تحية طيبه وبعد أنا من اشد المستفيدين من هذا الموقع وهذه المرة الأولى لي في المشاركة ويعلم الله أنه حب أخوي،حبيت احذركم من مشغل هناك لفرد الشعر بحكم أنني موظفه كثير من زميلاتي يفردون شعرهم في ماليزيا بربع السعر مقارنة بعندنا وهو فرد الكيراتين واليوكو،وكانوا يمدحون لي مشاغل KLCC وكانت هي النيه،قدر الله أن ذهبت للمصلى في التايم سكويرالدور السابع وفي طريقي وجدت مشغل أسمه موناليزا أول مشغل عربي في ماليزيا، دخلت ولقيت صاحبة المشغل جزائريه والمشغل مو نظيف وبسيط وريتها شعري وشعر بنتي وشرحت لي وش يماسبني وش يناسب بنتي وسالتها عن السعر قالت400 قلت لها فيه مشاغل ارخص تسويه ب150 قالت الصينيين كذابين وانا عربيه وناصحه لك وقالت لي شعرك تعبان يحتاج معالج وتوكلت على الله وجيتهم من بكرا وقلنا يالله ،وطلعنا راضين لانهم يوم خلصوا مشوا عليه بالسيراميك،المهم من نفس اليوم لمست شعري لقيت اطرافه زي ليفة الحديد الناعم قسم بالله مع العلم ان اطراف شعري ناعمه،رجعت لهم من بكرا وقالوا ابد لان مفعول الماده لازال وقلت يالله وقالوا اذا غسلتيه بيطلع احسن ومشت عليه بالسيراميك وصدقت،المصيبه انه لازم ثلاث ايام مايغسل وانا سويته اخر يوم لي بماليزيا ورحت للرياض وغسلته اه بغيت ادوخ من فوق شعري كانه محترق ومن تحت يالطيف منتفش يعني لازم سيراميك ومعناه مااستفدنا وابحرقه زياده، وبنتي صار زي الفرد القديم يالله استشوره ولا ماينفع،كلمتها قلت لها ترجعين لي فلوسي خسارة شعر وخسارة فلوس تخيلوا وش ردت حسبي الله عليها،قالت اصلا شعرك تعبان طيب ليش تسوين لي مادام تعبان والمصيبه الثانيه قالت شعرك فيه قشره ووصخ وتحملناك ماحبينا نجرحك، القشره كانت بسيطه ويوم ادخل عليهم كنت توي غاسلته وبعدين وش علاقة الفرد بالقشره ،باختصار اقسم بالله ناصحه لكم لايهكون عليكم وعليكم بالبمشاغل النظيفه في klcc ارخص واضمن وكثير جربوهم،لايصير لكم ماصار لي وربي يشهد واللي يبغى رقمي يتواصل معي عالخاص افيده اكثر وللعلم الصينيات اللي يبيعون بالمحلات لاشافوا بنتي سالوني بكم ولاقلت لهم ارتاعوا يقولون حنا نسويه بميه وخمسين وشعورهم تجنن ياليت عالفلوس المشكله الشعر اللي راح واشهد الله ع كل حرف