ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ياقلبي قلبك
05-10-2022 - 01:32 pm
السلام عليكم ورحمة الله وبركاته ...
بصراحة أشتقت لماليزيا وأجوائها الرائعة وحبيت أسئلكم ...
أنا زرت ماليزيا صيف 2005 ومن الفنادق الي أقمت فيها هو فندق الريجنت وأعجبني كثير من ناحية
موقعه وهدوئه التام ونظافته وخدماته وفطوره الممتاز .
وحبيت أسئلكم ، حسب ما سمعت أن الفندق تم تغيير أسمه إلى ملينيوم هل هذا صحيح ؟
الحاجة الثانية الي عنده معلومة عن الفندق في الوقت الحالي كيف مستوى الخدمات فيه لأن أحد
الزملاء بيروح شهر عسل واستشارني فيه وأنا نصحته بالفندق لأني مجربه لكني قلت له تريث أشوي
وأجيب لك الخبر الأكيد ، أخاف الفندق صارت خدماته سيئه وأثاثه قديم لأني دخلت أحد المنتديات
وتكلم عن الفندق أنه سيئ جداً ، ياليت تفيدوني عنه خاصة للي زاروه في 2007 أو 2008 .


فنادق ماليزيا
التعليقات (8)
black coral
black coral
ياقلبي قلبك
هلا بيك اخوي نعم اخي الكريم تم تغير اسم الفندق الى ملينيوم و ذلك بسبب شرائه من قبل شركه سي دي السنغافورية وقد زرت الفندق عام 2002 و قد كان ممتاز كما تفضلت لكن ماعندي فكرة عن خدماته و خاصه بعد تغير اسمه اسمع الاخوان يمدحون البارك رويال ممكن يفيدونك الاخوان اللي زاروه في الاعوام الاخيره و بالتوفيق

ياقلبي قلبك
ياقلبي قلبك
black coral شكراً على مرورك
الفندق من الفنادق المتميزة الي أقمت فيها والي عاجبني فيه هدوئه التام وموقعه المميز .
وأقمت أيضاً في فندق الماريوت لكن الي ما عجبني فيه هو الازدحام الشديد خاصة
إذا جلست أنتظر الاسنسير :112::112::112:

مـزاج
مـزاج
أنا سكنت فيه قبل اسبوعين تقريبا وسكنت فيه 2005 كذلك فخذ العلم مني وادع لي
الفندق ممتاز جدا ماتغير شي غير الاسم
والأفضل موقعه طبعا

ياقلبي قلبك
ياقلبي قلبك
أخوي مزاج
شكراً للعلم ويعطيك ألف عافية وعساك على القوة

turki420
turki420
أنا الحين ساكن فيه..
غرفة ديلوكس مع الافطار والانترنت ب 450 رنجت
الفندق حلو وتظيف وراقي وموقعه ممتاز أي استفسار حاضرين
اسمه الحين جراند مياينيوم

ياقلبي قلبك
ياقلبي قلبك
أخوي turki420 يعطيك العافية على المعلومة .
وأحب أقولك في مقهى أسمه كافي بين وموقعه أول ما تطلع من بوابة فندق الملينيوم راح تشوف مقابلك مباشرة بوابة مجمع أدخل بالمجمع وأول محل على اليمين هذا هو ... وأطلب منه مشروب بارد أسمه أول تمت
وادعلي

turki420
turki420
رحت له بناء على التوصية بس ما لقيت عنده أول تمت فطلبت شئ اسمه ماليبو بس صراحة لذيذ كانه بيناكولادا والمقهى رائع صراحة استمتعت بالجلسة فيه ..
في انتظار توصياتك الاخرى اسويها قبل ما ارجع.. أمي موصيتني على مسمار (عويدي) وابوي يبغى عود من وين اشتري لهم..

ياقلبي قلبك
ياقلبي قلبك
أفا والله وشلون يا كافي بين ما عندك أول تمت يمكن تحصله في فرع ثاني مثل البرجين ....
بالنسبة للعود والعويدي والله ما أدري لكن أذكر في بعض المحلات وأنت تمشي في الأسواق وبعض العمائر
السكنية تحصل أعلان مكتوب عليه يوجد لدينا عود .... لكن انتبه ترى بعضهم يبيعون عود مغشوش .


خصم يصل إلى 25%