سبحان الله وبحمده0
28-08-2022 - 10:42 pm
السلام عليكم ورحمة الله وبركاته
اخوتي أنا حلمي أروح لماليزيا من قبل أتزوج وحبيتها من كثر ماسمعت عنها ..
وبحكم ظروف زوجي المادية لم نستطع السفر لشهر العسل قبل سنتين
والآن الحمد لله تسممح الظروف لكن كثير من حولي صارو يروحون أوروبا ( النمسا وسويسرا والمانيا وتركيا)
صراحة الصور مذهله وجميلة جدا وكأني بديت أميل لها والآن أنا في حيره
انا انسانة أحب الطبيعه جدا والجو اللطيف ..
وماليزيا حارة شوي ..
وأوروبا أحس بالكثير عليها 10 ايام لأنها طبيعه فقط مافيه أماكن كثير
شيء ثاني أنا تهمني جدا جدا سالفة الفنادق .. وفنادق ماليزيا أحلى من أوربا ما أحب الفندق العادي
أحب الفخم حتى لو ماكنا نجلس فيه وقت طويل
ونقطة اخرى لازم تعرفونها ميزانيتنا 20 الف فقط قابلة للزيادة شيء بسيط
ادري اني دوختكم لكن
وش رايكم أدلو بدلوكم وعطوني مشورتكم
هذي السفرة الأولى للخارج ولافيه سفرة ثانية الا بعد كم سنة ان الله احيانا
لذلك أبي اخطط لها مضبوط
انصحوني ؟
وجزاكم الله ألف خير
حياك عزيزتي ,, وأنصحك حسب معطياتك وميزانيتك انك تروحين ماليزيا ..
وراح تلاقين في ماليزيا اي جو أو مستوى تحبينه ..
واوروبا ما بتلاقين فيها التنوع في الطبيعة والأجواء ( والفلة ) اللي في ماليزيا ..
هذا كله بمنطقية وبدون تحيز ,, كيف لو دخلت مشاعري تجاه ماليزيا في الموضوع !!
الله يكتب لك اللي فيه الخير عزيزتي وأتمنى لك رحلة ممتعة ..
وأي استفسار حاضرين ..
أختك .. شموخ