هذا اليوم الثاني وانا انتظر الرد وصل عدد المرور (19) ولا احد رد علي :112:

سلفر
سان دييغو مدينه جميله ، راقيه و نظيفه و أمان ... ساحليه ، تبعد 3 أو 4 ساعات تقريبا عن لوس انجلوس بالسياره (على حسب السير) ... الأفضل انك تجلس مع عائله فى بادئ الأمر لين تتأقلم مع الوضع و تدورلك على سكن مناسب ... سعر الشقه إذا تاخذها سنوي يكون أفضل و أرخص ... توصل 1500$ فى الشهر غرفه و صاله ... و من ناحية معاملة الناس جيده جدا ..الجو فى الصيف مشمس لكن معتدل فى المساء يصبح الجو لطيف جدا ... و فى الشتاء بارد و أمطار فى اكتوبر و نوفمبر ..

وفيها السي وورد sea word
ومعهد امدال amdal كثير من الخليجيين يدرسون به
واختلف مع بنت الصقور في ناحية الامن فهي مدينة تنتشر فيها الجرائم كسائر مدن أمريكا، لايكاد يمر يوم ماتسمع جرائم قتل أو اغتصاب عافانا الله واياكم
ولكن كما قلت بنت الصقور فهي مدينة جميلة وراقية ولكن جوها حار صيفا اقرب لجو مدينة الرياض
واذا ترغب في مجمع سكن راقي ومحترم لدي ولكن غالي السعر نوعا ما ... اتمنى لك التوفيق في رحلتك

اختى غاده ، يا هلا فيج
الجرائم منتشره فى كل مكان ، حتى فى أوطاننا للأسف .. و لكن ماقدر أطلق عليها انها مدينه غير آمنه .. من هنا تأتى أهمية اختيار المنطقه السكنيه المناسبه ... و من ناحية الجو .. مافى مثل حر الرياض سان دييقو حتى لو مشمسه إذا جلستى تحت الظله تحسين بنسمه لطيفه و فى المساء يكون حلو الجو ، أول ما تغيب الشمس .. بس فى الرياض سواء شمس أو ظله حر يقطع الظهر و جفاف و كتمه :111:
ياريت اختى لو تزودينا بعنوان السكن اللى تفضلتى و ذكرتيه ... و شكرا

مشكوره يابنت الصقور ومشكوره ياغاده ماقصرتوا والله يعطيكم العافيه .
بس ابي معلومات اكثر واكثر مثل اقرب المدن اليها وكم تبعد عنهم , شلون اذا بغا الواحد يدخل المكسيك
لازم فيزه والا لا , ومعلومات اكثر واكثر ,
ولاتخلوني انا اخوكم ,
وتراني ابيض ماعرف شي .
واكرر شكري لكم مره ثانيه وللي مرواعلى الموضوع ولا ردوا ( يمكن مايعرفون شي )

السلام عليكم ورحمة الله وبركاته
خبرتي في المعاهد قليلة ونصيحتي لك ان كنت تبي تتعلم الغة بجد :
1-المعاهد التي فيها عرب لن تتعلم اللغة بسرعة مالم تتكلم معهم بالنكليزي (أقصد العرب في المعهد).
2-أن تكون العائلة من البيض و لديهم أطفال كلما كثرو أفضل للمحادثة.
وهذ معهد يوفر سكن مع الأسرة حسب طلبك ولديهم جولة خيالية للمعهدا(تحتاج للتشغيل Quick Time)
http://www.hiausa.com/accomodations_campus.htm
إنشاء اللة سوفة أضع معلومات أخري لاحقا. بالنسبة للسفر الي المكسيك أسئل في المعهد ولاتذهب بدون استشارة من لة خبر في الأجراء المناسب للعرب وعلي فكرة متي السفر?

هذي صورة للواجهة البحرية في سان ديغو (ferry landing)
الصورة حجمة شوي كبير 5000X600 أضغط علي الصورة وبأمكانك تكبيرها او حفظ الصورة أسرع.

1-بالنسبة للجرايم حالها مثل كثير من مدن أمريكا بس تجنب الاماكن المشبوة.
2-الحرارة تعتبر ثالث مدينة برتفاع حرارتها بعد بيكرس فيلد و بالم سبرينق في كليفورنيا وهي تكون بين 85 و 115 فهرنهايت يعني ابرد من الخليج.
3-الاماكن السياحية كثيرة و لقربها من لوس أنجلس حول ساعة إذا ماكان في زحمة.

اخوي الوطن مشكور والله يعطيك العافيه
ايه بدت الاخبار الحلوه تهل علينا ولا قصور في الاختين اللي قبلك
بالنسبه لموعد السفر راح يكون في شهر جولاي .
والعايله اذا مثلا حددت وطلبت بيض ماراح يكون فيها حرج عندهم , مثلا ينظرون لي بأني صاحب تمييز.
ودمتم .
وانا منتظر للمزيد من المعلومات .

لا أحراج وبامكانك أن تقول لهم أن لهجة العائلة البيضة افضل من المكسيكان او السود او الاسيوين و أنا لاأقصد اي شياء غير ان تحصل علي أفضل طريقة لتعلم اللغة. علي العموم أكثر المعاهد يرسلون الطلبة لأسر بيضة بسبب اللهجة.