Italian soul
13-08-2022 - 11:42 am
السلام عليكم ورحمة الله وبركاته
إن شاء الله ناوين رحلتنا تكون ثاني أو ثالث العيد إلى سويسرا أو إيطاليا (للحين محتارين) و احنا 3 أشخاص (عائله) وما معنا أطفال ورحلتنا إن شاء الله راح تكون 10 أو 14 يوم بالكثير
حطو باعتباركم هالشيين
1- من كثر ماقريت بالمنتدى شفت أن الأغلب ينصح باستئجار سياره بس زي ماقلت لكم بالعنوان احنا ما معنا أحد يسوق يعني المواصلات بتكون باصات وتاكسيات أو مدري :/
2-احنا أول مره نروح لأوروبا
سؤالي هو : وش تنصحون, أروح سويسرا بس أو إيطاليا بس أو نص هنا ونص هنا؟
السؤال الثاني: بحكم أننا كلنا اللي رايحين ماعندنا خبره بالسفر وكذا, مفكرين ناخذ برنامج سياحي من شركة الطيار شامل الأوتيلات والتذاكر والقطارات والفطور, فأيش رايكم نتوكل على الله ولا أخاطر وأحجز كل شي أون لاين؟
والشي الثالث هل صحيح إيطاليا حر مرره بأوقست, ولا عادي كويس بالنسبه لنا اللي متعودين على الحر
صح ونقطة الانطلاق من الرياض, على الأغلب من الخطوط السعوديه, إلا إذا تقترحون شي ثاني
ولا بد ان يتم الاختيار من قبل المسافر نفسه بناءا على ما يشاهده في التقارير والاماكن في كل بلد وكل مدينة وعلى اساسها تحددين الوجهة
اذا مالكم خلق التخطيط والبحث والقرائة فالافضل لكم البرامج السياحية الجاهزة من مكاتب السياحة
بالتوفيق