع لمدة اربع ساعات خمس ساعات حتى يردون ولازم في النهاية بيردون انا تابعتهم من الساعة الثامنة صباحا بدون توقف وردو علي الساعة 11 ونص وهذي الطريقة مضمونه وبترد عليك الموظفه وتطلب التالي :
1 معلوماتك من واقع الجواز ( الاسم, رقم الجواز , تاريخ الاصدار , مكان الاصدار, تاريخ الميلاد , مكان الميلاد )
2 عنوانك البريدي و رقم الهاتف و موعد الدراسه في امريكا ( حسب موعد الدراسة بتاخذ موعد حسب تقدير الموظفة لذلك )
ملاحظة : تسطتيع اخذ موعد حتى قبل صدور خطاب السفارة

شباب اللي مابعد خذ موعد الى الان يروح وياخذ حتى لو مامعه خطاب لانك ماانت ماخذ موعد الا بعد شهر وانشالله يكون خلال ذي المده الخطاب في يدينك......... اللي ماحجز موعد من الحين تراه غلطان وستين غلطان وهو اللي يخرب على عمره

تلفون مشغول والفاكس ماندري هو وصل او لا؟؟؟؟؟؟؟؟؟؟؟؟؟؟؟؟؟؟؟؟؟
والله مشكلة
حتى رحت للسفارة قالتلي مغربية بالاستقبال: المواعيد بالتلفون فقط
وش نسوي؟؟؟؟؟؟؟؟؟؟؟؟؟؟؟؟؟

انا اليوم ياشباب قدمت على خطاب السفاره في وزاره التعليم بس كم يوم يبغى عشان ينزل عندي

الاخوة الاعزاء
شاكر ومقدر لكم تفاعلكم واسئل الله ان ييسر للجميع امورهم

السلام عليكم
اخوي القبطان بعد خطاب السفاره فيه مسلسل كساندارا المكسيكي الشهيرالله يسلمك يستمر لمده شهرين اومفتوح المده ويمكن يتزوج البطل البطله في النهايه او على هوى المخرج
اهم شئ انت حاول ويكفيك شرف المحاوله ارسل لهم فاكسات يوميا وبرضو كلمهم تليفون يمكن يشبك معاك واذا مره مره مالك الاهيفاء ( جده عروس البحر ) انقز وخلص امورك سريع سريع
وبالتوفيق للكل ان شاء الله
تحياتي عبادي