نكمل ...........
المناطق اللي حلين فلورنس ممكن زيارتها .....
لوكا...
هي مدينه صغيره محاطه باقوى جدران دفاعيه في اوربا..وثاني اكبر منطقه زراعيه في اوربا ....بعرض بعض الصور من خلال زيارتي لهذه المدينه ...
طبعا هذا جزء من جدار المدينه القديمه الجدار ضخك جدا ....طبعا هذا من الجهه الاخرى ....كان يوجد اشهر محل للاجبان وزيت الزيتون ....والاقدم ...

هذه الصوره للجدار الامامي ...مثل ماتشوفون حاطينه حاليا ممشى ...الجدار الصغير على اليمين جدار القلعه كان مكان الجنود لان ورى الجدار الصغير ترى الناس صغيرين جدا مثل ماقلتلكم سابقا ...اقوى جدار دفاعي ...

زي ماتشوفون المدينه القديمه ....
طبعا تقدر تتمشى داخل المدينه القديمه 2-3 ساعات واذا تبغى تمر الاسواق القديمه ....تجربه حلوه ....

سنتر المدينه القديمه ....
هناك مدن مثل لوكا منها..........
سيينا
اريستو
موجيلو ومشهوره بالمعجنات في شمال فلورنس ومنطقه حلوه للي يحبون الطبيعه .......
و بيزا مدينه جميله بها برج بيزا لاتغركم الصور تريه بس 7 طوابق سبب ميلانه لارضيه تحت رمليه ولكن رغم ذالك ثبتو البناء على المائل تستطيع الدخول للبرج بس لاتدوخون درج حلزوني ومايل
بس المنظر من اعلى البرج حلو ...

طبعا لاتستغرب من المصورين اللي قالب راسه واللي يسوون حركات مضحكه بس في الاخير الصور ابداع ..........
مغامرات حلوه عليكم تجربتها ..........................
يتبع.......

1. السنتر في فلورنس ......

المطبخ التوسكاني اشهى المطابخ في ايطاليا ...والذها ...
اذا انت في فلورنس بعطيك بعض الاكلات التى يجب تجربتها .........
لانه ماجربتها كانك لم تزر فلورنس ...
fettunta
حلات هذه الاكله في نوفمبر لانه موسم الزيتون وعصر الزيتون ...
ولذيذه طوال السنه مو تقولون اطليانو قالنا بس نوفمبر ...
عباره عن خبز محمص مدهون بزبت زيتون ومسحه خفيفه ثوم مع الطماطم المفروم مع الريحان ....يم يم تعتبر من المقبلات ...تقدرون تسونها في البيت ...
احلى شي انكم تشوفون معصرة الزيتون ...
انا كنت مع سواق الشركه وهو اللي دلني بس اكيد فيه تور يودي لمزارع ..
سلطه التونه ماجربتها بس شكلها يشهي معها زيت زيتون وفاصوليا مطبوخه..
شوربه البصل مع الجبن يطبخونها اول على النار وبعدين بالفرن ....حلو معها الفيتونا الخبز اللي قلتلكم عنه ........يم يم
المطبخ التوسكاني متنوع ولذيذ واهم شي عندهم زيت الزيتون والثوم والخضار
والجبن والريحان ..........ولاتفوتون الاكل البحري لذيذ لان مقاطعه توسكانا ساحليه .......اقرب للبحر لوكا ...
فعلا الذ مطبخ ..........جربوه لارحتو توسكانا وعطونا رايكم ..
الحين عاد ياشباب جهزو جيوبكم ....
اشهر الاسواق...
سوق سان لورينزو سوق شعبي مشهور وعلى طول الشارع فيه كل شي ...
طول الاسبوع فاتحين الا الاحد والاثنين مغلق ........
وكذالك سوق سانتا ابورجيو ....نفس السوق السابق ...لكن مغلق بس الاحد ..
وسوق ميركاتو ديلي كستشيني ...كل ثلاثاء عند البارك الكبير باركو ديلا كاستشيني .......
وفي اللي في السنتر كل الاسواق اللي تبون عند سانتا ماريا ومحلات الجلديات والجسر ومحلات الذهب ....
ولاتفوتون الاوت لت ...
the mall
http://www.themall.it/TheMall2_9.html
وموجود بالموقع باللغه العربيه طبعا اللي يروح فلورنس بيشوف باصهم الكحلي مكتوب عليه ذا مول ..........
http://www.enjoyflorence.com/english/barberino-mc.arthur-glenn-outlet.html
هذا الاوت لت فيه 90 محل .....من اشهر الماركات العالميه......
Dolce & Gabbana outlet
عباره عن طابقين مليئ بالازياء المتنوعه ....40 دقيقه عن فلورنس ..
من يوم الاثنين -السبت -من الساعه 9 صباحا حتى الساعه 6 المساء..
الاحد من الساعه 3 الظهر حتى الساعه 7 الليل ...
prada outlet
ساعه عن فلورنس محل كبير .......
من الاثنين الى الجمعه من الساعه 10 حتى الساعه 7 الليل ...
يوم السبت من الساعه 9 الى الساعه 7 بالليل.....
يوم الاحد من الساعه2 الظهر الى الساعه 7 الليل.....
victoria outlet
برادا - ميوميو- فندي -جيل ساندر -روفو -وغيره.........
يفتح من الساعه 3 الظهر الى الساعه8
وفي شهر 7-8 يفتح الساعه 3الظهر الى الساعه 9 الليل .....
يوم الاحد مغلق
يبعد ساعتين عن فلورنس ........
صورعن فلورنس.........
اشهر كنيسه في فلورنس عند منطقه السنتر مااروع الفن المعماري ........

السنتر في فلورنس ......

صوره من على الجسر بونتي فيتشو اقدم جسر على نهر اورنو طبعا محلات الذهب اللي على الجسر للاسف ماعندي صوره له كان قديما مكان الجزرين حتى يرمون مخلفات بالنهر وبعدين امر الحاكم انهم يشيلونهم ومع الوقت صارت الان اشهر محلات ذهب ومميزه جدا .......
تصوير من ساحه مايكل انجلو للاسف الصوره غير واضحه من كاميرا جوال نسيت كمرتي بالفندق .....من الساحه هذه تشوف فلورنس القديمه واجمل وقت قبل الغروب منظر جميل جدا ....
طبعا الجو كان مطر وكنا في شهر 7 اخر الشهر وبارد شوي...
اللي بالصوره عرسان يابانيين وقفو التصوير بسبب المطر ....
صوره قبل لااطلع للساحه لانها منطقه مرتفعه ......
انتهت جولتي الصغيره في فلورنس ان شاء الله اجمع معلومات جديده مستقبلا واضيفها لكم ...........
اتمنى ان الموضوع يعجبكم وشكر لمتابعتكم
اخوكم
اطليانو
...............

يعنى ماعجبكم او ماحبيتو فلورنس ولارد ........
كذا بتزعلوني .....

اخوي اطليانو :
اولاً كل عام وانت بالف خير ويشرفني اني اكون اول المعلقين على موضوعك وبدون مجاملة انا واحد من الناس اللي استفاد من مواضيعك وصار عندي اجندة بكل المواضيع اللي تطرحها والف شكر على مجهودك السابق واللي تبذلة الان ويعطيك الف عافية ،،،

جاليليو
وانت بخير وصحه وسلامه وعيدك مبارك ......
مشكور اخوي تسلم على الكلام المشجع والجميل وشرفني مرورك الجميل والعفو والله يعافيك ......

فلورنس مدينه راائعه شفت لها صور كثير وحبيتها ..وان شاء الله ازورها قريب...يسلموو ع الموضوع الرائع,,,دووم متميز يااخوي....

الا عجبنا و نص تقاريرك كلها حلوة يا مشرفنا
و جهدك تشكرا علية

صباح الخير
بزور ايطاليا (روما فلورنسا روما ) في نهاية مارس
بخصوص فلورنسا كم المدة اللي اجلس فيها
كم تبعد من فينيسيا بالقطار
وما هو انسب فندق 4 او 5 نجوم
مع تحياتي

muttawa45
تكفيه 3 ليالي لفلورنس
وبالنسبه للقطار من فلورنس لفينيسيا
http://orario.trenitalia.com/b2c/nppPriceTravelSolutions.do?stazin=Firenze&stazout=Venise&datag=20&datam=04&dataa=2011&timsh=12&timsm=00&car=0&stazin_r=Staz_DA&stazout_r=Staz_A&datag_r=01&datam_r=01&dataa_r=2011&timsh_r=01&timsm_r=00&trencounter=0&nreq=5&solotreno=0&npag=1&sort=0&trencounter_r=0&nreq_r=5&solotreno_r=0&npag_r=1&sort_r=0&traintype=&traintype=&lang=en&channel=tcom
Grand Hotel Baglioni 4 نجوم
Hotel Pendini 3 نجوم
Calzaiuoli 4 نجوم